आष्टी — जनावर चारण्यासाठी शेतात गेलेल्या बावी शिवारातील दरेवाडी येथील तरुणावर बिबट्याने हल्ला करून त्याचा जीव घेतल्याची घटना घडल्याने खळबळ माजली आहे
राजू विश्वनाथ गोल्हार वय 35 वर्ष हे नेहमीप्रमाणे आपल्या शेतात जनावर चारण्यासाठी गेले होते. मात्र संध्या काळ झाल्यानंतर बैल घरी येऊनही तो घरी आला नाही‌. त्यामुळे त्याच्या कुटुंबीयांनी व गावकऱ्यांनी शोधमोहीम सुरू केली. शोध घेत असताना त्यांच्या टॉवेलवर रक्ताचे डाग तसेच शेत परिसरात रक्ताचे चिन्ह आढळले. त्यामुळे गावकऱ्यांनी या घटनेची माहिती स्थानिक प्रशासनासह वन विभागाला दिली. दरम्यान शोध घेतल्यानंतर राजू गोल्हार यांचा मृतदेह सापडला. हा मृत्यू बिबट्याच्या हल्ल्यामुळे झाला असावा असा अंदाज व्यक्त केला जात आहे. या घटनेनंतर रात्री अपरात्री कोणीही घराबाहेर पडू नये शक्यतो समूहाने वावर ठेवावा असा आवाहन प्रशासनातर्फे करण्यात आले आहे. या घटनेमुळे बावी परिसरासह आष्टी तालुक्यात भीतीचे वातावरण निर्माण झाले आहे.

आ. संदीप क्षीरसागर यांच्या पाठपुराव्याला यश

बीड — बीड शहरातून जात असलेल्या आणि उत्तर दक्षिण जोडणारा धुळे सोलापुर महामार्गावर मोठ्या प्रमाणात वाहतूक असते. यात जड वाहतकीचे प्रमाण देखील जास्त असते. धुळे-सोलापूर राष्ट्रीय महामार्गावर बायपास रस्त्यावरील शहरात वळणावर नेहमी अपघात होत होते. यामुळे संभाव्य अपघात टळले पाहिजेत आणि नागरिकांचे जीव वाचले पाहिजेत त्यामुळे या वळणावर पुलांची बांधणी आणि स्लिप सर्विस रस्त्याची जोडणी अत्यंत महत्त्वाची होती.
त्या दोन्ही ठिकाणी पुलांची बांधणी व १२ किलोमीटर च्या रस्त्यावर स्लिप सर्व्हिस रस्ता जोडणीच्या कामाला प्रत्यक्षात सुरूवात झाली. या कामासाठी आ.संदीप क्षीरसागर यांनी केंद्रीय रस्ते विकासमंत्री नितीन गडकरी यांच्याकडे पाठपुरावा केला होता.
बीड विधानसभेचे आ.संदीप भैया क्षीरसागर यांनी या सुरू झालेल्या कामाच्या ठिकाणी जाऊन पाहणी केली. यावेळी त्यांनी कामासंदर्भात संबंधित अधिकारी आणि कर्मचाऱ्यांना योग्य त्या सूचना करत व सुरू झालेले काम लवकरात लवकर पूर्ण करण्यासाठी सूचना दिल्या.

आ.संदीप भैया आणि सय्यद सलीम यांनी खंडपीठात पिटीशन केली होती दाखल

आ.संदिप क्षीरसागर व माजी आमदार सय्यद सलीम यांनी उच्च न्यायालयाच्या औरंगाबाद खंडपीठामध्ये यासंदर्भात पिटीशन दाखल केली होती.संदीप क्षीरसागर यांनी या कामाच्या मंजुरीची शिफारस राज्य शासनाने केंद्र शासनाकडे करावी अशी वारंवार मागणी केली होती.तसेच माजी आ.सय्यद सलीम यांनी दोन्ही उड्डाणपूल आणि स्लिप सर्विस रोड मंजुरीसाठी मा.उच्च न्यायालयाचे औरंगाबाद खंडपीठात याचिका क्रमांक ११७६/२०२४ व पीटिशन क्रमांक ८८०८/२०२४ दाखल केली होती. याठिकाणी होत असलेले अपघात बघता आणि सुरक्षेच्या प्रश्नांची गंभीर दखल घेत डिसेंबर २०२४ मध्ये तिन्ही कामांना मंजुरी द्या असे निर्देश दिले होते.त्यांच्या या निर्णयाने बायपास वरील सुरक्षेचा प्रश्न मार्गी लागणार असून आ.संदीप क्षीरसागर आणि माजी आ.सय्यद सलीम यांच्या प्रयत्नांना यश आले आहे.

