अंबेजोगाई — शहराला हादरवून टाकणारी अत्यंत दुर्दैवी घटना आज सकाळी घडली. अंबेजोगाई येथील स्वामी रामानंद तीर्थ ग्रामीण शासकीय वैद्यकीय महाविद्यालयाचे भूलशास्त्र विभागप्रमुख डॉ. अभिमन्यू तरकसे यांचा काळवीट (काष्टी) साठवण तलावात पोहताना बुडून मृत्यू झाला. या घटनेमुळे संपूर्ण वैद्यकीय क्षेत्रात आणि शहरात हळहळ व्यक्त केली जात आहे.
मिळालेल्या माहितीनुसार, डॉ. तरकसे हे दररोजप्रमाणे आज सकाळीही पोहण्यासाठी तलावावर गेले होते. पहाटे साडेसहा वाजण्याच्या सुमारास ही घटना घडल्याची माहिती समोर आली. काही वेळानंतर तलावातील सांडव्याजवळ एक मृतदेह तरंगताना काही नागरिकांच्या निदर्शनास आला. त्यांनी जवळ जाऊन पाहिले असता तो मृतदेह डॉ. अभिमन्यू तरकसे यांचा असल्याचे स्पष्ट झाले.
घटनेची माहिती मिळताच पोलिसांनी घटनास्थळी धाव घेत पंचनामा केला. त्यानंतर मृतदेह शवविच्छेदनासाठी स्वामी रामानंद तीर्थ रुग्णालयात पाठविण्यात आला. डॉ. तरकसे यांच्या मृत्यूमागील नेमकं कारण अद्याप स्पष्ट झालेलं नसून शवविच्छेदन अहवालानंतरच सत्य समोर येणार आहे. पोहताना त्यांना हृदयविकाराचा झटका आला होता का किंवा अन्य काही कारण होतं का, याबाबत चर्चा सुरू आहे.
विशेष म्हणजे, डॉ. तरकसे हे आरोग्याबाबत अत्यंत जागरूक होते. स्वतःची शारीरिक तंदुरुस्ती टिकवण्यासाठी ते अनेक वर्षांपासून नियमितपणे काळवीट साठवण तलावात पोहण्यासाठी जात होते. आजही त्यांनी सुरक्षिततेचा उपाय म्हणून कमरेला रिकामी पाण्याची बाटली बांधली होती. मात्र, नियतीने घात केला आणि त्यांचा दुर्दैवी अंत झाला.
डॉ. अभिमन्यू तरकसे हे मूळचे अंबेजोगाई तालुक्यातील धावडी गावचे रहिवासी होते. अत्यंत प्रतिकूल परिस्थितीत त्यांनी शिक्षण पूर्ण केले. शालेय शिक्षणात उत्कृष्ट यश मिळवत त्यांनी अंबेजोगाईच्या स्वामी रामानंद तीर्थ वैद्यकीय महाविद्यालयातून वैद्यकीय पदवी घेतली. पुढे भूलशास्त्र विषयात पदव्युत्तर शिक्षण पूर्ण करून ते याच संस्थेत कार्यरत झाले. आपल्या मेहनती, कौशल्य आणि मनमिळाऊ स्वभावामुळे त्यांनी वैद्यकीय क्षेत्रात वेगळी ओळख निर्माण केली होती.
त्यांच्या आकस्मिक निधनामुळे अंबेजोगाई शहरासह वैद्यकीय क्षेत्रातून शोक व्यक्त केला जात आहे.
भारताची जनगणना झाल्यानंतर आकडेवारी समोर आली तर त्यांची लोकसंख्या चाळीस कोटीपर्यंत पोचलेली असेल हे लक्षात ठेवा त्यामुळेच हा उन्माद वाढलेला आहे त्यामुळे जातीपातीत विखरून राहण्यापेक्षा हिंदू मनून अन्याय झाल्यानंतर एक व्हा यांना डॉ.बाबासाहेब आंबेडकरांनी लिहिलेले संविधान मान्य नाही वेगवेगळे जिहाद वाढत आहेत आदी बाबीवर आमदार संग्राम जगताप यांनी नेकनुर येथील जन आक्रोश मोर्चात वाढत चाललेल्या घटनेचा समाचार घेतला.
