गेवराई — तालुक्यातील लुखामसला येथील उपसरपंचाचा गोळीबाराने मृत्यू झाल्याची धक्कादायक घटना बार्शीतील सासुरे गावात मंगळवारी सकाळी उघडकीस आली.दरम्यान, आत्महत्या की हत्या याचे कारण अस्पष्ट असून,या घटनेने गेवराई तालुक्यात हळहळ व्यक्त होत आहे.
गोविंद जगन्नाथ बरगे वय 38 वर्ष रा.लुखामसला ता.गेवराई असे मृत झालेल्या उपसरपंच यांचे नाव आहे. बरगे हे प्लॉटिंगचे व्यवसाय करत होते. त्यांचा व्यवसायात चांगला जम बसलेला होता. यादरम्यान त्यांचा संपर्क पारगाव थिएटरमधील नर्तिकेशी आला. दोघांची जवळीक वाढली. दोघांचेही प्रेमसंबंध निर्माण झाले.या काळात बरगे यांनी प्रेयसीला सोन्याचांदीच्या नाण्यासह पावणेदोन लाखांचा मोबाईल गिफ्ट केला. मात्र, काही दिवसांपूर्वी त्यांच्यात वाद झाला. वाद मिटवण्यासाठी बरगे सोलापुरातील बार्शी Barshi तालुक्यातील सासुरे गावात गेले. चारचाकीतून त्यांनी गाव गाठलं.सोमवारी मध्यरात्री ते प्रेयसीच्या घरात पोहोचले, अशी माहिती समोर आली आहे
मंगळवारी सकाळी बरगे यांचा सासुरे गाव शिवारात कारमध्ये मृतदेह आढळून आल्याचे उघडकीस आले.
या घटनेची माहीती मिळताच वैराग vairag police पोलीस ठाण्याचे सहायक पोलीस निरीक्षक कुंदन गावडे हे पोलिस पथकासह घटनास्थळावर दाखल झाले.घटनेची पाहणी करत पंचनामा करण्यात आला.त्यानंतर मृतदेह उत्तरीय तपासणीस पाठविण्यात आला. दरम्यान, गोविंद बरगे यांच्या डोक्याला पिस्टलची गोळी लागल्याची जखम आढळून आली असून, त्यांच्या कारमध्ये पिस्टल देखील निदर्शनास आल्याने बरगे यांनी गोळी मारून आत्महत्या केली की त्यांची हत्या करण्यात आली याचे कारण अस्पष्ट आहे.मात्र, या धक्कादायक घटनेमुळे गेवराई तालुक्यात हळहळ व्यक्त होत आहे.
गेवराईतील उपसरपंच मैत्रिणीला बार्शीला भेटायला गेला;कार मध्ये त्याचा मृतदेह आढळला हत्या की आत्महत्या?
बंजारा समाजाचा एसटी आरक्षणासाठी १५ सप्टेंबरला भव्य महा मोर्चा
बीड — हैदराबाद गॅझेटीयरमध्ये Hyderabad gadget बंजारा समाजाचा आदिवासी प्रवर्ग म्हणून उल्लेख आल्याने आता बंजारा समाज एसटी (अनुसूचित जमाती) St आरक्षणासाठी आंदोलनाला reservation protest उभा राहिला आहे. सध्या बंजारा समाज व्हीजेएनटी vjnt (ए) प्रवर्गात असून त्यांना अनुसूचित जमातीमध्ये समाविष्ट करण्यासाठी जोरदार मागणी सुरु झाली आहे. बंजारी समाजाच्या आंदोलनास आ. विजयसिंह पंडित Vijay Singh pandit यांनी पाठिंबा दिला असून हिवाळी अधिवेशनात आवाज उठवणार असल्याचं त्यांनी जाहीर केलं.
बीड जिल्ह्यातील बंजारा Banjara समाजाची आज एक व्यापक बैठक पार पडली. बैठकीत १५ सप्टेंबर रोजी डॉ. बाबासाहेब आंबेडकर पुतळा ते जिल्हाधिकारी कार्यालय बीड असा विराट मोर्चा काढण्याचा निर्णय घेण्यात आला आहे. या मोर्चामार्फत सरकारला तात्काळ आरक्षणाचा प्रश्न मार्गी लावण्याचा इशारा देण्यात आला आहे. अन्यथा महाराष्ट्रभरातील सर्व रस्ते बंद करून संघर्ष वाढवण्याचा निर्धार समाजाने व्यक्त केला आहे.
