गेवराईकरांच्या उदंड प्रतिसादामुळे टिपरे महोत्सव यशस्वी — आ. विजयसिंह पंडित
गेवराई — शारदा प्रतिष्ठानच्या माध्यमातून टिपरे महोत्सवा बरोबरच विविध उपक्रम राबवून गेवराई शहराचा संकृती वारसा जतन करण्याचे काम अविरतपणे सुरू आहे. दोनशे पेक्षा जास्त वर्षांची परंपरा असलेल्या टिपरे व सोंग या लोककलेच्या कलाकारांनी हा टिपरे महोत्सव उंचीवर नेऊन ठेवले आहे, गेवराईकरांच्या उदंड प्रतिसादामुळे टिपरे महोत्सव यशस्वी होत असल्याचे प्रतिपादन महोत्सवाचे आयोजक आ. विजयसिंह पंडित यांनी केले. शारदा प्रतिष्ठान आयोजित सहाव्या टिपरे महोत्सवाचा शुभारंभ करताना ते बोलत होते.
गेवराई विधानसभा मतदारसंघाचे लोकप्रिय आमदार विजयसिंह पंडित यांच्या माध्यमातून शारदा प्रतिष्ठान आयोजित टिपरे महोत्सवाचे उद्घाटन मंगळवार दिनांक १८ ऑगस्ट रोजी मोठ्या उत्साहात करण्यात आले. यावेळी व्यासपीठावर नायब तहसीलदार संजय सोनवणे, सरपंच संघटनेचे जिल्हाध्यक्ष कालिदास नवले, रिपाईचे तालुकाध्यक्ष किशोर कांडेकर, संजय गांधी निराधार अनुदान योजना समितीचे अध्यक्ष रवींद्र बोराडे यांच्यासह परिक्षक सर्वश्री ॲड. सुभाष निकम, विलास सोनवणे, प्रशांत रुईकर, विष्णूप्रसाद खेत्रे, प्रकाश भुते यांच्यासह पदाधिकारी व कार्यकर्ते आणि संयोजन समितीचे सदस्य उपस्थित होते.
महाराष्ट्रात प्रसिद्ध असलेला आणि २०० वर्षाची परंपरा असलेला गेवराई येथील पारंपरिक टिपरी आणि सोंग महोत्सव हा सांस्कृतिक वारसा सक्षमपणे चालविण्यासाठी व ही परंपरा जतन करून टिपरे व सोंग या कलेला प्रोत्साहन मिळावे यासाठी आ. विजयसिंह पंडित हे शारदा प्रतिष्ठानच्या माध्यमातून शहरातील ज्येष्ठ रंगकर्मी आणि तरुण कलावंताना सोबत घेऊन गेल्या पाच वर्षांपासून टिपरे महोत्सवाचे आयोजन करत असून या वर्षीच्या सहाव्या व्या टिपरे महोत्सवाचे नेत्रदीपक आयोजन मंगळवार दि. १८ ऑगस्ट रोजी सायं ६ वाजता बाजारतळ, गेवराई येथे करण्यात आले होते. टिपरे, सोंग, नागमंत्री, भोलोबा गीत स्पर्धा यांना स्पर्धकांकडून उदंड प्रतिसाद मिळाला. आ. विजयसिंह पंडित यांनी शिस्तबद्ध नियोजन करून हा टिपरे महोत्सव यशस्वी केला. नागपंचमीच्या दुसऱ्या दिवशी टिपरे महोत्सव पाहण्यासाठी गेवराई शहरातील लहान मुले, मुली, महिला, तरुण आणि वयोवृद्ध जनतेने उत्सफुर्त गर्दी केली होती.
यावेळी स्पर्धेचे नियम आणि सुचनांची माहिती स्पर्धेचे परिक्षक ॲड. सुभाष निकम यांनी दिली. कार्यक्रमाचे सूत्रसंचालन उपसभापती श्रीहरी पवार, माधव चाटे यांनी केले. टिपरे स्पर्धेत नऊ संघ आणि नागमंत्री स्पर्धत दोन संघ सहभागी झाले होते. टिपरे स्पर्धेची सुरुवात गणेश नगरच्या श्री गणेश क्रीडा मंडळ संघाने केली. यावेळी विविध मान्यवर आणि पदाधिकारी कार्यकर्ते, महिला, पुरुष, नागरिक मोठ्या संख्येने उपस्थित होते.
भरघोस बक्षिसानी कलाकारांचा गौरव होणार
टिपरे स्पर्धा सांघिक मध्ये प्रथम सांघिक ३३,३३३/- रोख रुपये व स्मृतिचिन्ह, द्वितीय सांघिक २२,२२२/- रोख रुपये व स्मृतिचिन्ह, तृतिय सांघिक ११,१११/- रोख रुपये व स्मृतिचिन्ह तसेच उत्तेजनार्थ ५,५५५/- रोख रुपये व स्मृतिचिन्ह, उत्तेजनार्थ ५,५५५/- रोख रुपये व स्मृतिचिन्ह प्रदान करण्यात येणार असून
उत्कृष्ट पात्र सजावट (कला सादरीकरण करणारा संघ)) प्रथम
५,०००/- रोख रुपये व स्मृतिचिन्ह, व्दितीय ३,०००/- रोख रुपये व स्मृतिचिन्ह, तृतिय २,०००/- रोख रुपये व स्मृतिचिन्ह, लक्षवेधी १,०००/- रोख रुपये व स्मृतिचिन्ह लक्षवेधी १,०००/- रोख रुपये व स्मृतिचिन्ह तसेच
उत्कृष्ट सोंगधारी कलावंत प्रथम
५,०००/- रोख रुपये व स्मृतिचिन्ह, व्दितीय ३,०००/- रोख रुपये व स्मृतिचिन्ह, तृतिय २,०००/- रोख रुपये व स्मृतिचिन्ह, उत्तेजनार्थ १,५००/- रोख रुपये व स्मृतिचिन्ह,हउत्तेजनार्थ
१,५००/- रोख रुपये व स्मृतिचिन्ह तसेच उत्कृष्ट वाद्य वादन (वैयक्तीक)
प्रथम ३,०००/- रोख रुपये व स्मृतिचिन्ह,ह व्दितीय २,०००/- रोख रुपये व स्मृतिचिन्ह, तृतिय१,५००/- रोख रुपये व स्मृतिचिन्ह, उत्तेजनार्थ
१०००/- रोख रुपये व स्मृतिचिन्ह, उत्तेजनार्थ १०००/- रोख रुपये व स्मृतिचिन्ह अशी पारितोषिके प्रदान करण्यात येणार आहेत.
