बीड — वाळूचा ट्रॅक्टर चालू देण्यासाठी पिंपळनेर पोलीस ठाण्याचा अंमलदार रामप्रसाद कडूळे व होमगार्ड ईश्वर जामकर लाच घेताना एसीबीच्या तावडीत सापडले तर दुसरीकडे बीड नगरपालिकेत बांधकाम परवाना घेण्यासाठी नऊ लाख रुपयांची लाच मागणाऱ्या कनिष्ठ अभियंत्यासह खाजगी इसम लाच लूचपत प्रतिबंधक विभागाच्या जाळ्यात अडकले. ही कारवाई बीड व जालनाच्या पथकाने केली.

पिंपळनेर पोलीस ठाण्यातले अमलदार रामप्रसाद शिवनाथ कडूळे वय 36 वर्ष व होमगार्ड ईश्वर बाबासाहेब जामकर वय 44 वर्ष या दोघांवर पिंपळनेर पोलीस ठाण्यात गुन्हा दाखल करण्यात आला आहे. वाळूचा टॅक्टर चालू देण्यासाठी 5 हजारांच्या लाच प्रकरणात हे गुन्हे दाखल करण्यात आले. होमगार्डला ताब्यात घेण्यात आले असून रामप्रसाद कडूळे हा फरार झाला आहे. जालन्याच्या पथकाने बीडमध्ये येऊन ही कारवाई केली. तर दुसरीकडे बीडच्या नगरपालिकेतील कनिष्ठ अभियंता फारुकी अखिल आहेमद वकील आहेमद याने बांधकाम परवान्यासाठी बारा लाखांच्या लाचेची मागणी करून तडजोडी अंती 9 लाख तक्रारदार यांना खाजगी इसम किशोर खुरमुरे यांचेकडे देण्यास सांगून प्रोत्साहन दिले. म्हणून दोन्ही आरोपींना एसीबीने ताब्यात घेतले आहे. बीड शहर पोलीस ठाण्यात सध्या गुन्हा दाखल करण्याची प्रक्रिया चालू असून लाचलुचपत विभागाच्या करवाईमुळं चार जणांवर गुन्हे दाखल करण्यात येत आहेत. एकाच दिवशी पोलीस आणि नगर पालिकेतील लाचखोरांवर कारवाई झाल्यामुळे बीडमध्ये मात्र सरकारी कर्मचाऱ्यांच्या लाचखोरीच्या चर्चा सुरू होत्या..

बीड – पोलीस अधीक्षकांनी दिलेल्या आदेशावरून स्थानिक गुन्हे शाखेने केलेल्या वेगवेगळ्या कारवायात 1 लाख 92 हजार रुपयाचा गुटखा जप्त करण्यात आला.

पोलीस उपनिरीक्षक सिद्धेश्वर मुरकुटे यांच्या पथकाने कॅनॉल रोड वरील शिंदे नगर येथील प्रितम निवृत्ती मोहळकर, याच्याकडून 57 हजार पाचशे रुपयांचा अवैध गुटखा जप्त केला. पोउपनि हनुमान खेडकर यांचे पथकाने शहरातील हत्तीखाना येथील फशी किराणा दुकानात अवैधरित्या गुटखा असल्याची माहिती मिळाल्यावरून केलेल्या कारवाईत पानमसाला ,गुटख्याचा 1 लाख33हजार 760 रु चा मुद्देमाल जप्त करण्यात आला. आरोपी मोमीन फासीयोद्दीन मोमीन फाजलोद्दीन रा. हत्तीखाना बीड याच्या विरोधात बीड शहर पोलीस ठाण्यात गुन्हा नोंद करण्यात आला आहे. स्थानिक गुन्हे शाखेने दोन कारवायात एकूण एक लाख 91 हजार 260 रुपयाचा पान मसाला गुटखा जप्त केला आहे. ही कारवाई पोलीस अधीक्षक अविनाश बारगळ, अप्पर पोलीस अधीक्षक सचिन पांडकर स्थानिक गुन्हे शाखेचे पोलीस निरिक्षक उस्मान शेख, पोउपनि सिध्देश्वर मुरकुटे, श्रेणी पोउपनि खेडकर, सफौ/तुळशिराम जगताप, पोह. ठोंबरे, मनोज वाघ, पोह देविदास जमदाडे, राहुल शिंदे, विकास वाघमारे, राजु पठाण, महेश जोगदंड, तुषार गायकवाड, बप्पासाहेब घोडके, चालक गणेश मराडे, सुनिल राठोड यांनी केली आहे.