मराठा आरक्षणाच्या मागणीनंतर राज्य सरकारने हैदराबाद गॅझेटीयर लागू करण्याचा आदेश काढल्याने बंजारा समाजालाही त्याचा फायदा मिळावा अशी अपेक्षा आहे. देशातील अनेक राज्यांमध्ये बंजारा समाजाचा अनुसूचित जमातीत समावेश झाल्यामुळे महाराष्ट्रातही तो समावेश होणे आवश्यक असल्याचे समाजाचे मत आहे.
ही मागणी केवळ बीडपुरती मर्यादित न राहता, इतर जिल्ह्यांमधूनही राज्य सरकारकडे निवेदने पाठवण्यात येत आहेत. नांदेडच्या देगलूर तहसीलदारांना बंजारा समाजाच्या वतीने निवेदन देऊन एसटीमध्ये समावेशाची मागणी करण्यात आली आहे. यावेळी जोरदार घोषणाबाजीसह सरकारला सुनावण्यात आले आहे की, न्याय न मिळाल्यास सर्वोच्च न्यायालयाचा supreme court दरवाजा ठोकरला जाईल.
गेवराई मतदार संघाचे आमदार विजयसिंह पंडित यांनी या आंदोलनास पाठिंबा दर्शविला असून, हिवाळी अधिवेशनात ही मागणी सरकारसमोर मांडण्याचे जाहीर केले आहे. बैठकीत सध्या बंजारा समाजाला व्हीजेएनटी (ए) प्रवर्गात आहे. प्रवर्गात आरक्षण असून हैदराबाद गॅझेटीयरच्या आधारे एसटीमध्ये स्थान मिळवणे ही बंजारा समाजाची लढाई असल्याचे ठामपणे सांगण्यात आले.
दरम्यान, इंदापुरात ओबीसी समाजाकडून मराठा समाजाला ओबीसी प्रवर्गात आरक्षण न देण्याची वेगळी मोहीमही जोर धरत आहे. या पार्श्वभूमीवर राज्यातील आरक्षणविषयक संघर्ष अधिक तीव्र होत चालल्याचे दिसत आहे. आगामी दिवसांत बंजारा समाजाच्या पुढील रणनीतीचा निर्धार मुंबईच्या बैठकीत ठरवला जाणार आहे.
मराठा आंदोलकांवरील फक्त ८६ गुन्हे मागे, दोन वर्षात फक्त आश्वासनच!
मूंबई — राज्यातील मराठा आंदोलकांवरील प्रलंबित खटले मागे घेण्याबाबत मुख्यमंत्र्यांनी वारंवार आश्वासने दिली आहेत. मात्र प्रशासकीय यंत्रणेच्या लालफितीच्या कारभारामुळे गेल्या दोन वर्षांत मराठा आंदोलकांवर विविध ठिकाणी दाखल झालेल्या ८२६ पैकी केवळ ८६ गुन्हे मागे घेण्यात आले आहेत.
शासकीय मालमत्तेचे नुकसान आणि पोलिसांवर हल्ल्यांसंदर्भात ३८ गुन्हे मागे न घेण्याची शिफारस याबाबतच्या समितीने गृहविभागास केली आहे. त्यावर मुख्यमंत्री कोणता निर्णय घेतात याकडे सर्वांचे लक्ष लागले आहे.
मराठा समाजास आरक्षण Maratha reservation व अन्य मागण्यांसाठी मनोज जरांगे पाटील Manoj jarange Patil यांनी जालना जिल्ह्यातील आंतरवली सराटी antarvali sarati येथे आमरण उपोषण केले होते. त्यावेळी पोलिसांनी जमावावर केलेल्या लाठीहल्याचे राज्यभर पडसाद उमटले होते. काही ठिकाणी जाळपोळ,तोडफोडीच्या घटना घडल्या होत्या. या घटनेनंतर पोलिसांनी आंदोलकांविरोधात राज्यभरातील विविध पोलीस ठाण्यात गुन्हे दाखल करण्यात सुरुवात केली होती.