दरम्यान अशा मोहिमांचा वाजवलेला ढोल आज फुटलेला पाहायला मिळाला.घोसापुरी येथे रविवारी सकाळी दोन गटात झालेल्या रक्तरंजित थरारानंतर काठ्या, तलवारी अन् कु-हाडीचे घाव अंगावर झालेले कपडे रक्ताने माखलेले गंभीर परिस्थितीतील जखमींनी उपचार घ्यायचे सोडून थेट पोलीस अधिक्षक यांचे कार्यालय गाठले होते. पोलीस अधीक्षक कार्यालयाच्या पायऱ्यावर काहीजण झोपलेले दिसले तर उन्हाच्या काहिलीत देखील बसून राहिलेले दिसले. रक्त वाहत असताना देखील जीवाच्या भीतीने भयभीत झालेल्या जखमींना उपचारापेक्षा अधीक्षक कार्यालयात बसून राहणे सुरक्षेचे वाटले. एवढं होऊनही यंत्रणेला घाम फुटला नाही. दरम्यान या प्रकरणात बीड ग्रामीण पोलीस ठाण्यात रात्री उशिरापर्यंत गुन्हा दाखल झालाच नाही. बीड मध्ये पाहायला मिळालेल्या या चित्राने अनेक गंभीर प्रश्न निर्माण झाले आहेत.
यावेळी पुढे बोलताना आ. धनंजय मुंडे यांनी सांगितले की, एक लोकप्रतिनिधी या नात्याने हे आपले कर्तव्य आहे . आपल्या हृदयापासून मराठा भवन हे मोक्याच्या ठिकाणी आणि अतिशय दर्जेदार व वैभवशाली व्हावे ही आपली कायमच भूमिका होती. नगरपरिषदेच्या अनेक खुल्या जागा या मराठा भवन साठी उपलब्ध होत्या मात्र महाराष्ट्रात नावलौकिक होईल अशा प्रकारचे सामाजिक उत्थनाचे हे मंदिर योग्य जागेवरच उभे राहिले पाहिजे ही आपली भूमिका होती. त्या दृष्टीने वैद्यनाथ मंदिर परिसरातीलच जागा नाथ प्रतिष्ठानच्या वतीने विकत घेतली.या ठिकाणी आता सुसज्ज व वैभवशाली मराठा भवन उभे राहणार आहे. मराठा भवन मध्ये समाज उपयोगी उपक्रम राबवण्याचे उद्दिष्ट ठेवण्यात आले आहे. मुला मुलींचे वसतीगृह, शिकवणी क्लासेस, अभ्यासिका, नोकरी मार्गदर्शन केंद्र आदी विद्यार्थी कलागुण विकसित करण्यासाठीचे उपक्रम या भवन मधून राबवण्यात येणार आहेत. उद्योग, व्यवसाय मार्गदर्शन, व्यवसायातील बारकावे, येणारी आव्हाने, उद्योजक, व्यावसायिकांचे परिचय मेळावे आदी आयोजित करण्याचा संकल्प करण्यात आलेला आहे. त्याचबरोबर वधू-वर परिचय मेळावे, सामूहिक विवाह कार्य, शिक्षण, आरोग्य, कौटुंबिक, सामाजिक ,व्यावसायिक यासह अनेक विषयावर प्रबोधन मार्गदर्शन मिळावे आयोजित करण्यासाठी मराठा भवन उपयुक्त ठरणार आहे. सर्व गुणसंपन्न पिढी घडविण्याच्या दृष्टिकोनातून ही वास्तू एक महत्त्वाचे केंद्र ठरणार आहे असे त्यांनी सांगितले.