बीड — एका शेतात गांजाची लागवड केल्याची माहिती मिळाल्यावरून चकलांबा पोलिसांनी केलेल्या कारवाईत गांजाची 120 झाडे जप्त करण्यात आली.
याबाबत अधिक माहिती अशी की, चकलांबा पोलीस ठाणे हद्दीतील पौळ्याची वाडी येथील कैलास शेषराव शेंडगे यांची गट नंबर 472 मध्ये शेती आहे. या शेतात गांजाची लागवड केल्याची माहिती ठाण्याचे प्रभारी सपोनी संदीप पाटील यांना मिळाली.
यावरून त्यांनी शेतात छापा मारला असता. त्यांना गांजाची 100 किलो वजनाची 120 झाडे आढळून आली. या कारवाईत जवळपास दहा लाखाचा गांजा जप्त करण्यात आल्याची माहिती मिळत आहे. या कारवाईने खळबळ माजली आहे.