आतापर्यंतच्या आंदोलनात मराठा आंदोलकांवर हत्येचा प्रयत्न, सरकारी कामात अडथळा, सार्वजनिक मालमत्तेचे नुकसान, संचारबंदीचे उल्लंघन करून दंगल घडविण्याचा प्रयत्न, गुन्हा घडताना चिथावणी देणे, दंगल पेटवणे, बेकायदेशीर जमाव गोळा करणे अशा डझनहून अधिक कलमांतर्गत ८२६ गुन्हे दाखल करण्यात आले आहेत.
परभणीत १४४, बीड जिल्हयात १३२, नांदेडमध्ये ९८, जालना ६९, धाराशिव ५३ हिंगोली ६४ गुन्हयांचा समावेश आहे. जरांगे यांनी उपोषण करताना मराठा आंदोलकांवरील खटले मागे घेण्याची मागणी लावून धरली आहे. छत्रपती संभाजीराजे यांनी आझाद मैदानात उपोषण करीत मराठा आंदोलकांवरील खटले मागे घेण्याची मागणी केली होती.
एकनाथ शिंदे मुख्यमंत्री असताना मराठा आंदोलकांवरील खटले मागे घेण्याची घोषणा त्यांनी केली होती. त्यानुसार शासकीय मालमत्तेचे नुकसान आणि पोलिसांवरील हल्ला अशा दोन घटना वगळता अन्य गुन्हे मागे घेण्यासाठी सरकारने पोलीस अधीक्षक स्तरावर उपजिल्हाधिकारी, पोलीस उपअधिक्षक आणि सरकारीवरील यांची तर पोलीस आयुक्तालयात उपायुक्तांच्या अध्यक्षतेखाली समित्या स्थापन केल्या होत्या. गेल्या दोन वर्षात याबाबत कार्यवाही संथ गतीने सुरू असल्याची बाब समोर आली आहे.
तपशिलानुसार मराठा आंदोलांवर दाखल झालेल्या ८२६ गुन्हयांपैकी प्रक्रियेअंती ८६ गुन्हे मागे घेण्यात आले आहेत. त्यामध्ये नांदेड जिल्हयात ३२, परभणीत २२ , सोलापूर ग्रामीणमध्ये २० आणि लातूरमधील ८ गुन्हयांचा समावेश आहे. एकूण ७१७ गुन्हयांमध्ये न्यायालयात दोषारोपत्र दाखल करण्यात आले असून ५२ गुन्ह्यांचा तपास सुरू आहे. तर ५७ गुन्हयांमध्ये अंतिम अहवाल(ए.बी.सी. समरी) सादर करण्यात आला आहे.
गंभीर गुन्ह्यांबाबत विरोध
राज्यभरातील विविध समित्यांनी मराठा आंदोलकांवरील ३११ गुन्हे मागे घेण्याची शिफारस केली असून शासकीय मालमत्तेचे नुकसान आणि पोलिसांवरील हल्याच्या प्रकरणातील गंभीर स्वरूपाचे ३८ गुन्हे मागे घेऊ नयेत अशी सरकारला शिफारस केल्याचे गृहविभागातील सूूत्रांनी सांगितले. या पार्श्वभूमीवर राज्य सरकारने गेल्याच आठवड्यात जरांगे पाटील यांना उपोषण सोडण्यास राजी करताना मराठा आंदोलकांवरील खटले सप्टेंबरअखेर मागे घेण्याचा शासन निर्णय निर्गमित केला आहे.
प्रवासी म्हणून दोघे गाडीत बसले; चालकावर चाकू हल्ला करून लुटले
केज — प्रवाशी म्हणून कार मध्ये बसलेल्या दोघांनी ड्रायवरच्या गाळ्यातील अडीच तोळे सोन्याची चैन हिसकावून घेत रोख ५ हजार रु. घेऊन ड्रायव्हरच्या गळ्यावर व मानेवर चाकूने वार केल्याची घटना घडली आहे.
