बीड — नवनीत कांवत यांनी पोलीस अधीक्षक पदाचा पदभार घेतल्यानंतर पोलीस ॲक्शन मोड मध्ये आला आहे. 28 पोलीस ठाण्याच्या हद्दीमध्ये 63 अवैध धंद्यावर कारवाई करून लाखो रुपयांचा मुद्देमाल पोलिसांनी जप्त केला.

अवैध धंदे करणारा विरोधात एस पी नवनीत कावत यांनी दिलेल्या आदेशामुळे पोलिसांनी मोहीम उघडली आहे. पोलीस दलाच्या बैठकीत कामात कुचराई करणाऱ्या ची गय केली जाणार नसल्याचा इशारा कावत यांनी दिला होता. सोमवारी पोलिसांनी केलेल्या 27 कारवाईत 34 जणांवर जुगार खेळणे व खेळविणारा वर गुन्हे दाखल करून 87 हजार 440 रुपयाचा मुद्देमाल जप्त केला. अवैध दारू विक्री अड्ड्यावर 36 ठिकाणी छापे मारून 36 जनावर गुन्हे दाखल करत दोन लाख 50 हजार 55 रुपयांचा मुद्देमाल जप्त केला. जिल्ह्यात 63 कारवाई करत पोलिसांनी आपली जरब निर्माण करण्यास सुरुवात केली आहे.

बेळगाव — ऊस तोडणीसाठी गेलेल्या अस्वलआंबा येथील एका कामगाराचा मुकादमानेच दगडाने ठेचून खून केल्याची खळबळ जनक  घटना 22 डिसेंबर रोजी रात्री बेळगाव जिल्ह्यातील घटप्रभा येथील एका दवाखान्या समोर घडली आहे.

याप्रकरणी ऊसतोड कामगाराच्या टोळीचा मुकादम श्रीकृष्ण ढाकणे रा. अस्वलआंबा ता. परळी याच्या विरोधात कर्नाटकातील घटप्रभा पोलिस स्टेशनमध्ये 23 डिसेंबर रोजी गुन्हा दाखल करण्यात आला आहे. आरोपी मुकादमास पोलीसांनी अटक केली आहे.
याबाबत मिळालेल्या माहितीनुसार, विकास बालासाहेब जोगदंड वय 28 वर्ष, रा. अस्वल अंबा, ता. परळी, जि. बीड हा दोन महिन्यांपूर्वी कर्नाटकातील बेळगाव जिल्ह्यात उसतोडीसाठी मुकादम श्रीकृष्ण विठ्ठल ढाकणे वय 47 वर्ष, रा. अस्वलंबा, ता. परळी, जि. बीड याच्या टोळीत गेला होता. 22 डिसेंबर रोजी मुकादम ढाकणे हा आजारी असल्याने त्यास विकासने उपचारासाठी बेळगावजवळ घटप्रभा येथे घटप्रभा- हुक्केरी दरम्यान असणाऱ्या एका दवाखान्यात आणले. रात्री ढाकणे यास रुग्णालयात दाखल करून विकास रुग्णालयाच्या बाहेर असलेल्या निवारा गृहात झोपला. काही वेळाने ढाकणे अचानक रुग्णालयाच्या बाहेर आला. काही कळायच्या आत त्याने झोपलेल्या विकासच्या डोक्यात भलामोठा दगड घातला. हे पाहून रुग्णालयाच्या सुरक्षा रक्षकाने ताबडतोब ढाकणे याला पकडले. तोपर्यंत विकासचा मृत्यू झाला होता. ढाकणेला सुरक्षा रक्षकाने घटप्रभा पोलिसांच्या ताब्यात दिले. याप्रकरणी पोलिस निरीक्षक एच. डी. मुल्ला यांच्या मार्गदर्शनाखाली उपनिरीक्षक एस. आर. कणवी अधिक तपास करीत आहेत. खूनाचे कारण अद्याप अस्पष्ट आहे. अस्वलआंबा या गावी 24 डिसेंबर रोजी सकाळी आठ वाजता मृत विकासच्या पार्थिव देहावर अंत्यसंस्कार करण्यात आले.

रायपूर — महाराष्ट्रात जशी लाडकी बहीण योजना आहेत, तशीच योजना छत्तीसगडमध्येही आहे. या योजनेमार्फत सरकार दर महिन्याला सनी लिओनीच्या नावाने पैसे देत असल्याचा प्रकार समोर आला. महतारी वंदन योजनेसाठी सनी लिओनीच्या नावाने अर्ज भरण्यात आला होता आणि त्या खात्यावर पैसेही सरकारकडून जमा केले गेले. पडताळणीत हा प्रकार समोर आल्यानंतर पोलिसांनी कारवाई करत आरोपीला अटक केली.

