मुंबई –जगभरातील लाखो भाविकांचे श्रद्धास्थान असलेल्या पंढरपूर (Pandharpur) शहराच्या विकासासाठी राज्य सरकारने मोठा निर्णय घेतला आहे. मुख्यमंत्री देवेंद्र फडणवीस (Devendra Fadnavis) यांच्या अध्यक्षतेखाली झालेल्या उच्चस्तरीय बैठकीत पंढरपूर कॉरिडॉर आणि शहर विकास प्रकल्पाला अंतिम मंजुरी देण्यात आली आहे.
या महत्त्वाकांक्षी प्रकल्पासाठी तब्बल ₹४,००० कोटींचे बजेट निश्चित करण्यात आले असून, पुढील ५० वर्षांच्या गरजा लक्षात घेऊन हा आराखडा तयार करण्यात आला आहे. आमदार समाधान अवताडे (Samadhan Avatade) यांनी सांगितले की, १ ऑगस्टपर्यंत भूसंपादन प्रक्रिया पूर्ण करण्याचे उद्दिष्ट सरकारने ठेवले आहे, ज्यामुळे विकासकामांना गती मिळणार आहे.
काय होणार बदल?
या प्रकल्पांतर्गत विठ्ठल रुक्मिणी मंदिर ( Vitthal Rukmini Temple )परिसरात भव्य कॉरिडॉर उभारण्यात येणार आहे. याशिवाय शहरातील रस्ते, वाहतूक व्यवस्था आणि इतर नागरी सुविधांचे आधुनिकीकरण केले जाणार आहे.
आषाढी एकादशीसारख्या मोठ्या उत्सवांमध्ये लाखो भाविक पंढरपूरला येतात. एआय आकडेवारीनुसार, मागील आषाढी एकादशीला सुमारे २८ लाख भाविकांनी येथे दर्शन घेतले होते. त्यामुळे भविष्यातील वाढती गर्दी लक्षात घेऊन हा प्रकल्प महत्त्वाचा मानला जात आहे.
भाविकांना मोठा दिलासा
या विकासामुळे भाविकांना तासन्तास रांगेत उभे राहावे लागणार नाही. अधिक सुरक्षित, सुलभ आणि जलद दर्शनाची सुविधा उपलब्ध होणार आहे. तसेच गर्दी व्यवस्थापन सुधारल्याने अपघातांचा धोका देखील कमी होणार आहे.
व्यापाऱ्यांसाठी काय?
सुरुवातीला स्थानिक व्यापाऱ्यांनी विस्थापनाच्या भीतीने विरोध केला होता. मात्र मुख्यमंत्री देवेंद्र फडणवीस (Devendra Fadnavis) यांनी स्पष्ट केले की, या प्रकल्पामुळे पंढरपूरमध्ये पर्यटन वाढेल आणि स्थानिक व्यापाराला मोठा फायदा होईल.
जागतिक धार्मिक पर्यटन केंद्राचा दर्जा
राज्य सरकारचा विश्वास आहे की, या प्रकल्पामुळे पंढरपूर कॉरिडॉर मुळे (Pandharpur corridor) हे शहर आंतरराष्ट्रीय स्तरावर एक प्रमुख धार्मिक पर्यटन स्थळ म्हणून विकसित होणार आहे