या बाबतची माहिती अशी की, ऋषीकेश अंबादास उत्तेकर वय (२६ वर्षे) हा टॅक्सी ड्रायव्हर त्याची मारूती डिझायर ही कार क्र. (एम एच- १२/एस एफ- ६७८६) उबेर कंपनीला नोंदणी केलेली आहे. दि. ६ सप्टेंबर रोजी पाहटे ४:०० वा. च्या सुमारास ऋषिकेश उतेकर हा त्याच्या गाडीत पुणे जिल्ह्यातील चाकण येथून दोन प्रवाशांना घेऊन बीड जिल्ह्यात अंबाजोगाईकडे येत होता.
पहाटे ४:०० च्या सुमारास केज मांजरसुंबा महामार्ग क्र ५४८- डी वरील केज तालुक्यातील बरड फाटा येथील एच पी पेट्रोल पंपा जवळ आले असता त्याच गाडीतील पाठीमागील सिटवर बसलेल्या प्रवाशांपैकी एकाने अचानक पाठी मागून ड्रायव्हर ऋषिकेश उतेकर यांच्या गळ्यातील सोन्याची चेन ओढली. या अचानक झालेल्या घटनेने याने ऋषिकेश उतेकर याने गाडीचे ब्रेक मारुन थांबविली. मात्र तेवढ्या वेळेत त्याच्या गळ्यातील अडीच तोळे सोन्याची चेन तोडून घेतली. ड्रायव्हर ऋषिकेश उतेकर याने गाडी थांबवून आरडा ओरडा करण्याचा प्रयत्न केला. त्यावेळी त्यांच्या पैकी एकाने चाकुने ड्रायव्हर ऋषिकेश उतेकर याच्या डोळ्यावर, चेहऱ्यावर, मानेवर वार केले. तसेच गाडीत ठेवलेले पाच हजार रुपये काढून घेतले आणि अंधाराचा फायदा घेऊन पळून गेले.त्या नंतर ऋषिकेश उतेकर याला ॲम्ब्युलन्सने नेकनुर येथील सरकारी दवाखान्यात प्रथमोपचार करून त्यांना पुढील उपचारासाठी अंबाजोगाई येथील स्वामी रामानंद तीर्थ ग्रामीण रुग्णालय व वैद्यकीय महाविद्यालय येथे दाखल करण्यात आले आहे. या प्रकरणी ऋषिकेश उतेकर यांच्या तक्रारी वरून दोन अज्ञात प्रवाशा विरुद्ध केज पोलिस ठाण्यात गुन्हा दाखल करण्यात आला आहे. पोलिस निरीक्षक स्वप्नील उनवणे यांच्या मार्गदर्शनाखाली सहाय्यक पोलिस निरीक्षक महेश क्षीरसागर हे तपास करीत आहेत.
मराठा आरक्षणासाठी आत्महत्या केलेल्या सुगावच्या परिवाराला आ.धनंजय मुंडे कडून एक लाखाची मदत
स्व. नितीन चव्हाण यांच्या दोन्ही मुलींच्या शिक्षणाची मुंडेंनी स्वीकारली जबाबदारी
राज्य शासनाकडून मदत मिळण्यासाठी करणार पाठपुरावा
अंबाजोगाई — अंबाजोगाई ambajogai तालुक्यातील सुगाव येथील मराठा समाजातील तरुण नितीन माणिकराव चव्हाण यांनी 30 ऑगस्ट रोजी मराठा आरक्षणासाठी गळफास घेऊन आत्महत्या केली होती; माजी मंत्री तथा परळी मतदारसंघाचे आमदार धनंजय मुंडे Dhananjay Munde यांनी आज स्वर्गीय नितीन चव्हाण यांच्या कुटुंबियांची भेट घेऊन त्यांचे सांत्वन केले.
धनंजय मुंडे अध्यक्ष असलेल्या नाथ प्रतिष्ठान nath pratishthan या सामाजिक संस्थेच्या वतीने श्री मुंडे यांनी मयत नितीन चव्हाण यांच्या कुटुंबियांना तातडीची एक लाख रुपयांची मदत केली असून, स्व नितीन चव्हाण यांना दोन मुली आहेत, त्या दोन्हीही मुलींच्या संपूर्ण शिक्षणाची Responsibility for education जबाबदारी देखील धनंजय मुंडे यांनी स्वीकारली असल्याचे यावेळी कुटुंबियांना सांगितले.
