केज — प्रवाशी म्हणून कार मध्ये बसलेल्या दोघांनी ड्रायवरच्या गाळ्यातील अडीच तोळे सोन्याची चैन हिसकावून घेत रोख ५ हजार रु. घेऊन ड्रायव्हरच्या गळ्यावर व मानेवर चाकूने वार केल्याची घटना घडली आहे.

या बाबतची माहिती अशी की, ऋषीकेश अंबादास उत्तेकर वय (२६ वर्षे) हा टॅक्सी ड्रायव्हर त्याची मारूती डिझायर ही कार क्र. (एम एच- १२/एस एफ- ६७८६) उबेर कंपनीला नोंदणी केलेली आहे. दि. ६ सप्टेंबर रोजी पाहटे ४:०० वा. च्या सुमारास ऋषिकेश उतेकर हा त्याच्या गाडीत पुणे जिल्ह्यातील चाकण येथून दोन प्रवाशांना घेऊन बीड जिल्ह्यात अंबाजोगाईकडे येत होता.
पहाटे ४:०० च्या सुमारास केज मांजरसुंबा महामार्ग क्र ५४८- डी वरील केज तालुक्यातील बरड फाटा येथील एच पी पेट्रोल पंपा जवळ आले असता त्याच गाडीतील पाठीमागील सिटवर बसलेल्या प्रवाशांपैकी एकाने अचानक पाठी मागून ड्रायव्हर ऋषिकेश उतेकर यांच्या गळ्यातील सोन्याची चेन ओढली. या अचानक झालेल्या घटनेने याने ऋषिकेश उतेकर याने गाडीचे ब्रेक मारुन थांबविली. मात्र तेवढ्या वेळेत त्याच्या गळ्यातील अडीच तोळे सोन्याची चेन तोडून घेतली. ड्रायव्हर ऋषिकेश उतेकर याने गाडी थांबवून आरडा ओरडा करण्याचा प्रयत्न केला. त्यावेळी त्यांच्या पैकी एकाने चाकुने ड्रायव्हर ऋषिकेश उतेकर याच्या डोळ्यावर, चेहऱ्यावर, मानेवर वार केले. तसेच गाडीत ठेवलेले पाच हजार रुपये काढून घेतले आणि अंधाराचा फायदा घेऊन पळून गेले.त्या नंतर ऋषिकेश उतेकर याला ॲम्ब्युलन्सने नेकनुर येथील सरकारी दवाखान्यात प्रथमोपचार करून त्यांना पुढील उपचारासाठी अंबाजोगाई येथील स्वामी रामानंद तीर्थ ग्रामीण रुग्णालय व वैद्यकीय महाविद्यालय येथे दाखल करण्यात आले आहे. या प्रकरणी ऋषिकेश उतेकर यांच्या तक्रारी वरून दोन अज्ञात प्रवाशा विरुद्ध केज पोलिस ठाण्यात गुन्हा दाखल करण्यात आला आहे. पोलिस निरीक्षक स्वप्नील उनवणे यांच्या मार्गदर्शनाखाली सहाय्यक पोलिस निरीक्षक महेश क्षीरसागर हे तपास करीत आहेत.

केज — पत्नीशी जमत नसल्याने ती माहेरी गेली यावेळी सासऱ्याच्या घरात शिरून अल्पवयीन मेहुणीचा तरुणाने विनयभंग केल्याची घटना केज तालुक्यात घडली.याप्रकरणी पोलिसात गुन्हा दाखल झाला आहे.

केज तालुक्यातील एका गावातील तरुणाची पत्नी ही आपसात पटत नसल्याने माहेरी राहते. त्याच्या गावापासून जवळच असलेल्या सासुरवाडीत जाऊन संबंधित तरुणाने सासू सासरे घराबाहेर झोपल्याची संधी साधून घरात एकटीच झोपलेल्या अल्पवयीन मेव्हणीचा घरात घुसून विनयभंग केला. पीडित मेव्हणीने आरडाओरडा करण्याची धमकी देताच संबंधित तरुणाने हा प्रकार कोणाला सांगितल्यास गळा दाबून जीवे मारण्याची धमकी देत घरातून निघून गेला. त्यानंतर सासू सासऱ्याने त्याच्या घरी जाऊन जाब विचारला असता त्यांना

संबंधित जावई व त्याच्या आईने खोटे आरोप करू नका, असे म्हणत शिवीगाळ करीत जीवे मारण्याची धमकी दिली. अशी तक्रार पीडित मुलीच्या आईने दिल्यावरून जावई व त्याच्या आई विरुद्ध केज पोलिसात गुन्हा दाखल झाला आहे.