अभिनेत्री सनी लिओनीच्या नावाने अर्ज भरून पैसे लाटणाऱ्याला पोलिसांनी अटक केली. महतारी वंदन योजनेतंर्गत अर्ज दाखल करून आरोपी प्रत्येक महिन्याला हजार रुपये घेत होता. ही बाब जेव्हा प्रशासनाच्या निदर्शनास आले, तेव्हा याची चौकशी करण्यात आली.बस्तरच्या जिल्हाधिकाऱ्यांनी तहसीलदार आणि महिला आणि बाल विकास विभागाच्या अधिकाऱ्यांच्या टीमला तालुर गावात पाठवले. अधिकाऱ्यांच्या चौकशी हा सगळा प्रकार उघडकीस आला.अंगणवाडी कार्यकर्ता वेदमती जोशी यांच्याकडून अकाऊंट नोंदणी करण्यात आली होती. पण या नोंदणीकृत खात्यातून महतारी वंदन योजनेत गावात राहणाऱ्या विरेंद्र जोशीनं स्वत:च्या आधार कार्डची आणि बँक खात्याची माहिती दिली होती. अभिनेत्री सनी लिओनीच्या नावानं तो राज्य सरकारच्या महतारी योजनेचा लाभ घेत होता. या माध्यमातून गरजू महिलांना दर महिना १ हजार रुपयांची आर्थिक मदत दिली जाते.बस्तरच्या जिल्हाधिकाऱ्यांनी घडलेल्या प्रकरणाची सविस्तर माहिती दिली. ‘अंगणवाडी कार्यकर्त्या वेदमती जोशी यांच्या आयडीवरुन त्यांच्याच गावातील विरेंद्र जोशी नावाच्या व्यक्तीनं सनी लिओनीच्या नावानं खातं उघडलं. त्या खात्यावर जमा होत असलेली रक्कम विरेंद्र जोशी स्वत:च्या खात्यात वळवायचा. सरकारची फसवणूक करत तो महतारी वंदन योजनेचा लाभ घेत होता. त्याला अटक करण्यात आलेली आहे. या प्रकरणात अन्य काही जणांची नावंही समोर आलेली आहेत,’ अशी माहिती जिल्हाधिकाऱ्यांनी दिली.महतारी वंदन छत्तीसगड सरकारची महत्त्वाकांक्षा योजना आहे. आता याच योजनेत घोटाळा झाल्याचा प्रकार उघडकीस आला आहे. या योजनेच्या माध्यमातून सरकार विवाहित किंवा विधवा महिलांना महिन्याला १०० रुपये देतं. ही रक्कम त्यांच्या बँक खात्यांमध्ये जमा होते. त्यासाठी आधार कार्ड आणि बँक पासबुकची माहिती घेतली जाते. या दोन्हींची पडताळणी होते. त्यानंतर अंगणवाडी सुपरव्हायझरकडून त्याला मंजुरी दिली जाते.सरकारच्या महत्त्वाकांक्षी योजनेसाठी एक व्यक्ती सनी लिओनी नावानं नोंदणी करते. सरकार दरबारी दिलेल्या माहितीत आपल्या पतीचं नाव जॉनी सिन्स लिहिते आणि तरीही पडताळणीत तिचा अर्ज बाद होत नाही. उलट तिला महिन्याकाठी १ हजार रुपये मिळतात, हा धक्कादायक प्रकार सध्या राज्यात चर्चेचा विषय ठरत आहे.

एस पी. कांवत समोर नव “नीत” आव्हानं

पिंपळनेर — शेतात राखण करण्यासाठी गेलेल्या शेतकऱ्याला बेदम मारहाण करत मोटार सायकल जाळून टाकल्याची घटना पिंपळनेर पोलीस ठाणे हद्दीतील लिंबारूई देवी येथे रविवारी रात्री घडली.

मारहाण झालेल्या शेतकऱ्याचं जगन्नाथ ज्ञानोबा नांदे वय 57 वर्ष असं नाव आहे. पिंपळनेर पोलीसांनी घटनास्थळी भेट देऊन पंचनामा केला आहे दरम्यान शेतकरी दि.22 रोजी वार राञी 8 वाजण्याच्या सुमारास ‌शेतात गहू ,हरभरा , भुईमूग पिकासाठी पाणी देणे, वन्यप्राण्यांपासून बचाव करण्यासाठी पिकांची राखन करण्यासाठी शेतातच बाज टाकून शेतात बाजावर बसलेले असताना अचानक अज्ञात दोन तीन व्यक्ती आले आणि काठी ने बेदम मारहाण करून प्राणघातक हल्ला चढवला आणी बेशुद्ध होई पर्यंत मारहाण करण्यात आली तसेच रस्त्यावर लावण्यात आलेली मोटार सायकल MH 13BW3293मोटार सायकल जाळली असल्याची माहिती मारहाण झालेल्या शेतकरी नांदे यांचे बंधू भास्कर नांदे यांनी दिली आहे. सदरील घटना गंभीर असल्याने शेतकऱ्यांना शेतात बेदम मारहाण झाल्यामुळे शेतकऱ्यांत भितीचे वातावरण पसरले आहे मारहाण करणाऱ्यांना आरोपींना तात्काळ शोध घेऊन अटक करण्यात यावी अशी मागणी ग्रामस्थांकडून होत आहे