केज — माझ्याकडे बघतोस काय म्हणत एकाला तिघाजणांनी लाकूड लोखंडे राॅड व केबलने एकास बेदम मारहाण केल्याची घटना कुंबेफळ येथे घडली.

कुंबेफळ येथील निसार शेख हे १५ मार्च रोजी सकाळच्या सुमारास त्याच्या घरासमोर एका विक्रेत्याशी बोलत होते. तेव्हा रोहित दीपक थोरात हा त्याच्या मोटार सायकलवरून तेथून जात होता. तो निसार शेख यांना म्हणाला माझ्याकडे काय बघतोस ? मी तुला जिवंत सोडणार नाही. अशी त्याने धमकी दिली, म्हणून त्यांचे भांडण सोडविण्यासाठी निसार शेखची पत्नी आणि मुलगा समजावून सांगत असताना त्याने स्त्री वर्गास लज्जा उत्पन्न होईल; अशी अश्लील भाषेत शिवीगाळ केली. त्यानंतर त्याने त्यांना जीवे मारण्याची धमकी देत निघून गेला.त्यानंतर पंधरा मिनिटांनी रोहित थोरात त्याचा भाऊ स्वप्नील थोरात आणि ज्ञानेश्वर थोरात हे पुन्हा भांडण करण्याच्या उद्देशाने तेथे आले. त्यावेळी रोहित याच्या हातात लोखंडी रॉड , त्याचा भाऊ स्वप्नील थोरात याच्या हातात केबल वायर आणि ज्ञानेश्वर थोरात याच्या हातात लाकूड होते. त्यांनी घरात घुसून निसार शेख याला बेदम मारहाण केली. यावरही त्यांचे मन भरले नाही शेवटी निसार शेख यांना घराबाहेर ओढत आणून लोखंडी राॅड, केबल व लाकडाने जीवघेणा हल्ला केला. रोहितने त्याच्या हातातील लोखंडी रॉड निसार याच्या डोक्यात आणि हातावर मारून मांडीत घुसविल्याने मोठ्या प्रमाणात रक्तस्त्राव होत होता. याचवेळी स्वप्नील त्याला केबल वायरने आणि ज्ञानेश्वर लाकडाने मारहाण करीत होता. या मारहाणीचे व्हिडिओ काढीत असल्याचे त्यांच्या लक्षात आल्या नंतर त्यांनी निसारच्या शेख याच्या पत्नीच्या हातातील मोबाईल हिसकावून घेत पळून गेले.

नातेवाईकांच्या मदतीने निसार शेख यास उपजिल्हा रुग्णालय केज येथे प्रथमोपचार करून अंबाजोगाई येथील सरकारी दवाखान्यात त्याच्यावर उपचार सुरू आहेत. दरम्यान निसार शेख यांची पत्नी शाहीन शेख हिच्या तक्रारी वरून रोहित दीपक थोरात त्याचा भाऊ स्वप्नील दीपक थोरात आणि ज्ञानेश्वर अशोक थोरात या तिघांच्या विरुद्ध प्राणघातक हल्ला केल्या प्रकरणी युसुफ वडगाव पोलिस ठाण्यात कलम १०९, ११८(१), ११८(२), ३९६, ३२९(३), ३३३, ३५१(२), ३५२, ३(५) नुसार गुन्हा दाखल करण्यात आला आहे. केज पोलीस प्रकरणाचा पुढील तपास करत आहेत.

बीड — परळी तालुक्यातील अल्पवयीन मुलीची, त्यानंतर हिवरा पहाडीच्या अल्पवयीन विवाहित अत्याचार प्रकरणाची घटना ताजी असतानाच पुन्हा आणखी एका अत्याचाराच्या घटनेने बीड शहर हादरले आहे. सहा वर्षाच्या चिमुकलीला चिकू देण्याचे अमिष दाखवून अत्याचार करण्याचा प्रयत्न केल्याची घटना पेठ बीड पोलीस ठाणे हद्दीत घडली आहे.

याबाबत पोलिसांनी दिलेल्या माहितीनुसार, सहा वर्षीय चिमुकली सोमवारी सायंकाळी ५ वाजण्याच्या सुमारास आपल्या मैत्रिणीच्या घरासमोर फुले वेचित होती. यावेळी एका मुलाने तिच्या मैत्रिणीला घरी जाण्याचे सांगत ‘चिकू देतो’ असे आमिष दाखवत सहा वर्षीय मुलीला स्वत:च्या घराच्या दुसऱ्या मजल्यावर उचलून नेले. तिथे त्याने चिमुकलीशी अत्याचार करण्याचा प्रयत्न केला. मात्र यामुळे घाबरलेली चिमुकली रडत आरडाओरडा करत खाली आली. तिने घडलेला सर्व प्रकार आईला सांगितला. पीडितेच्या आई-वडिलांनी मंगळवारी पेठ बीड पोलीस ठाणे गाठून फिर्याद दिली. याप्रकरणात पोक्सो कायदा आणि भारतीय न्याय संहितेच्या कलमानुसार गुन्हा दाखल करण्यात आल्याचे पोलिसांनी सांगितले. दरम्यान आरोपी विधी संघर्ष असून त्याला पोलिसांनी सुधारगृहात पाठवल्याची माहिती मिळत आहे. पोलिसांकडून गुन्हा दाखल होण्यास टाळाटाळ होत असल्यामुळे मोठा समुदाय पेठ बीड पोलीस ठाण्यात जमला होता.