बीड — निवडणूकीच्या अनुषंगाने बीड जिल्हा पोलीस दल अधिक सतर्क झाले असून व्हॉट्स अॅप ग्रुप, सोशल मिडियावर पोलीसांचे विशेष लक्ष असणार आहे. कोणत्याही उमेदवाराशी संबधित,निवडणूकीबाबत किंवा धार्मिक भाषिक तसेच जातीय द्वेष पसरवणाऱ्या आक्षेपार्ह पोस्ट व्हॉट्स अॅप किंवा सोशल मिडियातून व्हयरल झाल्या तर त्यास संबंधित व्यक्तीसह ग्रुप अॅडमिनला जबाबदार धरण्यात येईल.व त्याच्यावर कायदेशीर कठोर कारवाई होईल असा इशारा शिवाजीनगर पोलीस ठाण्याचे पोलीस निरीक्षक मारूती खेडकर यांनी दिला आहे.
शिवाजी नगर पोलिसांनी दिलेल्या प्रसिद्धी पत्रकात म्हटले आहे,सर्व व्हॉट्स अॅप ग्रुप अॅडमिन, सदस्यांसह सोशल मिडिया वापरणाऱ्यांना सोमवारी एक नोटीस बजावली आहे. त्यामध्ये म्हटले आहे की, विधानसभा निवडणूकीची आचारसंहिता लागू आहे. त्या अनुषंगाने सोशल मिडियावर काही निबंध घालण्यात आले आहेत. कोणत्याही उमेदवाराशी संबंधित त्याचे वैयक्तिक,कौटूंबिक,सामाजिक स्तरावर अवहेलना होईल अशा आक्षेपार्ह टिका-टिप्पनी करणे, मजकुर, फोटो (एडिट / मार्किंग),प्रसारीत करणे अथवा आलेल्या एखाद्या पोस्टवर आपले आक्षेपार्ह मत पोस्ट करणे आणि ते पुन्हा फॉरवर्ड करणे त्याचबरोबर मतदाराचे मन वळविण्यासाठी कोणत्याही धर्माच्या लोकांच्या धार्मिक, भाषिक तसेच जातीत द्वेष पसरविणारे आक्षेपार्ह मजकुर, फोटो, व्हिडीओ (एडिट / मार्किंग)) करून प्रसारीत करणे.निवडणूकीच्या पार्श्वभूमीवर राष्ट्रीय एकात्मतेला बाधा निर्माण होईल अशा प्रकारचे स्वतंत्र सोशल मिडिया ग्रुप निर्माण करून त्याद्वारे आक्षेपार्ह मजकुर, फोटो,व्हिडीओ (एडिट मार्किंग) करून प्रसारित करणे. कुठल्याही व्हाट्सअॅप ग्रुपमध्ये आचारसंहितेचा भंग होईल अथवा दोन गटात वाद होईल अशी पोस्ट अथवा मजकुर, फोटो, व्हिडीओ टाकल्याचे निदर्शनास आल्यास संबंधीत व्यक्तीसह ग्रुप अॅडमिनला जबाबदार धरण्यात येण्यात असल्याचे पोलीसांनी म्हटले आहे. सर्व व्हॉट्सग्ग्रुप अॅडमिन, सदस्यांनी या सर्व सुचनांचे पालन करणे बंधनकारक असुन या संदर्भात आदर्श आचारसंहितेचा भंग झाल्यास ग्रुप अॅडमिन व संबंधितास जबाबदार धरून त्यांच्याविरूध्द कडक कायदेशिर कारवाई करण्यात येणार आहे. सदरील नोटीस संबंधीत ग्रुप अॅडमिन, सदस्य यांच्याविरूध्द पुरावा म्हणून सदरील नोटीस न्यायालयासमोर सादर करण्यात येईल अशी तंबी देखील बीडच्या पोलीस प्रशासनाने दिली आहे.

