परळी — राहते घर माझ्या नावावर का करून देत नाहीस असं म्हणत मुलाने आईच्या डोक्यात दगड घालून हत्या केल्याची घटना भोजनक वाडी येथे शनिवारी सकाळी उघडकीस आली.
याबाबत पोलीसांनी दिलेल्या माहितीनुसार आरोपी चंद्रकांत कांगणे वय अंदाजे 26 वर्ष हा आपली आई (मयत सुनंदा ज्ञानोबा कांगणे, वय अंदाजे 50 वर्ष, रा. भोजनकवाडी हिच्याकडे सतत घर नावावर करून देण्याची मागणी करत होता. मात्र,आईने घर तिच्या नावेच ठेवले. त्यामुळे आरोपी चंद्रकांत याने रागाच्या भरात दि. 20 सप्टेंबर रोजी सकाळी आईच्या डोक्यात कुरुंदाचा दगड घालून गंभीर दुखापत केली. जखम गंभीर असल्याने त्यातच तिचा मृत्यू झाला. या प्रकरणी परळी ग्रामीण पोलीस ठाण्यात आरोपीविरुद्ध कलम 103 (1) BNS नुसार गुन्हा दाखल करण्यात आला आहे. आरोपी मुलाला पोलीसांनी अटक केली आहे. अधिक तपास पो.नि. सय्यद हे करीत आहेत.
दरम्यान, जन्मदात्री आईसारख्या मायेच्या व्यक्तीची केवळ मालमत्तेच्या वादातून घडलेली हत्या ही समाजातील नैतिक अधःपतनाचे उदाहरण असुन, या घटनेने जिल्ह्यात खळबळ माजली आहे.
घरासाठी आईच्या डोक्यात दगड घालून मुलाने केली हत्या
