केज — शहरात विनापरवाना सुरू असलेल्या ऑनलाइन जुगारावर पोलिसांनी मोठी कारवाई केली आहे लोटस् 365. (LOTAS 365) नावाच्या ऑनलाइन जुगार अॅपच्या माध्यमातून लोकांना जास्त पैसे मिळवून देण्याचे आमिष दाखवत जुगार खेळणाऱ्या व खेळविणाऱ्या 8 जणांवर पोलिसांनी गुन्हा दाखल केला आहे.
पोलीस अधीक्षक नवनीत कावत, अपर पोलीस अधीक्षक अंबाजोगाई चेतना तिडके आणि सहायक पोलीस अधीक्षक केज वेंकटराम यांच्या मार्गदर्शनाखाली विशेष पथकाने ही कारवाई केली.
मिळालेल्या गोपनीय माहितीनुसार, दिनांक 25 जून 2026 रोजी रात्री साडेनऊच्या सुमारास केज पोलीस ठाणे हद्दीत LOTAS 365 ऑनलाइन जुगार चालवला जात असल्याची माहिती पोलिसांना मिळाली. त्यानंतर विशेष पथकाने छापा टाकून आरोपींना ताब्यात घेतले.
या कारवाईत आरोपी अनंत नवनाथ खंदारे (रा. कारेगव्हाण, बीड),अक्षय अनिल गायकवाड (रा. पुणे),अनिल कबीर सानप (रा. बीड)
आसाराम बळीराम केकाण (रा. दरडवाडी, केज)
गणेश लक्ष्मण खंदारे (रा. कारेगव्हाण),हर्षल मनोहर खंडारे (रा. अमरावती),सुशील दत्तात्रय मुंडे (रा. वडवणी),विशाल उत्तम बारवाळ (रा. छत्रपती संभाजीनगर),यांच्यावर महाराष्ट्र जुगार प्रतिबंधक कायद्यानुसार केज पोलीस ठाण्यात गुन्हा क्रमांक 397/2026 दाखल करण्यात आला आहे.
पोलिसांनी कारवाईदरम्यान विविध कंपन्यांचे 34 मोबाईल, 4 दुचाकी आणि इतर साहित्य असा एकूण 8 लाख 14 हजार 500 रुपयांचा मुद्देमाल जप्त केला आहे.सदरची कामगिरी पोलीस अधीक्षक नवनीत कावत, अप्पर पोलीस अधीक्षक चेतना तिडके, सहाय्यक पोलीस अधीक्षक वेंकटराम यांच्या मार्गदर्शना खाली ग्रे.पो.उप.नि अमीरोद्दीन इनामदार, धोंडीराम योगीराज मोरे, राजु वंजारे, विशाल क्षिरसागर, अनिल मंदे, मिसबा इनामदार,मल्लीकार्जुन माने, जरगर, मयुर टकले या विशेष पथकातील कर्मचाऱ्यांनी केली आहे
ऑनलाइन महादेव ॲप जुगारावर पोलिसांचा छापा; 8 आरोपींना अटक, 8 लाखांचा मुद्देमाल जप्त
