बीड — धुळे-सोलापूर राष्ट्रीय महामार्गावरील Dhule Solapur National Highway बीड तालुक्यातील नामलगाव namalgaon फाटा येथे आज सकाळी साडेसातच्या सुमारास झालेल्या भीषण अपघातात 6 जणांचा मृत्यू झाला. भरधाव कंटेनरने पायी चालणाऱ्या सहा व्यक्तींना चिरडल्याने हा अपघात road accident घडला.
यात चार जणांचा जागीच मृत्यू झाला, तर दोघांचा बीड जिल्हा रुग्णालयात उपचारादरम्यान मृत्यू झाला. या घटनेने संपूर्ण जिल्ह्यात शोककळा पसरली आहे.
अपघातात मृत्यूमुखी पडलेले सर्वजण बीड तालुक्यातील रहिवासी होते. मृतांमध्ये दिनेश दिलीप पवार (माऊली नगर, बीड), पवन शिवाजी जगताप (अंबिका चौक, बीड), अनिकेत रोहिदास शिंदे (शिदोड, ता. बीड), किशोर गुलाब तोर (बाभूळतारा, ता. गेवराई), आकाश अर्जुन कोळसे (रिलायन्स पंप परिसर, बीड) आणि विशाल श्रीकिसन काकडे (वय २२, शेकटा, ता. शेगाव) यांचा समावेश आहे. हे सर्वजण पेंडगाव येथे मारुतीरायाच्या दर्शनासाठी पायी जात होते.
बीड ते पेंडगाव असा पायी प्रवास करताना नामलगाव फाटा येथील उड्डाणपूल ओलांडून एसआर जीनिंगजवळ S.r. giningचालत असताना मागून भरधाव आलेल्या कंटेनरने त्यांना धडक दिली. या अपघातात सहाही जण गंभीर जखमी झाले, त्यापैकी चौघांचा जागीच मृत्यू झाला, तर दोघांनी उपचारादरम्यान प्राण सोडले. बीड ग्रामीण पोलिसांनी police कंटेनरच्या दोन चालकांना ताब्यात घेतले असून, मृतदेह जिल्हा रुग्णालयात ठेवण्यात आले आहेत.
या महामार्गावर सर्व्हिस रोडच्या service road अभावामुळे असे अपघात वारंवार घडत असल्याचे स्थानिकांनी नमूद केले आहे. या दुर्घटनेने बीड जिल्ह्यात हळहळ व्यक्त होत असून, रस्ता सुरक्षेसाठी तातडीने उपाययोजना करण्याची मागणी जोर धरू लागली आहे.