बीड – शहरातील बाल कल्याण समितीतील सदस्याला सापळा रचून 12 हजारांची लाच घेताना एसीबी ने रंगेहात पकडले‌

बाल कल्याण समितीतील सदस्य असलेल्या सुरेश प्रभाकर राजहंस वय-40 वर्ष यास सोमवारी लाच घेताना रंगेहात पकडले
तक्रारदार यांची मैत्रीण महिला बाल स्वाधार गृहात दाखल असून तिला तक्रारदार यांनी सोडवण्याकरिता दि.10 ऑक्टोबर रोजी अर्ज केला होता.त्यावरून सदरील मुलीला तक्रारदार यांचे ताब्यात देण्यासाठी बालकल्याण समितीचे सदस्य सुरेश राजहंस याने स्वतः करिता व समितीतील इतर सदस्य करिता 50 हजारांची लाच मागणी करून तडजोडी अंती 12 हजार रुपये घेण्याचे पंचा समक्ष मान्य केले . लाच लुचपत प्रतिबंधक विभागाच्या सापळा कारवाई दरम्यान 12 हजार रुपये लाच रक्कम स्वतःघेताना सुरेश राजहंस यास बाल कल्याण समितीचे कार्यालयात लाचेच्या रकमेसह रंगेहाथ पकडले.सध्या शिवाजी नगर ,बीड येथे गुन्हा दाखल करण्याची प्रक्रिया चालू आहे. ही कारवाई पोलीस अधीक्षक संदीप आटोळे,अप्पर पोलीस अधिक्षक मुकुंद आघाव,पोलीस उप अधीक्षक शंकर शिंदे यांच्या मार्गदर्शनाखाली पोलीस निरीक्षक युनूस शेख, पोलीस अंमलदार, भरत गारदे, अविनाश गवळी, गणेश मेहेत्रे यांनी केली.

बीड – चोरलेल्या दुचाकी विक्री करण्यासाठी सासरवाडीत आलेल्या मोटारसायकल चोराला शहर पोलीस ठाण्यातील डीबी पथकाने सापळा रचून पडकले

शेख रहीम शेख राजू असे त्या दुचाकी चोराचे नाव असून त्याच्याकडून पाच मोटसायकल पोलिसांनी हस्तगत केल्या.पोलीस निरीक्षक शीतलकुमार बल्लाळ यांच्या मार्गदर्शनाखाली ही कारवाई करण्यात आली.
दिवाळी सण तोंडावर आल्याने दुचाकी चोरांची टोळी जिल्ह्यात सक्रिय होत असतानाच पोलिसांनी मोठ्या कारवाई करण्यास सुरुवात केली. मोटर सायकल चोर शेख रहीम शेख राजू बीडच्या खासबागमध्ये आला होता. याची माहिती शहर पोलिसांना मिळाली त्यांनी सापळा रचून त्यास ताब्यात घेतले.यावेळी आरोपीने पोलिसांना पाच दुचाकी चोरल्याची कबुली दिली असून सदर दुचाकी पोलिसांच्या ताब्यात दिल्या आहेत.ही कारवाई पोलीस अधिक्षक अविनाश बारगळ,अप्पर पोलीस अधिक्षक सचिन पांडकर,पोलीस निरीक्षक शीतलकुमार बल्लाळ यांच्या मार्गदर्शनाखाली एपीआय बाबा राठोड,डीबी पथकातील मनोज परजने,अशपाक सय्यद,श्री.वायभसे यांनी केली.

चार दुचाकींचा लागला शोध
शहर पोलिसांनी केलेल्या कारवाईत पाच मोटारसायकल जप्त केल्या आहेत.यातील चार मोटारसायकलचा शोध लागला असून दोन मोटारसायकल शिवाजी नगर हद्दीतून तर दोन मोटारसायकल शहर पोलीस ठाण्याच्या हद्दीतून चोरीला गेल्या होत्या.अन्य एक मोटारसायकल कोणाची आहे याचा तपास पोलीस करीत आहेत.