वडवणी — तालुक्यातील चिखलबीड ग्रामपंचायत अंतर्गत असणाऱ्या देठेवाडी तलावात एक मृतदेह तरंगताना आढळून आल्याने खळबळ उडाली होती पोलिसांनी घटनास्थळी दाखल होत मृतदेह तलावाच्या बाहेर काढला असता ओळख पटली असून वडवणी प्राथमिक आरोग्य केंद्रात कार्यरत असणारे डॉ. शुभम यादव यांचा मृतदेह असल्याची ओळख पटली आहे.

वडवणी प्राथमिक आरोग्य केंद्रात कार्यरत असणारे डॉ. शुभम बालकनाथ यादव (रा. देवळा ता. अंबाजोगाई) हल्ली मुक्काम बीड हे एक दिवसापासून बेपत्ता होते. बेपत्ता असल्याची तक्रार डॉ. यादव यांचे वडील बालकनाथ यादव यांनी बेपत्ता असल्याची तक्रार पोलीस ठाण्यात दाखल केली होती. काल सायंकाळी पाच वाजण्याच्या सुमारास देटेवाडी तलावात डॉ. शुभम बालकनाथ यादव यांचा मृतदेह आढळून आल्याने खळबळ उडाली आहे. मानसिक ताणवाखाली येऊन आत्महत्याचे पाऊल उचलल्याचे बोलले जात आहे. ही घटना शनिवार दि.6 सप्टेंबर रोजी रात्री 5 वाजण्याच्या सुमारास उघडकीस आली आहे. या घटनेने वडवणी तालुक्यात एकच खळबळ उडाली आहे. आत्महत्या suicide का केली ? कशामुळे केली? याचे कारण अद्याप समजू शकलेले नाही. वडवणी पोलीसांनी घटनास्थळी दाखल होत पंचनामा करून मृतदेह बीड जिल्हा रुग्णालयात शवविच्छेदन करण्यासाठी दाखल करण्यात आला आहे. या घटनेचा अधिक तपास वडवणी पोलीस करत आहेत. गेल्या पंधरा दिवसात वडवणी vadavani तालुक्यातील दोन अधिकाऱ्यांनी आत्महत्या केल्याने अधिकारी वर्गात खळबळ उडाली आहे.

बीड –जिल्ह्यातील जनावरे चोरणाऱ्या टोळीविरोधात स्थानिक गुन्हे शाखेने मोठी कारवाई करत पाच जनावरे व दोन वाहने हस्तगत केली आहेत. या कारवाईत एकूण चार गुन्ह्यांचा छडा लावण्यात आला असून दोन आरोपींना अटक करण्यात आली आहे, तर दोन आरोपी फरार आहेत.
पोलीस अधीक्षक नवनित काँवत यांच्या आदेशानुसार बीड स्थानिक गुन्हे शाखेच्या पथकाने तपासमोहीम हाती घेतली होती.दिनांक ३ सप्टेंबर रोजी गुप्त माहितीच्या आधारे गांधीनगर, बीड येथील नितीन संजय जाधव याला ताब्यात घेण्यात आले.त्याच्या घरातून तीन चोरीची जनावरे जप्त करण्यात आली. चौकशीत त्याने कुंभारवाडी परिसरातून जनावरे चोरल्याची कबुली दिली. त्याच्याविरोधात पोलीस ठाणे शिरुर गुन्हे दाखल झाले आहेत.
त्यानंतर गांधीनगर येथूनच दीपक चंदु गुंजाळ यासही अटक करण्यात आली. त्याच्या ताब्यातून दोन जनावरे आणि चोरीसाठी वापरलेले वाहन जप्त करण्यात आले. त्याच्याविरोधात पोलीस ठाणे गेवराई गुन्हा दाखल झाला आहे.ही कारवाई पोलीस अधीक्षक काँवत,अप्पर पोलीस अधीक्षक सचिन पांडकर, स्थानिक गुन्हे शाखेचे प्रभारी शिवाजी बंटेवाड यांच्या मार्गदर्शनाखाली पार पडली. पोलीस उपनिरीक्षक श्रीराम खटावकर, हवालदार अशोक दुबाले, सोमनाथ गायकवाड, आशपाक सय्यद, मनोज परजणे, विकी सुरवसे, महिला हवालदार स्वाती मुंडे व चालक सिद्धेश्वर मांजरे यांनी या मोहिमेत सहभाग घेतला.या कारवाईमुळे जिल्ह्यातील शेतकऱ्यांना दिलासा मिळाला असून जनावरे चोरीच्या घटनांना आळा बसण्याची शक्यता आहे.