दरम्यान मराठा आरक्षणासाठी Maratha reservation आपल्या प्राणांची आहुती दिलेल्या मराठा सेवकांना राज्य शासनाच्या वतीने आर्थिक मदत करण्यात आली असून, स्व. नितीन चव्हाण यांच्याही कुटुंबीयांना राज्य सरकारकडून आर्थिक मदत मिळावी यासाठी आपण मुख्यमंत्र्यांकडे पाठपुरावा करणार असल्याचे धनंजय मुंडे यावेळी म्हणाले.
या प्रसंगी धनंजय मुंडे यांच्या सह राष्ट्रवादी काँग्रेसचे NCP जिल्हाध्यक्ष ॲड राजेश्वर आबा चव्हाण, तालुकाध्यक्ष राजाभाऊ औताडे, ज्येष्ठ नेते राजकिशोर मोदी, बबन लोमटे, आबा पांडे, विलास बापू मोरे, अजित गरड, रणजित लोमटे, प्रवीण जगताप, गुणवंत आगळे, उपसरपंच गणी भाई, नामदेव शिंदे यांसह पदाधिकारी तसेच ग्रामपंचायत सदस्य तसेच गावातील प्रतिष्ठित नागरिक आदी उपस्थित होते.
वृक्ष लागवडीचे जिल्हाधिकाऱ्यांचे कागदी घोडे; कारागृह अधीक्षक मात्र मोठ-मोठी वृक्ष तोडे; हे तर जनतेच्या पैशावर दरोडे
बीड — “विवेक”च हरवलेल्या जिल्हा प्रशासनाचा “गाढव गोंधळ” अन् इव्हेंट चा सुकाळातून पालकमंत्र्यांचा पाठीवरून हात फिरवून घेण्याची स्टंटबाजी होत असली तरी वास्तव चित्र मात्र भीषण बनू लागले आहे. हरित बीड अभियानाच्या नावाखाली जिल्हाधिकाऱ्यांनी कागदी घोडे नाचवून इंडियन बुक ऑफ रेकॉर्डमध्ये वृक्ष लागवडीची नोंद करून घेतली. त्यातली किती झाड आज जगली आहेत हा मोठा प्रश्नच आहे. म्हणून कारागृह अधीक्षकांनी देखील कर्तबगारीचा टेंभा लावला. एकीकडे गणेश विसर्जनाची धामधूम सुरू असताना दुसरीकडे जिल्हा कारागृहातील मोठमोठ्या झाडांची गरज नसताना कत्तल करून ती नजर चुकवून लंपास करण्याचा प्रयत्न झाला. त्यानंतर मात्र अधिकाऱ्या विरोधात संतप्त भावना निर्माण होऊ लागल्या आहेत.
जिल्हा प्रशासनाचे कामकाज विवेकाने होईल अशी अपेक्षा व्यक्त केली जात होती. मात्र इव्हेंट ची कीड बीड जिल्ह्याला पोखरू लागली आहे. वृक्ष लागवडीच्या रेकॉर्डची स्टंटबाजी महिन्याच्या आतच नागडी झाली. कागदी घोडे नाचले असले तरी लावलेली झाड जगली नसल्याने तो घोडे नाच ऐवजी गाढवाचा गोंधळ असल्याच चित्र निर्माण झालं.”विवेक”च हरवला की गोंधळ कशाचा होतोय याचा सारासार विचारच केला जात नाही. हे कमी की काय म्हणून कारागृह परिसरातील झाडांची कत्तल करण्यात आली. ही बाब जनतेच्या लक्षात आली नाही. कारण कारागृह परिसर वर्जित क्षेत्र म्हणून मानलं जातं. पण गणेश विसर्जनाच्या धामधुमीत प्रशासनासह जनता असताना नेमका याचाच फायदा उचलत कारागृह प्रशासन असेल किंवा वृक्षतोड करणारा असेल यांनी संगणमताने लाकडाचे ट्रक भरून लंपास करण्याचा प्रयत्न केला. ही बाब वृक्षप्रेमींच्या लक्षात येताच त्यांनी हे ट्रक पकडून पोलिसांच्या स्वाधीन केले.
