परळी — येथे रेल्वेमध्ये कार्यरत असलेल्या एका पोलीस कर्मचाऱ्याचा संशयास्पद मृत्यू झाल्याची धक्कादायक घटना आज सकाळी उघडकीस आली. ही घटना माधवबाग परिसरातील भाड्याच्या घरात घडली असून परिसरात खळबळ उडाली आहे.
काय घडलं नेमकं?
मिळालेल्या माहितीनुसार, मयत पोलीस कर्मचारी नितीन पंडित ढगे वय ३०, रा. लोहारा ता. लोहारा जि. धाराशिव त्यांचे अवघ्या आठवडाभरात लग्न होतं.ते काही दिवस सुट्टीवर गावी आले होते. त्यानंतर ते पुन्हा परळी येथे नोकरीवर रुजू झाले. मात्र आज सकाळी त्यांच्या राहत्या घरात त्यांचा मृतदेह आढळून आला.
प्राथमिक माहितीनुसार, कामाच्या ठिकाणी वरिष्ठांकडून त्रास होत असल्याची चर्चा समोर येत आहे. मात्र, त्यांनी हे टोकाचं पाऊल का उचललं, याबाबत अद्याप अधिकृत कारण स्पष्ट झालेले नाही.
पोलिसांचा तपास सुरू
घटनेची माहिती मिळताच शहर पोलिसांनी घटनास्थळी धाव घेतली पंचनामा करून मृतदेह ताब्यात घेतला उत्तरीय तपासणीसाठी पार्थिव उपजिल्हा रुग्णालय, परळी येथे पाठवण्यात आलंसर्व बाजूंनी तपास सुरू असल्याची माहिती पोलिसांकडून देण्यात आली
अनेक प्रश्न अनुत्तरित
हा मृत्यू नेमका कशामुळे झाला?कामाच्या तणावाचा संबंध आहे का?कोणाचा दबाव किंवा छळ होत होता का? या सर्व प्रश्नांची उत्तरं अद्याप समोर आलेली नाहीत.