बीड — गेवराईच्या माजी पं.स. सभापती पतीच्या विरोधात ग्रामसेविकेवर gram sevika बलात्कार rape केल्याचा गुन्हा दाखल होऊन महिनाही झाला नाही तोच बालाघाटावरचा Balaghat राष्ट्रवादी अजित पवार गटाचा कार्यकर्ता NCP असलेल्या माजी जि.प सदस्य नारायण शिंदे वर देखील शिक्षिकेची कोट्यावधी रुपयाची फसवणूक fraud करून बलात्कार  केल्याचा गुन्हा दाखल rape case झाल्याने खळबळ माजली आहे.
गेवराई पंचायत समितीच्या माजी सभापतीचा पती दीपक सुरवसे याने महिला ग्रामसेविकेला नोकरीवरून काढण्याची धमकी देत बलात्कार केला. याप्रकरणी संभाजीनगर Sambhaji Nagar police मध्ये दीपक सुरवसेवर गुन्हा दाखल झाला होता. हे प्रकरण ताजे असतानाच आणखी एका प्रकरणाची भर पडली आहे. नेकनूर जि प सर्कलचे neknoor z.p. circle माजी सदस्य नारायण शिंदे याने देखील महिला शिक्षिकेला कोट्यावधीचा गंडा घालत सोळा वर्ष बलात्कार करत असल्याची घटना उघडकीस आली आहे. नारायण शिंदे हा बालाघाटावरचं बडं प्रस्थ मानल्या जात.बीड येथील शिवाजी नगर पोलिस Shivaji Nagar police ठाण्यात नारायण शिंदे याच्यावर गुन्हा दाखल करण्यात आला आहे. पीडित महिलेच्या तक्रारीनुसार, नारायण शिंदे याने 2006 पासून ते 2022 पर्यंत लग्नाचं आमिष दाखवून वारंवार बलात्कार केला. याचबरोबर ‘घर घेऊन देतो’, म्हणत तब्बल 1 कोटी 10 लाख रुपयांची आर्थिक फसवणूक fraud केल्याचाही आरोप या फिर्यादीत करण्यात आला आहे.महिला शिक्षिकेनं या त्रासाला कंटाळून बीड येथील शिवाजीनगर पोलिस ठाण्यात तक्रार दाखल केली आहे. याच तक्रारीवरुन नारायण शिंदे याच्या विरोधात शिवाजीनगर पोलीस ठाण्यात कलम 376, 376 (2) (एन), 406, 506 कलमाप्रमाणे गुन्हा दाखल करण्यात आला. याबाबत शिवाजीनगर पोलिसांनी गुन्हा नोंदवून पुढील तपास सुरू केला आहे. आरोपी नारायण शिंदे हा अजित पवारांच्या राष्ट्रवादी काँग्रेसचा सक्रिय कार्यकर्ता म्हणून त्याची ओळख आहे. या प्रकरणामुळे राजकीय वर्तुळात मोठी खळबळ उडाली असून, घटनेचा तपास बीड येथील शिवाजीनगर पोलिस करत आहेत.