बीड — बांधकाम कामगारांच्या कल्याणासाठी अनेक योजना राबवल्या जात आहेत. कामगार कल्याण अधिकारी यांनी सवयीप्रमाणे (सू) केल्याने धाक “करा”यचाच राहून गेला. हाताखालचा दीड दम डीचा कर्मचारी “नीती”न ठेवता “चव्”हाण(त) कोपरापासून ढोपरापर्यंत ओघळ येईपर्यंत पैसा लुटण्याच काम करत आहे. गोरगरिबांची तोंड मारताना कुठलाही अपराधीपणाचा लवलेश देखील चेहऱ्यावर नाही.”कोनाले” च जमलं नाही ते या पठ्ठ्याने केलं. कोट्यावधीचं घबाड बुडाखाली दाबलं असल्याचं चित्र पाहायला मिळत आहे.
बांधकाम कामगारांच्या कल्याणासाठी अनेक योजना शासनामार्फत राबवल्या जात आहेत. पण याची फळ कामगारांना कमी आणि कुत्रेच जास्त चाखत असल्याचं बीडमध्ये तरी चित्र आहे‌. कामगार कल्याण अधिकारी सुधाकर कोणाले यांनी कॉन्ट्रॅक्ट बेस वर कर्मचारीच असा निवडला आहे की कल्याणकारी योजनांचा फायदा बांधकाम मजुरांना होण्याऐवजी एजंटासह समन्वयक असलेल्या नितीन चव्हाणलाच जास्त होत असल्याचं दिसत आहे. दमडीचा पगार मिळत असताना कोट्यावधी रुपयांचे बंगले बांधकाम कामगारांचं शोषण करून उभा करण्याचं काम या पठ्ठ्याने केल असल्याचं उघड झालं आहे. खायला महाग असलेल्या या “महा”भागांने एखाद्या कुबेराला लाजवेल अशी संपत्ती गोळा केली आहे. यांने जमवलेल्या मायेचा स्त्रोत हा गुढ आहे. ही माया गोळा करताना अनेक ग्रामपंचायतींचे बनावट सही शिक्के तयार करून घेतले गेले. या सही शिक्यांचा भरमसाठ वापर करत बनावट कागदपत्र तयार केली. यामध्ये शेकडो लोक बांधकाम मजुरांना मिळणाऱ्या योजनांचा बोगस लाभ घेत आहेत.धन दांडग्यांच्या घरात देखील कामगारांना वाटप केलेल्या भांड्याचे किट या माध्यमातून गेले. खरा गरजवंत बांधकाम कामगार मात्र यांच्या या काळ्या कारणाम्यामूळे योजना पासून कोसो दूर राहू लागला आहे. तीच स्थिती सध्या कामगारांच्या सुरू असलेल्या प्रशिक्षणाची आहे. फोटो काढायचं प्रशिक्षण दिले हे दाखवायचं. त्यातून मिळणारं 5 हजार रुपयाच अनुदान खिशात घालायचं. यामध्ये देखील सगळाच बोगस प्रकार सध्या तरी घडत आहे. याच कमाईचा काही भाग कामगार कल्याण अधिकारी सुधाकर कोणाले यांच्यासह राजकीय व्यक्तींना देखील पोहोच होत असल्याने या विरोधात कोणी “ब्र” काढायला देखील तयार नाही. बांधकाम कामगारांशी निगडित हा विषय असल्याने माध्यमही याकडे फारसं लक्ष देत नाही. याच बोगसगिरीचा भांडाफोड गेवराई मध्ये झाला होता. याच्या चौकशीचा ससेमिरा काही जणांच्या पाठीशी लागला आहे. बीडचे हा महानग मात्र महागडा फ्लॅट, ग्रामीण भागात शेती, स्वतःच्या नावावर चार चाकी गाडी घेऊन मजा मारत असल्याचं पाहायला मिळत आहे. निती “न”सलेला चव्हाण  एवढ्या धन दांडग्या बापाचं पोर आहे तर दहा हजार रुपयाच्या दमडीवर काम का करत आहे असा प्रश्न त्यांच्या संपत्तीकडे पाहून पडू लागला आहे. या विरोधात जिल्हाधिकारी विवेक जॉन्सन कारवाई करणार का?  नितीन च्या संपत्तीची चौकशी करणार का? बोगस बांधकाम कामगार शोधून त्यांच्यावर कारवाई करणार का? गोरगरीब बांधकाम कामगारांना योजनांचा लाभ मिळवून देण्यासाठी तरी पदाच्या अधिकाराचा वापर जिल्हाधिकारी करणार का? असेच बांधकाम कामगार उपाशी अन् बोगस पणे फसवणारे तुपाशी यात बदल होणार का? असे एक ना अनेक प्रश्न सध्या जनतेतून विचारले जात आहेत.