पंतप्रधान नरेंद्र मोदी यांनी 2024 मध्ये “एक पेड मां के नाम” मोहीम सुरू केली. या मोहिमेला कारागृह प्रशासनाने हरताळ फासली तर जिल्हाधिकाऱ्यांनी इव्हेंटची स्टंटबाजी केली. हे खरं जरी असलं तरी पंतप्रधानांची मोहीम म्हणून का होईना तिचा मान राखून प्रशासकीय कार्यालय परिसरात वृक्ष लागवड होणं गरजेचं होतं.
मात्र शासकीय कार्यालयातच वृक्षतोड होत असेल तर हे दुर्दैव आणि गंभीर आहे. जिल्ह्यात जंगल क्षेत्राची घनता केवळ २.५ टक्के असून पर्यावरण संतुलनासाठी आवश्यक असलेली ३३ टक्के घनता गाठणे दूरचे स्वप्न ठरत आहे. जिल्हा कारागृह प्रशासनातील अधिकाऱ्यांवर कारवाई करावी अशी मागणी जोर धरू लागली आहे.याच्याच निषेधार्थ उद्या सोमवारी जिल्हा कारागृह कार्यालयासमोर लक्ष्यवेधी आंदोलन करण्यात येणार असून प्रशासनाने तातडीने संबंधितांवर कारवाई न केल्यास आंदोलन उग्र होईल, असा इशारा सामाजिक कार्यकर्ते डॉ.गणेश ढवळे यांनी दिला आहे.
मेहुण्याने अल्पवयीन मेहुणीचा केला विनयभंग
केज — पत्नीशी जमत नसल्याने ती माहेरी गेली यावेळी सासऱ्याच्या घरात शिरून अल्पवयीन मेहुणीचा तरुणाने विनयभंग केल्याची घटना केज तालुक्यात घडली.याप्रकरणी पोलिसात गुन्हा दाखल झाला आहे.
केज तालुक्यातील एका गावातील तरुणाची पत्नी ही आपसात पटत नसल्याने माहेरी राहते. त्याच्या गावापासून जवळच असलेल्या सासुरवाडीत जाऊन संबंधित तरुणाने सासू सासरे घराबाहेर झोपल्याची संधी साधून घरात एकटीच झोपलेल्या अल्पवयीन मेव्हणीचा घरात घुसून विनयभंग केला. पीडित मेव्हणीने आरडाओरडा करण्याची धमकी देताच संबंधित तरुणाने हा प्रकार कोणाला सांगितल्यास गळा दाबून जीवे मारण्याची धमकी देत घरातून निघून गेला. त्यानंतर सासू सासऱ्याने त्याच्या घरी जाऊन जाब विचारला असता त्यांना
संबंधित जावई व त्याच्या आईने खोटे आरोप करू नका, असे म्हणत शिवीगाळ करीत जीवे मारण्याची धमकी दिली. अशी तक्रार पीडित मुलीच्या आईने दिल्यावरून जावई व त्याच्या आई विरुद्ध केज पोलिसात गुन्हा दाखल झाला आहे.
वैद्यकीय अधिकाऱ्याची हत्या की आत्महत्या? तलावात आढळला मृतदेह
वडवणी — तालुक्यातील चिखलबीड ग्रामपंचायत अंतर्गत असणाऱ्या देठेवाडी तलावात एक मृतदेह तरंगताना आढळून आल्याने खळबळ उडाली होती पोलिसांनी घटनास्थळी दाखल होत मृतदेह तलावाच्या बाहेर काढला असता ओळख पटली असून वडवणी प्राथमिक आरोग्य केंद्रात कार्यरत असणारे डॉ. शुभम यादव यांचा मृतदेह असल्याची ओळख पटली आहे.
