नवी दिल्ली — देशभरात 1 मे 2026 पासून कमर्शियल एलपीजी गॅस सिलेंडरच्या किमतीत मोठी वाढ करण्यात आली आहे. सरकारी तेल कंपन्यांनी 19 किलोच्या कमर्शियल सिलेंडरच्या दरात थेट ₹993 रुपयांची वाढ केली आहे.
या वाढीनंतर कमर्शियल सिलेंडरची किंमत आता सुमारे ₹3071 वर पोहोचली आहे. एप्रिल महिन्यात हीच किंमत ₹2078 होती.
का वाढले एलपीजीचे दर?
इराण-अमेरिका तणावामुळे आंतरराष्ट्रीय बाजारात गॅसचा तुटवडा निर्माण झाला आहे. त्यामुळे एलपीजीच्या किमतींवर मोठा परिणाम झाला आहे.
तसेच काही राज्यांतील निवडणुका संपल्यानंतर ही दरवाढ करण्यात आल्याची चर्चा देखील सुरू आहे.
घरगुती ग्राहकांना दिलासा
सरकारने सर्वसामान्यांना दिलासा देत घरगुती एलपीजी सिलेंडरच्या दरात कोणतीही वाढ केलेली नाही. त्यामुळे घरगुती वापरासाठी सध्या तरी दर स्थिर ठेवण्यात आले आहेत.
हॉटेल आणि व्यवसायांवर मोठा परिणाम
कमर्शियल सिलेंडर महाग झाल्यामुळे हॉटेल चालकांचा खर्च वाढणार आहे त्यामुळे खाद्य पदार्थांच्या किमती वाढण्याची शक्यता आहे काही ठिकाणी हॉटेल बंद करण्याचे निर्णय घेतला गेला याचा थेट फटका ग्राहकांना बसणार आहे. त्यामुळे येणाऱ्या काळामध्ये हॉटेलमधील जेवण महाग होऊन ग्राहकांच्या खिशाला कात्री लागणार आहे.
