बीड — जिल्ह्यात लाचखोरीच्या घटनांमध्ये दिवसेंदिवस वाढ होत असल्याचे चित्र समोर येत आहे. काल गेवराई तालुक्यातील तलवाडा येथील ग्रामसेवकाला लाच घेताना पकडण्यात आल्यानंतर आज पुन्हा एक मोठी कारवाई करण्यात आली आहे.आज (दि.२१) दुपारी आष्टी येथील महावितरण कार्यालयातील सहाय्यक अभियंता कोमल अर्जुन शिंदे यांना १८ हजार रुपयांची लाच घेताना लाचलुचपत प्रतिबंधक विभागाने रंगेहात पकडले.
नेमकं प्रकरण काय?
प्राथमिक माहितीनुसार, तक्रारदाराच्या सोलार प्रकल्पाच्या पडताळणीसाठी संबंधित अधिकाऱ्यांनी लाचेची मागणी केली होती.
याबाबत तक्रारदाराने तत्काळ लाचलुचपत प्रतिबंधक विभाग (ACB) बीड यांच्याकडे तक्रार दाखल केली.त्यानंतर अधिकाऱ्यांनी सापळा रचून आज दुपारी उशिरा कारवाई करताना १८ हजार रुपयांची लाच स्वीकारताना आरोपी अभियंत्यांना पकडले ही कारवाई पोलीस उपअधीक्षक सोपान चिटमपल्ले यांच्या मार्गदर्शनाखाली बीड ACB पथकाने केली. दुपारपर्यंत कारवाई सुरू होती.या घटनेमुळे महावितरण विभागात मोठी खळबळ उडाली असून, सलग दोन दिवसांत झालेल्या कारवायांमुळे प्रशासनात भीतीचे वातावरण निर्माण झाले आहे.
