शेतकरी कर्जमाफी यादी आली! तुमचं नाव आहे का? 1.69 लाखांची यादी तपासा

Spread the love

शेतकरी कर्जमाफी यादी आली! राज्यातील शेतकऱ्यांसाठी मोठी बातमी समोर आली आहे.

दीपावलीच्या हार्दिक शुभेच्छा युवा सेना बीड जिल्हा

- जाहिरात -

मुंबई — राज्यातील शेतकऱ्यांसाठी मोठी बातमी समोर आली आहे. फडणवीस सरकारच्या पुण्यश्लोक अहिल्यादेवी होळकर शेतकरी कर्जमुक्ती योजनेअंतर्गत एकवेळ समझोता (वन टाइम सेटलमेंट) योजनेची पहिली पात्र यादी जाहीर करण्यात आली आहे. या यादीत तब्बल १ लाख ६९ हजार ८२० शेतकऱ्यांचा समावेश आहे. त्यामुळे अनेक दिवसांपासून कर्जमाफीच्या प्रतीक्षेत असलेल्या शेतकऱ्यांना दिलासा मिळाला आहे.

या योजनेत दोन लाख रुपयांपर्यंतच्या थकीत कर्जाला कर्जमाफीचा लाभ मिळणार आहे. मात्र, ज्यांचे कर्ज दोन लाख रुपयांपेक्षा अधिक आहे, त्यांच्यासाठी सरकारने वेगळी अट ठेवली आहे. अशा शेतकऱ्यांना दोन लाख रुपयांवरील थकीत रक्कम स्वतः भरावी लागणार आहे. ही अतिरिक्त रक्कम ३१ मार्च २०२७ पूर्वी भरल्यानंतर संबंधित शेतकऱ्यांच्या खात्यावर शासनाकडून दोन लाख रुपयांची कर्जमाफी जमा केली जाणार आहे.

शेतकरी कर्जमाफी यादी आली:ग्रामपंचायत आणि बँकांमध्ये यादी प्रसिद्ध होणार

पहिल्या यादीत नाव असलेल्या शेतकऱ्यांनी पुढील प्रक्रिया पूर्ण करणे आवश्यक आहे. पात्र शेतकऱ्यांना आधार प्रमाणीकरण करण्याचे आवाहन सरकारकडून करण्यात आले आहे. ग्रामपंचायत कार्यालये तसेच संबंधित ग्रामीण बँकांमध्ये ही यादी प्रसिद्ध केली जाणार आहे. त्यामुळे शेतकऱ्यांनी आपले नाव यादीत आहे का, याची खात्री करून घ्यावी आणि आधार प्रमाणीकरणाची प्रक्रिया पूर्ण करावी.

शेतकरी कर्जमाफी यादी आली

शेतकरी कर्जमाफी यादी आली – 2 लाखांवरील कर्जासाठी काय अट आहे?

राज्य सरकारने पुण्यश्लोक अहिल्यादेवी होळकर शेतकरी कर्जमुक्ती योजनेची व्याप्ती वाढवताना तीन प्रमुख घटकांचा समावेश केला आहे. यामध्ये दोन लाख रुपयांपर्यंतची कर्जमाफी, दोन लाखांपेक्षा अधिक थकबाकी असलेल्या शेतकऱ्यांसाठी एकवेळ समझोता योजना आणि नियमित कर्जफेड करणाऱ्या शेतकऱ्यांसाठी प्रोत्साहनपर अनुदानाचा समावेश आहे.

ज्या शेतकऱ्यांचे थकीत कर्ज दोन लाख रुपयांपर्यंत आहे, त्यांना या मर्यादेत कर्जमाफी मिळणार आहे. त्यामुळे त्यांचे संपूर्ण पात्र कर्ज माफ होऊ शकते. मात्र, दोन लाखांपेक्षा अधिक कर्ज असलेल्या शेतकऱ्यांना अतिरिक्त रक्कम भरल्यानंतरच दोन लाखांच्या कर्जमाफीचा लाभ मिळणार आहे.

शेतकरी कर्जमाफी यादी आली : नियमित कर्जफेड करणाऱ्या शेतकऱ्यांनाही लाभ

केवळ थकीत कर्जदारांनाच नव्हे, तर नियमितपणे कर्जाची परतफेड करणाऱ्या शेतकऱ्यांसाठीही सरकारने प्रोत्साहनपर लाभाची तरतूद केली आहे. या घटकांतर्गत पात्र शेतकऱ्यांना जास्तीत जास्त ५० हजार रुपयांपर्यंत प्रोत्साहन अनुदान मिळणार आहे.

दरम्यान, एकवेळ समझोता योजनेची पहिली यादी जाहीर झाल्याने आता उर्वरित पात्र शेतकऱ्यांचे लक्ष पुढील यादीकडे लागले आहे. पहिल्या यादीत नाव आलेल्या शेतकऱ्यांनी आधार प्रमाणीकरणासह आवश्यक प्रक्रिया वेळेत पूर्ण करणे महत्त्वाचे ठरणार आहे.

हे देखील वाचा:

अधिकृत माहितीसाठी:

Leave a Reply

Your email address will not be published. Required fields are marked *