बीड — बीड विधानसभा मतदारसंघाची राष्ट्रवादी काँग्रेस अजित पवार गटाची उमेदवारी डॉ.योगेश क्षीरसागर यांना जाहीर झाली आहे. त्यांना पक्षाचा एबी फॉर्म देण्यात आला.

बीडची जागा शिवसेना शिंदे गटाला देण्यात आली होती. त्यावर निश्चिती देखील झाली होती. काल अनिल जगताप यांनी उमेदवारी अर्ज देखील दाखल केला. मात्र भाजपच्या पंकजा मुंडे आणि अजित पवार गटाचे धनंजय मुंडे यांनी आग्रही भूमिका घेतल्यामुळे रात्री एकच्या सुमारास बीडची जागा राष्ट्रवादीला सोडण्यासंदर्भात एकमत झाले. त्यामुळे बीड मधून संदीप क्षीरसागर, जयदत्त क्षीरसागर तसेच योगेश क्षीरसागर यांच्यात लढत होणार असल्याचे चित्र निर्माण झाले आहे.

बीड — गेली ३५ वर्ष माझ्या वडिलांनी बीड शहराची सेवा केली आहे. आपणही साधारण वर्षभरापूर्वी राष्ट्रवादी काँग्रेसमध्ये प्रवेश केला. पक्षाचे आणि महायुतीचे विचार मतदारसंघात, प्रत्येक वॉर्डात, गल्ली, गाव, वस्तीवर पोहचवले. अनेक कामे आपल्या माध्यमातून झाली आहेत. आपण दिवसभर जनतेच्या दरबारात राहिलोत. त्यामुळे आता कोणीही आणि कितीही आडकाठ्या आणल्या तरीही बीड विधानसभा निवडणूक लढवायचीच, असे स्पष्ट करत फॉर्म कुठला आहे, चिन्ह कोणतं आहे? याची चिंता तुम्ही करू नका. तुम्ही फक्त साथ द्या, जिंकण्याचं गणित डोक्यात आहे, असे आवाहन डॉ.योगेश क्षीरसागर यांनी केले.

महायुतीकडून बीडच्या जागेचा तिढा सुटलेला नव्हता. राष्ट्रवादी काँग्रेस पक्षाकडून इच्छुक असलेले डॉ.योगेश क्षीरसागर यांनी सोमवारी (दि.२८) बैठक घेतली. या बैठकीला मेळाव्याचे स्वरूप आले होते. त्यानंतर त्यांनी उमेदवारी अर्ज दाखल केला.

पुढे बोलताना ते म्हणाले, आता आपण उमेदवारी अर्ज भरत आहोत, मात्र हा अर्ज काढण्यासाठी नाही तर विधानसभेत जाण्यासाठी असेल. मला परिवारातील लोकांनी एकटे पाडले, तुम्ही एकटे पाडू नका असे भावनिक आवाहन डॉ.योगेश यांनी केले. तसेच, वडील आजारी आहेत, त्यांची उणीव भासतेय असे सांगताना डॉ.योगेश क्षीरसागर हे भावूक दिसले. बैठक संपताच ते उमेदवारी अर्ज दाखल करण्यासाठी तहसील कार्यालयात गेले. दरम्यान, योगेशभैय्या आता नाही तर कधीच नाही, अशा घोषणा देत कार्यकर्त्यांनी निवडणूक लढवायचीच असा निर्धार यावेळी केला.

बैठक, रॅलीला मिळाला उत्स्फूर्त प्रतिसाद

डॉ.योगेश क्षीरसागर यांनी सकाळी लोकनेत्या स्व.केशरकाकू व नाना यांच्या समाधीचे दर्शन घेतले. त्यानंतर बीडचे माजी नगराध्यक्ष आणि माझे वडील डॉ.भारतभूषण क्षीरसागर व आई डॉ.दिपा क्षीरसागर यांचे आशीर्वाद घेतले. शेकडो कार्यकर्ते, पदाधिकाऱ्यांच्या उपस्थितीत उमेदवारी अर्ज दाखल केला. दरम्यान, सर्व बूथ, वॉर्ड, गावपातळीवर प्रभावी यंत्रणा आहे. त्यामुळेच बैठक, रॅलीला उत्स्फूर्त प्रतिसाद मिळाला.

निवडणूक जातीपातीच्या नव्हे तर विकासाच्या मुद्द्यावर लढायचीय!

मला ही निवडणूक जातीपातीच्या नव्हे तर विकासाच्या मुद्द्यावर लढायची आहे. मी आजपर्यंत राबविलेले स्वयंरोजगार शिबिर, रोजगार मेळावा, आरोग्य शिबिरे, दरदिवशी जनतेच्या कामांची सोडवणूक, अनेक सांस्कृतिक, सामाजिक उपक्रम, कोट्यवधींची विकासकामे, अशा सर्व कामाच्या माध्यमातून २४ तास जनतेच्या दरबारात राहिलो. मला या जनसेवेची पावती मिळेल, असा विश्वास डॉ.योगेश क्षीरसागर यांनी व्यक्त केला आहे.

