केज — एका 43 वर्षीय मूकबधीर महिलेवर नात्यातील व्यक्तीनेच अत्याचार केल्याची घटना सोमवारी दुपारी तीनच्या सुमारास केज तालुक्यात घडली.
या बाबतची माहिती अशी, केज तालुक्यातील एका गावात एक विवाहित मूकबधीर महिला आपल्या आई-वडिलांबरोबर राहते. तिचे आई-वडील शेतमजुरीचे काम करत असून सोमवारी दि सात ऑक्टोबर रोजी सोयाबीनची कापणी करण्यासाठी ते दुसऱ्याच्या शेतात गेले होते. यादरम्यान ही महिला घरात एकटीच असल्याचे पाहून नात्यातील एका नराधमाने दुपारच्या सुमारास घरात घुसून तिच्यावर अत्याचार केला. ही बाब पीडितेच्या चुलतीच्या निदर्शनास येताच नराधम तेथून पसार झाला. त्यानंतर पिडीतेच्या चुलतीने दिलेल्या फिर्यादीवरून केज पोलिस ठाण्यात नात्यातील एका नराधमाविरूद्ध गुन्हा दाखल करण्यात आला. पोलीस निरीक्षक प्रशांत महाजन यांच्या मार्गदर्शनाखाली पोलिस उपनिरक्षक आनंद शिंदे हे पुढील तपास करत आहेत.