चौसाळा ते वाढवणा रस्त्यावर दोन पूल होणार

बीड  —  बीड व शिरूर कासार तालुक्यात झालेल्या अतिवृष्टीमुळे अनेक रस्त्यांसह पुलांचे नुकसान झाले आहे. या पार्श्वभूमीवर राष्ट्रवादी काँग्रेस पक्षाचे बीड विधानसभा अध्यक्ष डॉ.योगेश क्षीरसागर यांनी प्रधानमंत्री व मुख्यमंत्री ग्रामसडक योजनेच्या अधिकाऱ्यांसोबत बीडमध्ये गुरुवारी (दि.९) चर्चा करण्यात आली. यावेळी विभाग अंतर्गत येणाऱ्या रस्ते व पुलांच्या दुरुस्तीची कामे तातडीने पूर्ण करण्याच्या सूचना देण्यात आल्या.

राज्याचे उपमुख्यमंत्री तथा बीड जिल्ह्याचे पालकमंत्री अजितदादा पवार यांनी दि.२५ सप्टेंबर रोजी अतिवृष्टीग्रस्त भागांचा पाहणी दौरा करून चौसाळा परिसरातील पुलांच्या दुरुस्तीबाबत तातडीने कार्यवाही करण्याचे आदेश दिले होते. त्यानुसार आढावा घेऊन डॉ.योगेश क्षीरसागर यांनी प्रधानमंत्री ग्रामसडक योजनेचे कार्यकारी अभियंता एम.एम. पाटील यांना परिपूर्ण प्रस्ताव जिल्हाधिकारी विवेक जॉन्सन यांच्याकडे सादर करण्यास सांगितले. या प्रस्तावात चौसाळा–पिंपळगाव घाट–वाढवणा रस्ता (इजिमा-४८) येथील दोन नवीन पुलांच्या बांधकामाचाही समावेश करण्यात आला आहे. तसेच, अतिवृष्टीमुळे नुकसान झालेल्या रस्ते व पुलांच्या तातडीच्या देखभाल आणि दुरुस्तीबाबत बैठकीत सूचना देण्यात आल्या. या बैठकीत प्रधानमंत्री व मुख्यमंत्री ग्रामसडक योजनेचे कार्यकारी अभियंता एम.एम. पाटील, उपअभियंते पी.बी. जोगदंड, एच.डी. शिंदे यांच्यासह संबंधित अधिकारी उपस्थित होते. या बैठकीत बीड विधानसभा मतदारसंघातील एनएच-५६१ ते एसएच-५९ —नवगण राजुरी ते सोनगाव रोड, एमआरएल-१३ – नाळवंडी ते ढेकणमोहा, व्हीआर-१२ —लक्ष्मीआई तांडा, एमडीआर-३१ —बीडजवळ, आहेर धानोरा ते वरवटी, भाळवणी ते बेलेश्वर, एसएच-५५ — म्हाळसजवळा, राजापूर, वाकनाथ रोड, एसएच-५६ —म्हाळसापूर ते पिंपळगाव, राक्षसभुवन, कुक्कडगाव, एसएच-५६ —लिंबागणेश, काटवटवस्ती, अंजनवती, घारगाव, एनएच-२११ —मोरगाव ते देवऱ्याचावाडा, एमएसएच-१६ —ढेकणमोहा ते