नवी दिल्ली –भारतीय जनता पार्टीकडून महाराष्ट्रातील उमेदवारांची तिसरी यादी जाहीर करण्यात आली आहे. या यादीत 25 उमेदवारांचा समावेश आहे. आतापर्यंत भाजपानं 146 उमेदवारांच्या नावाची घोषणा केली आहे. आष्टी मतदार संघातून सुरेश धस तर लातूर मधून अर्चना पाटील चाकूरकर यांना उमेदवारी जाहीर झाली आहे.

तिसऱ्या यादीत कुणाला संधी?

मूर्तिजापूर – हरिश पिंपळे
कारंजा – सई प्रकाश डहाके
तिवसा – राजेश वानखडे
मोर्शी – उमेश यावलकर
आर्वी – सुमित वानखेडे
काटोल – चरणसिंग ठाकूर
सावनेर – आशिष देशमुख
नागपूर मध्य – प्रवीण दटके
नागपूर पश्चिम – सुधाकर कोहले
नागपूर उत्तर – मिलिंद माने
साकोली – अविनाश ब्राह्मणकर
चंद्रपूर – किशोर जोरगेवार
आर्णी – राजू तोडसाम
उमरखेड – किशन वानखेडे
देगळूर – जितेश अंतापूरकर
डहाणू – विनोद मेढा
वसई – स्नेहा दुबे
बोरिवली – संजय उपाध्याय
वर्सोवा – भारती लव्हेकर
घाटकोपर पूर्व – पराग शाह
आष्टी – सुरेश धस
लातूर शहर – अर्चना पाटील चाकूरकर
माळशिरस – राम सातपुते
कराड उत्तर – मनोज घोरपडे
पलूस कडेगाव – संग्राम देशमुख

परळी मतदारसंघात सीसीटीव्ही बसवण्याची मागणी केलेल्या त्या 122 मतदान केंद्राच्या बाबतीत निवडणूक आयोगाने उच्च न्यायालयाला केले आश्वस्त

याचिकाकर्त्यांनी अमुक पक्षाचे संभाव्य उमेदवार म्हणून उच्च न्यायालयाची केली दिशाभूल?

छत्रपती संभाजीनगर – लोकसभा निवडणुकीपासून चर्चेत असलेल्या 233-परळी विधानसभा मतदारसंघात 122 मतदान केंद्रांना अति संवेदनशील घोषित करून त्या ठिकाणी सीसीटीव्ही कॅमेरे बसवावेत तसेच बीडचे जिल्हाधिकारी अविनाश पाठक व परळीचे तहसीलदार व्यंकटेश मुंडे यांची बदली करावी, अशी मागणी करणारी याचिका काही स्थानिक नेत्यांनी उच्च न्यायालयात दाखल केली होती, त्या याचिकेवर निर्णय देताना उच्च न्यायालयाच्या संभाजीनगर खंडपीठाने जिल्हाधिकारी व परळीचे तहसीलदार यांची बदली करण्याचा प्रश्नच उद्भवत नाही असे ताशेरे याचिकाकर्त्यांवरती ओढले आहेत.

संबंधित याचिकाकर्ते माधव जाधव व इतरांनी मतदारसंघातील 122 मतदान केंद्रांना अतिसंवेदनशील घोषित करून त्या ठिकाणी सीसीटीव्ही कॅमेरे बसवावेत व मतदानाची संपूर्ण प्रक्रिया सीसीटीव्ही कॅमेऱ्यांच्या निगराणीखाली व्हावी अशी मागणी केली होती. मात्र त्या केंद्रावरील लोकसभा निवडणुकीतील निवडणूक प्रक्रिया ही पारदर्शक पद्धतीने पार पडली असल्याचा खुलासा यापूर्वीच निवडणूक आयोगाने केला होता तसेच पुढील विधानसभा निवडणूक प्रक्रिया देखील शांततेत व निवडणूक आयोगाच्या नियमावलीनुसारच होणार असल्याचे निवडणूक आयोगाने उच्च न्यायालयाला आश्वस्त केले असल्यामुळे विरोधकांची तीही मागणी आता धुळीला मिळाली असल्याचे स्पष्ट होते.

