चौसाळा —  नवगण शिक्षण संस्थेच्या कला व विज्ञान महाविद्यालयामध्ये इतिहास विभागाच्या वतीने शालेय विद्यार्थ्यांसाठी मराठवाडा मुक्ती संग्राम दिनाच्या निमित्त. प्रश्नमंजुषा स्पर्धेचे आयोजन करण्यात आले होते. दिनांक 15  सप्टे.2025 रोजी सोमवारी सकाळी 11:30 ते 12:30 या वेळेमध्ये स्पर्धा महाविद्यालयात संपन्न झाली. याप्रसंगी चौसाळा परिसरातील जवळपास 15 शाळेतील एकूण 321 विद्यार्थ्यांनी स्पर्धेमध्ये सहभाग नोंदवल्याची माहिती, प्राचार्य डॉ. पंडित खाकरे व इतिहास विभाग प्रमुख प्रोफेसर डॉ. प्रशांत साबळे यांनी दिली आहे.

सदरील परीक्षेमध्ये इयत्ता नववी व दहावीच्या विद्यार्थ्यांनी सहभागी होऊन, 50 सामान्य ज्ञान चाचणी प्रश्न 100 मार्काचे ठेवले होते . स्पर्धेमध्ये प्रथम येणाऱ्या विद्यार्थ्याला प्रथम पारितोषिक 2500 रुपये, स्वातंत्र्य सेनानी कै. भगवानराव जयवंतराव भिलारे उर्फ अण्णा राहणार चौसाळा, यांचे स्मृती प्रित्यर्थ डॉ. विलास भिलारे यांची तर्फे, व द्वितीय पारितोषिक, स्वातंत्र्य सैनिक कै. गणपतराव बाजीराव माने राहणार मानेवाडी, यांच्या स्मृती प्रित्यर्थ  प्रा. सुधीर माने यांचे तर्फे 2000 रुपये, आणि तृतीय पारितोषिक कै. अर्जुनराव नामदेवराव साबळे गुरुजी आडसकर यांच्या स्मृती प्रित्यर्थ अर्थ डॉ प्रशांत साबळे यांचे कडून 1000 रुपये, याशिवाय प्रोत्साहन पर पाचशे रुपयाचे पारितोषिक, सुधाकर वनवे डबल शंख पंढरीनाथ हिरवे यांचे कडून प्रत्येकी पाचशे रुपये हे प्रोत्साहन पर बक्षीस ठेवण्यात आले आहे आणि सहभाग प्रमाणपत्र, ठेवण्यात आलेली असून, सदरील बक्षीस वितरण समारंभ हा दिनांक 18 सप्टे. गुरुवारी सकाळी 11 वाजता संस्थेचे सचिव डॉ. योगेश भैय्या क्षीरसागर व डॉ. सारिका ताई क्षीरसागर यांचे हस्ते वितरित होणार असून, स्पर्धा यशस्वी करण्यासाठी महाविद्यालयातील कनिष्ठ व वरिष्ठ विभागाच्या प्राध्यापकांनी व शिक्षकेतर कर्मचारी यांनी मोलाचे सहकार्य केले. यावेळी पदव्युत्तर संचालक, डॉ. सुधाकर वनवे कनिष्ठ चे उपप्राचार्य प्रा. गणपती ढवळशंक प्रा. वायबसे प्रा. अश्विनी तोवर डॉ. माणिक चव्हाण डॉ. पंढरीनाथ हिरवे प्रा. सुधीर माने माझी प्रभारी प्राचार्य, डॉ. विलास भिलारे डॉ. कुशाबा साळुंखे संगणक शास्त्र विभाग प्रमुख डॉ. शेख अमजद प्रा. फुटाणे प्रा. नागरे प्रा. सय्यद आफ्रीन , मॅडम डॉ. सय्यद शहानुर डॉ. अमर आलदे, डॉ. संजय कदम डॉ. देशमुख प्रा. कुरुंद प्रा. घाडगे प्राध्यापिका सौ सय्यद शाईन, श्रीमती नावेकर सौ मनीषा गिराम व डॉ. मंजुषा रसाळ प्रा. स्वाती हांगे खडके मॅडम ओ एस, पवार सर, प्रा. ओम चाळक डॉ. मुंडे महादेव, बबन घोडके शितल मुंडे, सवयी मॅडम प्रा. देवगुडे प्रा. प्रा. लहू शेळके प्रा. बाळासाहेब कोल्हे, सुधीर तेलप इत्यादी कर्मचाऱ्यांनी स्पर्धा यशस्वी करण्यासाठी मोलाचे सहकार्य केले.

