बीड — अल्पवयीन मुलगी शाळेतून घरी येत असताना गावातील एका तरुणाने रस्ता अडवून मुलीला घरात ओढत घेऊन जात लैंगिक अत्याचार केला. दरम्यान मुलीने आरडा ओरडा केल्याने आरोपी पळून गेला. घडलेला प्रकार मुलीने आपल्या आई व आजीला सांगितल्यानंतर याप्रकरणी पोलिसात गुन्हा दाखल करण्यात आला आहे.
मनोज तांदळे असं गुन्हा दाखल झालेल्या तरुणाचं नाव आहे. पोलीस या घटनेचा पुढील तपास करत आहेत. मिळालेल्या माहितीनुसार, पीडित मुलगी वडवणी तालुक्यातील एका गावात राहते. आरोपी मनोज तांदळे देखील याच गावात राहतो. घटनेच्या दिवशी 14 फेब्रुवारीला पीडित मुलगी नेहमी प्रमाणे शाळेत गेली होती. शाळा सुटल्यानंतर ती एकटी पुन्हा घरी निघाली होती.
दरम्यान, घरी जात असताना आरोपी मनोजने तिचा रस्ता अडवला. तिच्याशी दमदाटी करत तिचा हात पकडला आणि तिला ओढत घरात घेऊन गेला. याठिकाणी आरोपीनं पीडित मुलीवर बलात्कार केला. यावेळी पीडित मुलीनं आरडाओरडा केल्यानंतर आरोपीनं घरातून पळ काढला. या घटनेनंतर पीडित मुलीनं घडलेला सगळा प्रकार आपल्या आजीला आणि आईला सांगितला. यानंतर घरच्यांनी पीडित मुलीसह पोलीस ठाण्यात धाव घेतली. पीडितेच्या तक्रारीवरून पोलिसांनी बाल लैंगिक अत्याचार प्रतिबंधक कायद्यासह विविध कलमांतर्गत गुन्हा दाखल केला आहे. घटनेचा पुढील तपास सुरू आहे.