दरम्यान याचिकाकर्त्यांनी आपण अमुक पक्षाचे संभाव्य उमेदवार असल्याचे भासवून उच्च न्यायालयाला सदर प्रक्रिया वेगाने पार पाडून निर्णय द्यायला लावले, मात्र उमेदवारी अर्ज भरण्याचे 5 दिवस उलटूनही संबंधित याचिकाकर्त्यांनी आपला उमेदवारी अर्ज अजूनही भरलेला नाही, त्यामुळे संबंधितांनी उच्च न्यायालयात खोटी माहिती देऊन अवमान केला असून न्यायालयाची दिशाभूल केली असल्याचीही चर्चा जाणकारांमध्ये होत आहे. मा.उच्च न्यायालयाच्या समोर याचिकाकर्त्यांनी वस्तुस्थितीच्या विरुद्ध माहिती अर्जाद्वारे सादर करून न्यालायकडून आदेश प्राप्त करून घेण्याचा डाव मा.उच्च न्यायालयाने हणून पाडला आहे. तसेच या याचिकाकर्त्यांच्या विरोधात आता उच्च न्यायालय काही कार्यवाही करणार का? याकडेही सर्वांचे लक्ष लागले आहे.

मुंबई — राज्यातील विधानसभा निवडणुकांसाठी च्या लढती निश्चित होत असून राजकीय पक्षांकडून शेवटच्या उमेदवार याद्या जाहीर होत आहेत.कारण, विधानसभा निवडणुकांसाठी उमेदवारी अर्ज भरण्याची अंतिम मुदत मंगळवार 29 ऑक्टोबर पर्यंतच आहे.

त्यामुळे, उमेदवारांना अर्ज भरण्यासाठी तयारी करण्यास वेळ मिळावा, कार्यकर्ते व पदाधिकारी यांची राजी, नाराजी व बंडखोरी टाळली जावी, म्हणून पक्षांकडून खबरदारी घेतली जात आहे. महाविकास आघाडीमध्ये शिवसेना युबीटी पक्षाने आत्तापर्यंत 80 उमेदवारांची घोषणा केली असून काँग्रेसनेही उमेदवारांच्या नावांच्या 3 याद्या जाहीर केल्या आहेत. तर, राष्ट्रवादी काँग्रेस शरद पवार पक्षानेदेखील (NCP) उमेदवारांच्या दोन याद्या यापूर्वीच जाहीर केल्या असून आता तिसरी यादी जाहीर करण्यात आली आहे. पहिल्या दोन यादीत राष्ट्रवादीने 67 उमेदवारांची घोषणा केली होती. आता, तिसऱ्या यादीतून उमेदवारांची घोषणा करण्यात आली आहे. परळी विधानसभा मतदारसंघातून राजेसाहेब देशमुख यांना उमेदवारी देण्यात आली आहे तर माजलगाव मतदार संघातून मोहनराव जगताप यांचे नाव निश्चित केले गेले आहे. तत्पूर्वी जयंत पाटील यांनी वांद्र रेल्वे स्थानकावर घडलेल्या घटनेवरुन राज्य व केंद्र सरकारवर हल्लाबोल केला.

