बीड — अंबाजोगाई-बीड मार्गावरील चंदन सावरगाव येथील हॉटेल मोरया जवळ एसटी बसचा भीषण अपघात झाला आहे.अहमदपूर-छ.संभाजीनगर ही एसटी बस रस्त्याच्या कडेला पलटी झाली.
या अपघातात बसमधील 16 जण जखमी झाले आहेत. अपघाताची माहिती मिळताच स्थानिकांनी घटनास्थळी धाव घेऊन मदतकार्यास सुरुवात केली. बस चालकाकडून रस्त्यावरील खड्डा चुकविण्याच्या नादात बसवरील नियंत्रण सुटल्याने हा अपघात झाल्याची माहिती आहे.
अहमदपूरहून छत्रपती संभाजीनगरकडे ही बस निघाली होती, त्यावेळी, अंबाजोगाई-बीड मार्गावरील चंदन सावरगाव येथे बसचा अपघात झाला. या एसटी मधून 40 पेक्षा जास्त प्रवासी प्रवास करत होते. मात्र, दुर्घटनेत त्यातील 16 जखमी झाले आहेत. अपघात झाल्यानंतर परळी येथे बंदोबस्त ला जाणारे कर्मचारी विशाल क्षीरसागर, सचिन गर्जे अंमळनेर, बाबासाहेब राख अंमळनेर पोलीस ठाणे, व मदन क्षीरसागर पाटोदा पोलीस ठाणे यांनी मदत केली.
जखमींना केज येथील उपजिल्हा रुग्णालय दाखल करण्यात आले असून तिथे त्यांच्यावर प्राथमिक उपचार सुरू आहेत. तसेच, अंबाजोगाई येथील स्वामी रामानंद तीर्थ वैद्यकीय महाविद्यालयामध्ये देखील काही जखमींना उपचारासाठी दाखल केले आहे. दरम्यान, या अपघातात एसटीचा चालक ही गंभीर जखमी झाला