कारळवाडी, निर्मळवाडी, एनएच-२११ — कर्झनी (ब) ते कर्झनी (क), एसएच-६३ — आर्वी, तरडगव्हाण ते गाजीपूर रोड, गात शिरापूर, एसएसएच-१६ —ढेकणमोहा ते आंबेसावळी, मन्यारवाडी रोड, एसएच-५५ — उमरद (क) ते नागापुर बुद्रुक, ब्रन्हानपूर रोड, एसएच-६४ —देवीबाभुळगाव रोड, एमएसएच-१६ —काळेगाव हवेली रोड, एसएच-५५ —गंगनाथवाडी रोड, एमएसएच-१६ —काठोडा ते वांगी रोड, एसएच-५६ —मुळूकवाडी ते मसेवाडी रोड, ओडीआर-५० —नरनाळे ते डोईफोडेवस्ती रोड, एसएच-५५ —इट तांडा रोड, ओडीआर-११३ —मेंगडेवाडी रोड, ओडीआर-११३ — धुमाळवाडी रोड, ओडीआर-४८ —तेलपवस्ती ते मानेवाडी रोड, एमडीआर-१९ —रुपेवाडी रोड, ओडीआर-४७ —मांडवजाळी ते भाळवणी रोड, एसएच-२६ —खंडाळा ते ढाळेवस्ती रोड, एनएच-२११ —धनगरवाडी रोड, ओडीआर-११५ —फुकेवाडी रोड, वंजारवाडी ते भगवाननगर रोड, आहेर धानोरा ते राममंदिर इंगोळे पूर्व वरवटी रोड, एमएसएच-१६ —वंजारवाडी चऱ्हाटा रोड —तांदळवाडी ते सिसरटवस्ती, एसएच-२११ —कोळवाडी, एसएच-२११ —वानगाव पाईसावस्ती, बोरखेडवस्ती ते बोरखेड–गोलांग्री, एमडीआर-२८ —शाहाबाजपूर सानपवस्ती, एनएच-२११ —आहेरवडगाव ते काटवडा रोड, खांबालिंबा पौंडूळ ते नारायणगड, केतुरा रोड, एमडीआर-२८ —गाजीपूर, एमएसएच-१६ — मैंदा, एमडीआर-२८ —वासनवाडी ते लक्ष्मीनगर, एसएच-२३२ —परभणी ते केसापुरी, एमडीआर-३२ —बोरफडी ते मोहगीरवाडी, लक्ष्मीनगर, एमडीआर-१८ —चव्हाणवाडी, एमडीआर-१८ —खुंड्रस, ओडीआर-५१ —चांदेगाव, ओडीआर-५१ — जाधववस्ती, एसएच-५५ —खांडेपारगाव, एसएच-५५ —अंधरवनपिंप्री, एमडीआर-२८ —गाजीपूर ते शिरूर (कासार) या रस्त्यांसह पुलांची दुरुस्ती केली जाणार आहे. त्यामुळे अनेक गावांचा दळणवळणाचा मार्ग सुकर होणार आहे.

देखभाल निकषामध्ये न बसणाऱ्या
रस्त्यांसाठी निधी मागणीचा प्रस्ताव

प्रलंबित कामांना गती देण्यासाठी तसेच देखभाल निकषात न बसणाऱ्या रस्त्यांसाठी शासनाकडे निधीसाठीचा प्रस्ताव देण्याच्या सूचना डॉ.योगेश क्षीरसागर यांनी दिल्या. त्याअनुषंगाने अधिकाऱ्यांनी प्रस्ताव पाठविण्याची कार्यवाही सुरू केली आहे.