प्रदेशाध्यक्ष जयंत पाटील यांनी पत्रकार परिषद घेऊन राष्ट्रवादीच्या तिसऱ्या यादीची घोषणा केली. त्यामध्ये, राज्याचं लक्ष लागलेल्या माढ्यातून यांना उमेदवारी देण्यात आली आहे. पिंपरी चिंचवडसह, परळी मतदारसंघातही राष्ट्रवादीने आपला उमेदवार जाहीर केला आहे. तत्पूर्वी शनिवारी जयंत पाटील यांनी 22 उमेदवारांची घोषणा केली होती. त्यामध्ये, शिवसेना ठाकरे गटाने जाहीर केलेल्या परंडा मतदारसंघातून राष्ट्रवादीने माजी आमदार राहुल मोटेंना उमेदवारी देण्यात आली आहे. त्यामुळे, या जागेचा तिढा अद्यापही कायम आहे. आता, तिसऱ्या यादीतून या जागांवरील उमेदवार घोषित करण्यात आले आहेत. दरम्यान, माण खटाव विधानसभा मतदारसंघासाठी यांंचं नाव जाहीर करण्यात आलं आहे. येथील उमेदवाराच्या नावाची घोषणा होण्यापूर्वीच प्रभाकर देशमुख यांनी निवडणुकीतून माघार घेतल्याचं पाहायला मिळालंआहे.

शरद पवारांच्या राष्ट्रवादी काँग्रेस पक्षाने यापूर्वी 45 उमेदवारांची पहिली यादी जाहीर केली होती. त्यानंतर 22 उमेदवारांची दुसरी यादी जाहीर करण्यात आली आहे. दुसऱ्या यादीत माळशिरसमधून अखेर उत्तम जानकर यांचे नावं घोषित करण्यात आलं आहे. लोकसभा निवडणुकीत जानकर यांनी केलेल्या मदतीची परतफेड करण्यात आल्याचे बोलले जात आहे. महायुतीकडून उत्तम जानकर विरोधात कोण रिंगणात असणार याकडे सर्वांचे लक्ष आहे. तसेच, माढ्यातून आणि करमाळ्यातूनही महायुतीचा उमेदवार कोण असेल, याची उत्सुकता सर्वांनाच लागली आहे.

राष्ट्रवादी काँग्रेस पार्टी शरदचंद्र पवार पक्षाची तिसरी यादी

1. करंजा – ज्ञायक पटणी
2. हिंगणघाट – अतुल वांदिले
3. हिंगणा – रमेश बंग
4. अणुशक्तीनगर – फहाद अहमद
5. चिंचवड – राहुल कलाटे
6. भोसरी – अजित गव्हाणे
7. माजलगाव – मोहन बाजीराव जगताप
8. परळी – राजेसाहेब देशमुख
9. मोहोळ – सिद्धी रमेश कदम

बीड— राष्ट्रवादी काँग्रेस शरद पवार गटाने आज उमेदवारांची दुसरी यादी जाहीर करतानाच बीडच्या सस्पेन्स वर अखेर पडदा टाकला. संदीप क्षीरसागर यांच्या एकनिष्ठतेचे फळ म्हणून बीडची उमेदवारी जाहीर केली. परंड्यातून राहुल मोटे यांच्या नावावर शिक्कामोर्तब झाले आहे.

बीड विधानसभा मतदार संघात उमेदवाराच्या नावाचा सस्पेन्स कायम ठेवत शरद पवार यांनी राष्ट्रवादी काँग्रेसचा बीडचा बालेकिल्ला मजबूत कसा होईल यासाठी प्रयत्न केले. डॉ .ज्योती मेटे यांना पक्षप्रवेश देऊन जातीय समीकरणे जुळवण्याच काम केलं. याबरोबरच राजेंद्र मस्के यांना सोबत घेत बीडच्या बालेकिल्ल्याची तटबंदी मजबूत केली. त्यानंतर आज शनिवारी दुसरी यादी जाहीर केली. यामध्ये संदीप क्षीरसागर बीड मधून फायनल झाले आहे.जयंत पाटील यांनी आयोजित पत्रकार परिषदेमधून २२ नावांची घोषणा केली

एरंडोल- सतीश पाटील

परंडा- राहुल मोटे

बीड- संदीप क्षीरसागर

आर्वी- मयुरा काळे

बागलाण- दीपिका चव्हाण

येवला- माणिकराव शिंदे

सिन्नर- उदय सांगले