बीड — बढता बढता कारवा बन गया अशी परिस्थिती निर्माण झाली आहे, स्वर्गीय काकु नाना हे आपल्यासाठी शक्तीपीठ आहे आपण एवढा मोठा उत्स्फूर्त आणि उदंड प्रतिसाद दिला हे माझ्यासाठी खूप महत्त्वाचे आहे आता आपण स्वयंपूर्ण आहोत सर्वांनी साथ दिली तरच पुढचा डाव जिंकता येईल असे भावनिक आवाहन माजी मंत्री जयदत्त क्षीरसागर यांनी केले आहे.

आज माजी मंत्री जयदत्त क्षीरसागर यांचे आगमन होणार असल्याची माहिती मिळतात तरुण कार्यकर्त्यांनी पाडळसिंगी टोल नाक्यापासून ते बीड शहरापर्यंत भव्य मोटरसायकल रॅली काढून भव्य स्वागत केले 2000 गाड्यांचा ताफा जेव्हा शहरातून जात होता तेव्हा माजी मंत्री जयदत्त क्षीरसागर देखील भारावून गेले होते रस्त्यात ठीक ठिकाणी लोकांचा समुदाय त्यांच्या स्वागतासाठी उभा होता अनेक कार्यकर्त्यांनी ठिकठिकाणी तोफांची सलामी देत आपल्या लाडक्या नेत्याचे स्वागत केले स्वर्गीय काकू नाना यांच्या समाधीला अभिवादन केल्यानंतर माजी मंत्री जयदत्त क्षीरसागर यांनी उपस्थित कार्यकर्त्यांची मनमोकळेपणाने संवाद साधला ते म्हणाले स्वर्गीय काकू नाना हे आपल्यासाठी शक्तीपीठ आहे आपला एवढा मोठा उत्स्फूर्त आणि उदंड प्रतिसाद मला प्रेरणा देणार आहे सगळ्याला फाटा देऊन स्वयंपूर्ण होत पुढे जातोय नातेगोते तुटतात काळाच्या ओघात दुरावा निर्माण होऊ लागला आहे सामाजिक वेन विस्कटू लागली आहे आपण आज मला मोठा प्रतिसाद दिला उतणार नाही मातणार नाही घेतला वासा टाकणार नाही हे मी आज सर्वांसमोर जाहीर करतो अनेक चढउतार अनेक वळणे बघितली अनेकांनी मला आग्रह केला आपण सहा महिन्यापासून आपल्या तयारीला लागलो आहोत वाट लावणारे पुढे येत आहेत पण वाट दाखवणारा असावा लागतो याची जाण आणि भान या मतदारसंघातील लोकांना आहे सगळा बाजार भरलाय डिजिटल सारेच दिसू लागले आहेत परंतु वस्तुस्थिती काय असा प्रश्न निर्माण होतो कोण कुणीकडे जातोय याचा शोध घेण्याची गरज निर्माण झाली आहे करता करविता परमेश्वर आहे नियती सर्वांचा हिशोब करत असते लोकशाहीत असेच आहे लोक संधी देऊन बघतात आपण आपला वसा आणि वारसा नुसार चालावं लागतं पण आज कुणाचा आदर्श घ्यावा असा कोणी आहे का असा प्रश्न आहे समरसतेचे वातावरण निर्माण झाले आहे लोकशाहीत कुठलातरी निर्णय घ्यावा लागतो आता आपण स्वयंपूर्ण आहोत सर्वांनी साथ दिली तर पुढचा डाव जिंकता येईल जात-पात बाजूला ठेवून आपण सर्वजण पुढे जाऊया आपला आरसा स्पष्ट आहे वास्तव आणि वस्तुस्थिती सर्वांसमोर आहे आपण आपला अधिकार यासाठी वापरण्याची वेळ आली आहे 20 तारखेला आपली ताकद दाखवावी लागेल मी सेवेचे व्रत घेतले आहे माझ्याकडून सेवा करून घेणे हे आपले काम आहे तुम्ही पोटतिडकीने बोलता तसे काम करा आपण वाट बघितली थांबलो देखील पण आपलं मूळ आपल्याला विसरता येणार नाही आपला विश्वासाचा धागा आहे तो कधीही तुटू देणार नाही माझ्या जागी आपणच आहात असे समजून तुम्ही चमत्कार करा उद्या दिनांक 29 तारखेला अर्ज भरणार आहोत हे निवडणूक भाग्यरेषा बनवणारी आहे आपल्याला जे साध्य करायचे यासाठी समर्थ साथ द्या लोकशक्ती हीच माझी शिदोरी आहे आता दिवाळी आहे फटाके तर वाजत असतात परंतु आपले फटाके हे विजयाचे फटाके वाजले पाहिजेत असा दृढ निश्चय करा असे आवाहन करून माजी मंत्री जयदत्त क्षीरसागर यांनी उपस्थित जनसमुदायास भावनिक आवाहन केले
यावेळी माजी मंत्री जयदत्त क्षीरसागर यांचे सर्व प्रमुख समर्थक कार्यकर्ते महिला तरुण मोठ्या संख्येने उपस्थित होते