शेतकऱ्यांना, नागरिकांना स्वतःची आणि आपल्या पशुधनाची काळजी घेण्याचे केले आवाहन

बीड –जिल्ह्यासह शहर आणि तालुक्यात मोठ्या प्रमाणात पाऊस झाल्याने शेतकऱ्यांचे आणि ग्रामस्थांचे नुकसान झाल्याने शासनाने नुकसानीचे तात्काळ पंचनामे करून सरसकट नुकसाभरपाई देण्याची मागणी आ. संदीप क्षीरसागर यांनी केली आहे.

बीड शहर व तालुक्यासह संपूर्ण जिल्ह्यात मोठ्या प्रमाणावर काल रात्रीपासून मोठ्या प्रमाणावर पाऊस झाल्यामुळे बिंदुसरा तसेच इतर छोटे-मोठे तलाव,नदी,ओढे तुडुंब भरले असून पूर परिस्थिती निर्माण झाली आहे. काल रात्री झालेल्या पावसाने पीक, पशुहानी, शेतकरी बांधव व ग्रामस्थांचे मोठे नुकसान झाले आहे. या सर्व नुकसानीचे तात्काळ पंचनामे करून सरसकट नुकसान भरपाई देण्याची मागणी राज्याचे मुख्यमंत्री मा.ना.देवेंद्र फडणवीस, उपमुख्यमंत्री मा.ना.अजित दादा पवार तसेच बीडच्या जिल्हाधिकारी यांना बीड विधानसभेचे आ.संदीप क्षीरसागर यांनी पत्र देऊन केली आहे.

बीड विधानसभा क्षेत्रातील बीड व शिरूर (का) तालुक्यातील सर्वच महसूल मंडळामध्ये दि.२८ ऑगस्ट २०२५ दरम्यान झालेल्या आणि १३ सप्टेंबर २०२५ पासून ते आजपर्यंत सुरू असलेल्या अतिवृष्टीच्या पावसाने क्षेत्रातील उभा असलेला सोयाबीन, कापूस, बाजरी आदी पिकांचे तथा फळबागांचे मोठ्या प्रमाणात नुकसान झाले आहे. तसेच शेतकरी बांधवांच्या पाळीव पशुधनाचे देखील नुकसान झाले आहे. यासह शहरी व ग्रामीण भागात देखील पावसामुळे मोठी पडझड झाली आहे. आजपर्यंत सुरू असलेल्या अतिवृष्टीच्या पावसाने विद्युत पोल, तारा व रोहित्र नुकसान झाल्याचे दिसून आले आहे. त्यामुळे शासनाच्या वतीने झालेल्या नुकसानीचे तातडीने पंचनामे करून शेतकरी बांधवांना व ग्रामस्थांना सरसकट नुकसान भरपाई देण्याची मागणी बीड विधानसभेचे आ.संदीप क्षीरसागर यांनी केली आहे

शेतकऱ्यांनी, नागरिकांनी स्वतःची आणि आपल्या पशुधनाची काळजी घ्यावी

पूर परिस्थिती निर्माण झाल्याने प्रशासनाकडून नागरिकांना सतर्कतेचा इशारा देण्यात आला आहे. शेतकऱ्यांनी व नागरिकांना स्वतःच्या आणि आपल्या पशुधनाची सुरक्षिततेसाठी काळजी घेण्याचे तसेच आज दिवसभर अतिवृष्टीची शक्यता वर्तवली आहे त्यामुळे गरज असेल तरच घराबाहेर पडा तसेच आपल्या सुरक्षिततेसाठी प्रशासनाशी संपर्कात राहून आवश्यक ती खबरदारी घेण्याचे
आवाहन आ.संदीप क्षीरसागर यांनी केले आहे.

आ.संदीप क्षीरसागरांनी अधिकाऱ्यांना खबरदारी घेण्याच्या सूचना करत तात्काळ पंचनामे करण्यासाठी पत्र दिले

अतिवृष्टीमुळे मतदार संघातील सर्वच तलाव पुर्ण क्षमतेने भरलेले आहेत. अधिक्षक अभियंता, कार्यकारी अभियंता, जायकवाडी यांना खबरदारी घेण्याच्या सूचना दिल्या आहेत. तसेच जिल्हा परिषद, सार्वजनिक बांधकाम विभाग, मुख्यमंत्री ग्रामसडक योजना कार्यकारी अभियंता यांना रस्ते व पुलाचे तात्काळ पंचनामे करणेसाठी पत्र व्यवहार देखील केला आहे.