चौसाळा — ग्रंथालय हे फक्त पुस्तकाचं संग्रहालय न होता ती चळवळ व्हावी यासाठी सतत प्रयत्न करणारे डॉ. एस.आर . रंगनाथन होते असे प्रतिपादन प्रा. डॉ. विलास भिल्लारे यांनी केले.
कला व विज्ञान महाविद्यालय चौसाळा येथे ग्रंथालय विभागाच्या वतीने डॉ एस.आर. रंगनाथन यांच्या जयंतीनिमित्त व्याख्यानाचे आयोजन करण्यात आले होते त्याप्रसंगी ते बोलत होते. पुढे बोलताना डॉ. भिल्लारे म्हणाले की, ग्रंथालय चळवळ जास्तीत जास्त लोकाभिमुख करण्यासाठी त्यांनी आयुष्यभर प्रयत्न केले. कार्यक्रमाच्या प्रारंभी डॉ. एस.आर. रंगनाथन यांच्या प्रतिमेचे पूजन करण्यात आले. प्रास्ताविक ग्रंथपाल प्रा. डॉ. पंढरीनाथ हिरवे यांनी केले. व्यासपीठावर पदव्युत्तर संचालक प्रा. डॉ. सुधाकर वनवे कमवि चे उपप्राचार्य गणपती ढवळशंक उपस्थित होते. अध्यक्षीय भाषण करताना महाविद्यालयाचे प्राचार्य डॉ. पंडित खाकरे म्हणाले की, ग्रंथ हे मानवाचे दिशादर्शक असतात आणि हे ग्रंथ,पुस्तके जास्तीत जास्त लोकांपर्यंत पोहोचविण्याचे काम डॉ. एस. आर. रंगनाथन यांनी केले. या कार्यक्रमाचे औचित्य साधून गणित विभागाच्या वतीने प्रा. शारदा ताटीकोंडलवार यांनी गणित क्लब ची स्थापना केली. या कार्यक्रमाचे नेटके सूत्रसंचालन प्रा.स्वाती हांगे यांनी केले. शेवटी उपस्थित विद्यार्थी, प्राध्यापक यांचे आभार प्रा. चंद्रशेखर जगदाळे यांनी व्यक्त केले. या कार्यक्रमासाठी प्रा. सुधीर तेलप, प्रा. लहू शेळके, प्रा. संजय गव्हाणे, प्रा. संजय घाडगे,प्रा. बाळासाहेब कोल्हे, प्रा. भागवत कुरुंद व विद्यार्थी बहुसंख्येने उपस्थित होते.