वडवणी प्राथमिक आरोग्य केंद्रात कार्यरत असणारे डॉ. शुभम बालकनाथ यादव (रा. देवळा ता. अंबाजोगाई) हल्ली मुक्काम बीड हे एक दिवसापासून बेपत्ता होते. बेपत्ता असल्याची तक्रार डॉ. यादव यांचे वडील बालकनाथ यादव यांनी बेपत्ता असल्याची तक्रार पोलीस ठाण्यात दाखल केली होती. काल सायंकाळी पाच वाजण्याच्या सुमारास देटेवाडी तलावात डॉ. शुभम बालकनाथ यादव यांचा मृतदेह आढळून आल्याने खळबळ उडाली आहे. मानसिक ताणवाखाली येऊन आत्महत्याचे पाऊल उचलल्याचे बोलले जात आहे. ही घटना शनिवार दि.6 सप्टेंबर रोजी रात्री 5 वाजण्याच्या सुमारास उघडकीस आली आहे. या घटनेने वडवणी तालुक्यात एकच खळबळ उडाली आहे. आत्महत्या suicide का केली ? कशामुळे केली? याचे कारण अद्याप समजू शकलेले नाही. वडवणी पोलीसांनी घटनास्थळी दाखल होत पंचनामा करून मृतदेह बीड जिल्हा रुग्णालयात शवविच्छेदन करण्यासाठी दाखल करण्यात आला आहे. या घटनेचा अधिक तपास वडवणी पोलीस करत आहेत. गेल्या पंधरा दिवसात वडवणी vadavani तालुक्यातील दोन अधिकाऱ्यांनी आत्महत्या केल्याने अधिकारी वर्गात खळबळ उडाली आहे.
‘धनंजय मुंडेंनी मजा करावी, राजकारण करावं, पण मराठ्यांच्या नादाला लागू नये’!
छत्रपती संभाजी नगर — मराठा आरक्षण आंदोलक मनोज जरांगे पाटील Manoj jarange Patil यांनी पुन्हा एकदा आमदार धनंजय मुंडे Dhananjay Munde यांना इशारा दिला आहे. बीड Beed जिल्ह्यात पोलीसांना आडनाव न लावण्याचा नियम केल्यावरून धनंजय मुंडे यांनी कुठे आहे सामाजिक समता?अशी उद्विग्न भावना व्यक्त केली होती. तसेच शिवाजी महाराजांची जयंती फक्त मराठ्यांनीच साजरी करायची का? महाराजांनी रयतेचं राज्य फक्त मराठा समाजासाठीच उभे केले होते का? अठरा पगड जातीसाठी उभं केलं होतं, अशी टीका धनंजय मुंडे यांनी केली होती.
यावर मनोज जरांगे पाटील (Manoj Jarange Patil) यांना माध्यमांनी प्रश्न विचारला तेव्हा, धनंजय मुंडे यांच्यावर बोलणे म्हणजे वर्ष वाया जाणे आहे. ते बोलायच्या कामाचे नाही. त्यांनी तिकडे मजा करावी, राजकारण करा, पण मराठ्यांच्या वाट्याला गेल्यास मात्र सुट्टी नाही, अशा शब्दात इशारा दिला. मराठा आरक्षणाचा लढा आणि मस्साजोगचे सरपंच संतोष देशमुख sarpanch Santosh Deshmukh अपहरण आणि हत्या murder प्रकरणापासून मनोज जरांगे पाटील आणि धनंजय मुंडे यांच्यात संघर्ष सुरू आहे. या वादाला मराठा विरुद्ध ओबीसी Maratha/ OBC असाही रंग दिला गेला.मनोज जरांगे पाटील आणि भाजपाचे आमदार सुरेश धस Suresh Dhas यांनी राज्यभरात काढलेल्या न्याय सभांमुळेच धनंजय मुंडे (Dhananjay Munde) यांचे मंत्रीपद गेल्याचे बोलले जाते. दरम्यान, मनोज जरांगे पाटील यांनी मुंबईच्या आझाद मैदानात Azad maidan पाच दिवस बेमुदत उपोषण करत सरकारला निर्णय घेण्यास भाग पाडले. मराठा आरक्षणा संदर्भात जरांगे पाटील यांनी केलेल्या बहुतांश मागण्या सरकारने मान्य करत त्याचे अध्यादेश काढले, अंमलबजावणीही सुरू केली. उपोषण सोडल्यानंतर मनोज जरांगे पाटील हे छत्रपती संभाजीनगरमध्ये खासगी रुग्णालयात उपचार घेत आहेत.धनंजय मुंडे यांनी बीडमध्ये पुन्हा एकदा जिल्ह्यातील सामाजिक वातावरणावर भाष्य करताना मराठा समाजावर निशाणा साधला. याकडे मनोज जरांगे पाटील यांचे लक्ष वेधले असता त्यांनी धनंजय मुंडे यांच्यावर बोलणे म्हणजे वेळ वाया घालवणे असल्याचा टोला लगावला. शिवाय त्यांनी त्यांचे राजकारण करावे, मजा करावी पण मराठ्यांच्या वाट्याला जावू नये, नसता त्यांना सुट्टी देणार नाही, याचा पुनरुच्चार केला.आम्ही आरक्षण मिळवले आहे, सगळा समाज खूश आहे. त्यामुळे आता मरावाडा, पश्चिम महाराष्ट्र असा कुठलाही दौरा काढणार नाही. माझे मराठा समाज बांधवांनाही आवाहन आहे की, त्यांनी हार, फुलं, पुष्पगुच्छ, शाल यावर वायफळ खर्च करू नये. त्याऐवजी गरीबांना मदत करू, मला फक्त घरातले कुंकू लावले तरी चालेल, असे आवाहनही मनोज जरांगे पाटील यांनी यावेळी केले. आम्ही आरक्षण मिळवले आहे. जीआर निघाला ही छोटी गोष्ट नाही.