केज — शेती आणि ट्रॅक्टर नावावर करण्यास नकार दिल्याच्या कारणावरून मुलाने जन्मदात्या वडीलावर सासरच्या मंडळींच्या मदतीने प्राण घातक हल्ला केल्याची घटना नाहोली येथे घडली. यामध्ये वडील गंभीररित्या जखमी झाले असून त्यांच्यावर अंबाजोगाईत उपचार सुरू आहेत

नाहोलीतील लक्ष्मण ठोंबरे हा आपले वडील सुभाष ठोंबरे यांच्याकडे जमीन व ट्रॅक्टर माझ्या नावावर करा म्हणून घरात वितंड वाद घालत होता. शेवटी १४ मार्च रोजी रात्री साडेदहाच्या सुमारास हा वाद विकोपाला गेला. गावातील चौकात लक्ष्मण ठोंबरे व त्याची पत्नी सारिका यांनी सुभाष ठोंबरे यांना गाठले. “जमीन आणि ट्रॅक्टर माझ्या नावावर का करत नाहीस?” असा जाब विचारत त्यांना काठीने बेदम मारहाण करण्यास सुरुवात केली. ही मारहाण होत असताना सून सारिका हिचे माहेर त्याच गावात असल्याने तिचे आई-वडील, भाऊ आणि चुलते यांनीही घटनास्थळी धाव घेतली.आपल्या जावयाला साथ देत या सर्वांनी मिळून सुभाष ठोंबरे यांना अमानुषपणे मारहाण केली. भांडणाचा आवाज ऐकून सुभाष ठोंबरे यांची मुलगी मीना बिक्कड आणि जावई दादा बिक्कड हे बचावासाठी धावून आले. मात्र, संतप्त झालेल्या हल्लेखोरांनी त्यांनाही सोडले नाही. त्यांनाही मारहाण करत “मध्ये आलात तर जीवे मारू” अशी धमकी दिली.
या मारहाणीत सुभाष ठोंबरे हे रक्तबंबाळ झाले असून त्यांच्या तोंडावर, हातावर आणि पाठीवर गंभीर जखमा झाल्या आहेत. मारहाणीमुळे त्यांचे शरीर काळे निळे पडले आहे. त्यांना तातडीने केज येथील उपजिल्हा रुग्णालयात दाखल करण्यात आले, मात्र प्रकृती चिंताजनक असल्याने पुढील उपचारासाठी त्यांना अंबाजोगाईतील स्वामी रामानंद तीर्थ ग्रामीण रुग्णालयात हलवण्यात आले आहे.या प्रकरणी मुलगा लक्ष्मण ठोंबरे, सून सारिका ठोंबरे, यांच्यासह सासरच्या १० जणांविरोधात गुन्हा दाखल केला आहे. घटनेचा पुढील तपास केला जात आहे.

ठाणे — बीड तालुक्यातील हिवरा पहाडी येथे अल्पवयीन विवाहित महिलेवर उचलून नेत अत्याचार केल्याची घटना ताजी असतानाच आणखी एक धक्कादायक खळबळ जनक घटना उघडकीस आली आहे.भिवंडीतून एका 15 वर्षीय आदिवासी मुलीचे कथितरित्या अपहरण करून तिला लग्नाचे आमिष दाखवले.तिला पाटोदा तालुक्यातील एका व्यक्तीला विकल्याचा प्रकार समोर आला आहे ‌ याप्रकरणी मुलीचा पती आणि इतर पाच जणांविरुद्ध गुन्हा दाखल करण्यात आला आहे.

याबाबत अधिक माहिती अशी की, अत्यंत गरिबी आणि पालकांचा आधार नसल्याने या पीडित मुलीचे शोषण करण्यात आले. २६ फेब्रुवारी रोजी एका दलालाने आणि त्याच्या साथीदारांनी तिला लग्नाद्वारे चांगले आयुष्य देण्याचे वचन देऊन तिचे कथितरित्या अपहरण केले,

झोपलेल्या अल्पवयीन विवाहितेला उचलून नेले, अत्याचार केला चावडीच्या खांबाला बांधून आरोपी पळाला

मात्र प्रत्यक्षात त्यांनी तिला बीड जिल्ह्यातील पाटोदा येथील एका वयस्कर व्यक्तीला विकून टाकले.२७ फेब्रुवारी रोजी धमक्या देऊन या अल्पवयीन मुलीला एका बेकायदेशीर लग्नासाठी भाग पाडण्यात आले. २७ फेब्रुवारी ते १० मार्च या कालावधीत तिचा पती भाऊसाहेब तांबे याने तिला शेतातील एका खोलीत डांबून ठेवले आणि तिच्यावर अत्याचार केला. तिच्या एका नातेवाईकाने तिला शोधून काढले. तिने तिच्यावर ओढवलेल्या संकटाची कहाणी श्रमजीवी संघटनेच्या कार्यकर्त्यांना सांगितल्यानंतर हा संपूर्ण प्रकार उघडकीस आला.

85 लाखाच्या अपहार प्रकरणी खोकरमोहाचे सरपंच श्रीहरी मिसाळ वर अपात्रतेची कारवाई
याप्रकरणी पडघा पोलिसांनी मुख्य आरोपी भाऊसाहेब तांबे, मध्यस्थ विलास हिलम आणि इतरांविरुद्ध गुन्हे दाखल केले आहेत. मात्र, या प्रकरणातील आरोपींना अद्याप अटक करण्यात आलेली नाही‌. या संदर्भात प्रभात  दैनिकाच्या न्यूज वेबसाईटने  वृत्त प्रकाशित केलं आहे.

लक्षवेधी ! खरवंडी — राजूरी महामार्ग, सार्वजनिक बांधकाम विभागाची अनियमितता ;आ.क्षीरसागर आक्रमक