बीड – शंभर रुपये व चिकन खायला देण्याचे अमिष दाखवीत दहा वर्षाच्या बालिकेवर तिघांनी लैंगिक अत्याचार केल्याची खळबळ जनक घटना घडली आहे.
याबाबत मिळालेल्या माहितीनुसार चौसाळा शहरातील आझाद नगर मध्ये राहणाऱ्या दहा वर्षीय पीडित बालिकेला 3 ऑगस्ट 2024 ला राजेंद्र रामलिंग चंदनशिवे, सागर राजेंद्र चंदनशिवे, दोघेही राहणार वंजारवाडी ह. मू. चौसाळा तसेच आशिफ कुमार चौधरी उर्फ कल्लू (नेपाळी) ह.मू. वाशी, जी धाराशिव या तिघांनी मिळून बालिकेला शंभर रुपये व चिकन खायला देण्याचे आमीष दाखवले. पीडित बालिकेच्या जुन्याचं घरात तिच्यावर राजेंद्र चंदनशिवे व आशिफ कुमार चौधरी नेपाळी यांनी बलात्कार केला. तर सागर चंदनशिवे यांने अश्लील कृत्य करत ही बाब कोणाला सांगितल्यास तुझ्या आई वडिलांना जीवे मारून टाकण्याची धमकी दिली. याप्रकरणी पीडित बालिकेच्या आईने दिलेल्या फिर्यादीवरून आरोपी विरुद्ध बालक लैंगिक अपराध संरक्षण कायदा अन्वये नेकनूर पोलीस ठाण्यात 19 ऑक्टोबर रोजी गुन्हा दाखल झाला आहे. घटनेची माहिती मिळताच सहाय्यक पोलीस अधीक्षक कमलेश मीना, सपोनी चंद्रकांत गोसावी,पो. उपनिरीक्षक रोकडे, पो.उप.नि. शेळके यांनी भेट दिली