मराठ्यांच्या विरोधात लढण्यापेक्षा जातीसाठी लढा, कल्याण होईल तुमचं, असा सल्ला त्यांनी ओबीसींच्या नेत्यांना दिला. आम्हाला आरक्षण मिळाले त्यामुळे आता लढायला काय बाकी आहे? सरकारने शब्द दिलाय, सुधारित जीआर काढणार. इथ आल्यास तुम्हाला काय अडचणी येतात. तुम्ही जीआर कितीही चांगला काढा, अडचणी येतात. सुधारित जीआर काढावाच लागतो. जीआर काढल्यास बदल करावा लागतो, असे म्हणत त्यांनी जीआरवर टीका करणाऱ्यांना खडसावले.
जनावरं चोरांची टोळी एलसीबीकडून जेरबंद;दोन वाहनं हस्तगत
बीड –जिल्ह्यातील जनावरे चोरणाऱ्या टोळीविरोधात स्थानिक गुन्हे शाखेने मोठी कारवाई करत पाच जनावरे व दोन वाहने हस्तगत केली आहेत. या कारवाईत एकूण चार गुन्ह्यांचा छडा लावण्यात आला असून दोन आरोपींना अटक करण्यात आली आहे, तर दोन आरोपी फरार आहेत.
पोलीस अधीक्षक नवनित काँवत यांच्या आदेशानुसार बीड स्थानिक गुन्हे शाखेच्या पथकाने तपासमोहीम हाती घेतली होती.दिनांक ३ सप्टेंबर रोजी गुप्त माहितीच्या आधारे गांधीनगर, बीड येथील नितीन संजय जाधव याला ताब्यात घेण्यात आले.त्याच्या घरातून तीन चोरीची जनावरे जप्त करण्यात आली. चौकशीत त्याने कुंभारवाडी परिसरातून जनावरे चोरल्याची कबुली दिली. त्याच्याविरोधात पोलीस ठाणे शिरुर गुन्हे दाखल झाले आहेत.
त्यानंतर गांधीनगर येथूनच दीपक चंदु गुंजाळ यासही अटक करण्यात आली. त्याच्या ताब्यातून दोन जनावरे आणि चोरीसाठी वापरलेले वाहन जप्त करण्यात आले. त्याच्याविरोधात पोलीस ठाणे गेवराई गुन्हा दाखल झाला आहे.ही कारवाई पोलीस अधीक्षक काँवत,अप्पर पोलीस अधीक्षक सचिन पांडकर, स्थानिक गुन्हे शाखेचे प्रभारी शिवाजी बंटेवाड यांच्या मार्गदर्शनाखाली पार पडली. पोलीस उपनिरीक्षक श्रीराम खटावकर, हवालदार अशोक दुबाले, सोमनाथ गायकवाड, आशपाक सय्यद, मनोज परजणे, विकी सुरवसे, महिला हवालदार स्वाती मुंडे व चालक सिद्धेश्वर मांजरे यांनी या मोहिमेत सहभाग घेतला.या कारवाईमुळे जिल्ह्यातील शेतकऱ्यांना दिलासा मिळाला असून जनावरे चोरीच्या घटनांना आळा बसण्याची शक्यता आहे.