बीड — ट्रॅक्टर ट्रॉली अंगावर कोसळल्याने ऊसतोड कामगाराचा जागीच मृत्यू झाल्याची दुर्दैवी घटना घडली. गणेश डोंगरे असं ऊसतोड कामगाराच नाव असून तो रीलस्टारही होता. जेव्हा घटना घडली तेव्हा गणेशची पत्नी अश्विनी फेसबुक लाइव्ह करत होती.तिच्या डोळ्यादेखतच ही दुर्घटना घडली. तिला लक्षात आलं तेव्हा लाइव्हमध्येच ती किंचाळल्याचंही ऐकू येतं.
वडवणी तालुक्यातील डोंगऱ्याचीवाडी सोन्नाखोटा येथील रहिवाशी असणारा गणेश डोंगरे वय 30 वर्ष आणि त्यांची पत्नी ऊसतोडीसाठी लातूरच्या कारखान्यावर गेले होते. कारखान्याजवळ ते थांबले असताना गणेश डोंगरे याच्या अंगावर ट्रॅक्टर ट्रॉली कोसळली. गणेशच्या अशा अकाली मृत्यूमुळे त्याची पत्नी, तीन मुली आणि आई-वडिलांवर दु:खाचा डोंगर कोसळला.
गणेश डोंगरे याची घरची शेती अवघी एक एकर इतकी होती. गणेशवरच कुटुंबाची जबाबदारी होती. त्याची पत्नीही त्याला ऊसतोडीसह कष्टाच्या कामात साथ देत होती. गावी पत्र्याच्या शेडमध्ये राहणाऱ्या गणेश-अश्विनीने ऊस तोडणीही सुरू केली होती. अश्विनी आणि गणेश हे त्यांचे व्हिडीओ शेअर करायचे. ऊसतोडणी करत ज्या परिस्थितीत आपण राहतोय, आपण जे काम करतोय ते दोघंही दाखवत असत.
लातूर जिल्ह्यात साखर कारखान्यावर ऊसतोडीसाठी गणेश आणि अश्वीनी आले होते. शनिवारी दुपारी गणेश आणि अश्विनी ट्रॅक्टर भरून साखर कारखान्यावर पोहोचले होते. वजनासाठी ते कारखाना परिसरात थांबले असताना एक ट्रॅक्टर पलटी झाला. तो गणेश यांच्या अंगावर कोसळल्यानं त्यांचा जागीच मृत्यू झाला तर एक जण जखमी झाला. घटना घडली तेव्हा गणेश यांची पत्नी अश्विनी कारखाना परिसरात फेसबुक लाइव्ह करत होती.
या सोहळ्यात संपादक शेख मुजीब यांची प्रमुख उपस्थिती होती. हा कारखाना स्थानिक अर्थव्यवस्थेला बळकटी देणारा महत्त्वपूर्ण टप्पा असल्याचे उपस्थित मान्यवरांनी नमूद केले.कारखान्याची अत्याधुनिक वैशिष्ट्ये या फर्निचर कारखान्यात अत्याधुनिक डिझाइन तंत्रज्ञान आणि उच्च दर्जाची मशिनरी बसवण्यात आली आहे. येथे बेड, वॉर्डरोब, सोफा सेट्ससह घरगुती आणि कार्यालयीन फर्निचर वाजवी दरात उपलब्ध करून देण्यात येणार आहे. “ग्राहकांच्या प्रत्येक गरजेनुसार दर्जेदार, टिकाऊ आणि आकर्षक फर्निचर तयार करणे हा आमचा मुख्य उद्देश आहे. आम्ही स्थानिक साहित्याचा वापर करून खर्च कमी ठेवणार आहोत,” असे आयोजकांनी सांगितले. कारखान्यामुळे ग्राहकांना बाहेरील शहरात जाऊन फर्निचर खरेदी करण्याची गरज भासणार नाही.शुभारंभ सोहळ्यातील प्रमुख उपस्थिती आणि भाषणेया शुभारंभ सोहळ्यात आमदार विजयसिंह पंडित, शेख मुजीब, नगराध्यक्ष बीड, तहसीलदार चंद्रकांत शेळके, सय्यद शाकेर, दैनिक रिपोर्टरचे संपादक शेख तय्यब, शहरातील शेख निजाम, शेख एजाज (खन्ना भैय्या), रफीक पठाण, खुर्शीद आलम, अमीर भाई, पत्रकार शेख तालीब, पत्रकार शेख आयुब, सय्यद इरफान यांसह मोठ्या संख्येने नागरिक, उद्योजक व पत्रकार उपस्थित होते. आमदार पंडित म्हणाले, “अशा उद्योगांमुळे बीडचा विकास वेगवान होईल आणि स्थानिक तरुणांना रोजगार मिळेल.” तहसीलदार शेळके यांनी कायदेशीर मंजुरी आणि भविष्यातील सहकार्याबाबत आश्वासन दिले.
शारदा स्पोर्ट्स अकॅडमीचे अध्यक्ष रणवीर पंडित यांच्या संकल्पनेतून जयभवानी आणि जगदंबा शिक्षण प्रसारक मंडळाच्या अंतर्गत भव्य शारदा क्रीडा महोत्सव सुरू असून गुरुवार दिनांक १ जानेवारी रोजी माध्यमिक आणि उच्च माध्यमिक विद्यालय पाचेगाव येथे मुलांच्या गटातील खो -खो स्पर्धेचे उद्घाटन करण्यात आले. यावेळी बाजार समितीचे सभा उपसभापती श्रीहरी पवार संचालक पांडुरंग मुळे, प्राचार्य राजेंद्र दाभाडे, सरपंच तुकाराम प्रधान, वराट, बिपीन डरपे, देविदास तर्फे,भागवानराव मते, श्रीकृष्ण वेताळ, मुन्ना हटवटे, पांडुरंग मुसळे, कृष्णा चव्हाण, अविनाश राठोड यांच्यासह मान्यवर व्यासपीठावर उपस्थित होते.
कार्यक्रमाच्या प्रास्ताविकात आयोजक रणवीर पंडित म्हणाले की, क्रीडा महोत्सवात सातत्य ठेवून स्पर्धा आयोजित केल्यामुळे ग्रामीण भागातील विद्यार्थ्यांमध्ये खेळाची आवड निर्माण झाली त्यामुळे त्याला चार वर्षापासून होणाऱ्या या क्रीडा महोत्सवाला उस्फुर्त प्रतिसाद मिळत आहे.