कोलकाता — पश्चिम बंगाल विधानसभा निवडणूक 2026 च्या पहिल्या टप्प्यात विक्रमी मतदान नोंदवण्यात आले असून राज्यात मोठ्या राजकीय उलथापालथीची शक्यता व्यक्त केली जात आहे.
पहिल्या टप्प्यातील 152 जागांसाठी तब्बल 91.78% मतदान झाले आहे. हा आकडा देशाच्या निवडणूक इतिहासातील सर्वाधिक मतदानांपैकी एक मानला जात आहे.
इतिहासातील सर्वाधिक मतदान – 2021 पेक्षा 9% जास्त
2021 मध्ये झालेल्या निवडणुकीत 82.30% मतदान झाले होते..यावेळी त्यात जवळपास 9% वाढ झाली आहे. एकूण 3.44 कोटी मतदार असून मतदान केलेले मतदार संख्या 3.11 कोटी इतकी आहे
हा केवळ आकडा नसून राज्यातील राजकीय तापमान आणि जनतेचा वाढता सहभाग दर्शवतो. 16 जिल्ह्यांमध्ये मतदानासाठी लोकांचा उत्स्फूर्त प्रतिसाद पाहायला मिळाला.आज पहिल्या टप्प्यात 16 जिल्ह्यांमध्ये मतदान पार पडले.
इतक्या मोठ्या प्रमाणावर लोक मतदानासाठी बाहेर पडल्याने निवडणूक अत्यंत चुरशीची होण्याची शक्यता आहे.
ममता बॅनर्जी यांची प्रतिक्रिया
ममता बॅनर्जी यांनी मतदानानंतर म्हटले की,
“जनतेने मोठ्या संख्येने मतदान करून विरोधकांना उत्तर दिलं आहे.”
तर विरोधकांचा दावा आहे की, राज्यात आता सत्तांतर निश्चित आहे.
ऐतिहासिक रेकॉर्ड ब्रेक मतदानाचा अर्थ काय?
राजकीय तज्ज्ञांच्या मते, जास्त मतदानाचा अर्थ अनेक असू शकतो सत्ताविरोधी लाट
सत्ताधाऱ्यांना पाठिंबा ,तीव्र राजकीय ध्रुवीकरण पश्चिम बंगालमध्ये हे तिन्ही घटक सक्रिय असल्याचे दिसत आहे.
SIR प्रक्रियेमुळे मोठा बदल
विशेष सखोल पुनरावलोकन (SIR) प्रक्रियेत 91 लाख डुप्लिकेट नावे वगळण्यात आली यामुळे निवडणूक प्रक्रिया अधिक पारदर्शक झाली.
तामिळनाडूतही विक्रमी मतदान
तामिळनाडू विधानसभा निवडणूक 2026 मध्ये सुद्धा मोठ्या प्रमाणात मतदान झाले.
सायंकाळी 5 वाजेपर्यंत 84.69% मतदानाची नोंद झाली मतदानाच्या शेवटच्या वेळेपर्यंत हा आकडा आणखी वाढण्याची शक्यता वर्तविली जात आहे.
इतर राज्यांतील पोटनिवडणुका
महाराष्ट्र आणि गुजरातमध्येही पोटनिवडणुका पार पडल्या:
बारामती – 56.72%
राहुरी – 54.96%
उमरेठ (गुजरात) – 58.59%
भारत निवडणूक आयोग नुसार 4 मे 2026 रोजी मतमोजणी होणार आहे. त्यामुळे वाढलेली मतांचे टक्केवारी कोणाच्या फायद्याचे ठरते हे उघड होणार आहे.
