बीड — संतोष देशमुख यांची हत्या आणि आवादा कंपनीला खंडणी मागितल्या प्रकरणी न्यायालयीन कोठडीत असलेल्या वाल्मिक कराडने जामिनासाठी केलेला अर्ज मागे घेतला आहे. यामुळे या प्रकरणात वाल्मिकने घेतलेल्या या निर्णयामागे नेमकं कारण काय हे समजू शकलेलं नाही.

आज वाल्मिकने खंडणी प्रकरणात केलेल्या जामीन याचिकेवर सुनावणी होणार होती. मात्र, वाल्मिकने जामीन अर्जच मागे घेतल्यामुळे ही सुनावणी होऊ शकलेली नाही.दरम्यान, वाल्मिक कराडची प्रकृती काल रात्री अचानक बिघडली. यानंतर त्याला बीडमधील (Beed Jail) जिल्हा रुग्णालयात दाखल करण्यात आलं आहे. कालच वाल्मिक कराडला न्यायालयाकडून 14 दिवसांची न्यायालयीन सुनावण्यात आली होती. त्यामुळे तो आता बीड जेलमध्ये होता. जेलमध्ये रवानगी करण्यात आल्यानंतर रात्री उशिरा वाल्मिकच्या पोटात दुखत असल्याची माहिती समोर आली. यानंतर काही वेळातच कडेकोट बंदोबस्तात वाल्मिक कराडला तुरूंगातून थेट बीड जिल्हा रुग्णालयात हलवण्यात आलं आहे.प्रकृती नाजूक असल्यानं वाल्मिक कराडवर बीडच्या जिल्हा रुग्णालयात आयसीयूमध्ये उपचार सुरू करण्यात आले आहेत. आरोपी वाल्मिक कराडला पोटदुखीचा त्रास जाणवू लागल्यानं त्याला जिल्हा रुग्णालयात उपचारासाठी दाखल करण्यात आलं आहे. वाल्मिक कराडची प्रकृती नाजूक असल्याची माहिती समोर आली आहे. मात्र, याबद्दल रुग्णालयाकडून कोणतीही अधिकृत माहिती देण्यात आलेली नाही.

पुणे — शिलाई मशीनच्या कात्रीने पतीने पत्नीचा खून केल्याची घटना बुधवारी पहाटे खराडीतील तुळजा भवानी नगर परिसरात घडली. कौटुंबिक वादातून ही घटना घडली असून हत्या केल्यानंतर आरोपी पती स्वतः पोलीस ठाण्यात हजर झाला .आरोपी पती मूळचा बीड चा आहे

मूळचा बीडचा असलेल्या शिवदास गीते न्यायालयात टंकलेखक म्हणून काम करतो. खडकी भागात भाडेतत्त्वावर खोली घेऊन तो राहत होता. गेल्या काही दिवसापासून पती-पत्नीमध्ये वाद सुरू होता. बुधवारी पहाटे देखील दोघांमध्ये वाद झाला. यावेळी पती शिवदास गीते याने शिलाई मशीनच्या कात्रीने पत्नी ज्योती गीतेच्या गळ्यावर वार केले या हल्ल्यात ती गंभीर जखमी झाली. अर्धा ओरडा केल्यानंतर शेजाऱ्यांनी धाव घेतली त्यानंतर पोलिसांनी जखमी ज्योती गीतेस तातडीने ससून रुग्णालयात दाखल केले मात्र डॉक्टरांनी ज्योतीला मृत घोषित केले. दरम्यान शिवदास गीते याने घटना घडल्यानंतर सर्व प्रकरणाचा व्हिडिओ शूट करून व्हाट्सअप वर टाकला. या व्हिडिओमध्ये त्याने मला मारायचा प्रयत्न केला आहे मला उशिरा कळालं माझ्या संरक्षणासाठी हा सगळा प्रकार करावा लागला माझी इच्छा नव्हती तिला मारावं किंवा काही करावं माझ्या घरची लक्ष्मी होती. असं म्हटलं आहे. हिने माझ्या मुलाला जन्म दिला असून तिच्या भावाने मला जिवे मारण्याचा प्रयत्न केला त्यामुळे मला तिला मारावा लागलं मला या महिलेने मारून टाकण्याचा प्रयत्न केला होता या महिलेने तिची माणसं पुण्यात पेरलेली आहेत. मिळालेल्या माहितीनुसार 2016 मध्ये ज्योतीचे वय 27 वर्ष तसेच शिवदास गीते वय 37 वर्ष याच्याशी लग्न झाले होते. या दांपत्याला अथर्व नावाचा एक मुलगा सुद्धा आहे. ज्योती गीते ही शिलाई मशीन ने कपडे शिवणे तसेच जुन्या भांड्याचे काम करत होती. तर शिवदास गीते हा शिवाजीनगर दिवाणी न्यायालय येथे तेनु म्हणून कार्यरत आहे. शिवदास हा तिच्या पत्नीवर अनेक वेळा चारित्र्यावरून संशय घेत होता यातून त्यांच्यात अनेक वेळा वादविवाद होत होते. 15 जानेवारीला झालेल्या एका परीक्षेत शिवदास नापास झाल्यामुळे त्याला कामावरून कमी केले होते परीक्षा परत देण्यासाठी ज्योती अनेक वेळा शिवदास ला सांगत होती. 22 जानेवारी रोजी ज्योतीचे तिच्या बहिणीशी बोलणे झाले तेव्हा तिने शिवदास त्रास देत असल्याचे सांगितले होते त्यानंतर संध्याकाळी पावणे सातच्या सुमारास ज्योती तिच्या पतीला परीक्षांचे अभ्यास करण्यास सांगत होती याचा राग आल्याने शिवदास याने शिलाई मशीन साठी वापरण्यात येणारी कात्रीने वार करून ज्योतीचे निर्गुण हत्या केली. रक्ताच्या थारोळ्यात ज्योती पडलेली असताना मुलाला खुर्चीवर बसून त्याने व्हिडिओ शूट करून सर्व हाकिकत सांगितली. शिवदासने स्वतः पोलीस ठाण्यात हजेरी देऊन घटनाक्रम सांगितला. चंदन नगर पोलीस ठाण्यात शिवदास विरुद्ध गुन्हा दाखल करण्यात आला आहे.

बीड — खंडणी व सरपंच संतोष देशमुख हत्या प्रकरणातील मकोकाचा आरोपी वाल्मिक कराड याचा आणखी एक कारनामा पुढे आला आहे. बीड येथील सनी आठवले याने फेसबुकवर एक ऑडिओ क्लिप शेअर केली होती.

https://www.facebook.com/share/v/18fChukZfy/

त्यामध्ये त्याने दावा केला की वाल्मिक कराड मला अडकवण्याचा प्रयत्न करीत आहेत.

एक पोलिस अधिकारी आणि वाल्मिक कराडमधला हा संवाद आहे. सनी आठवलेला मदत करा, असं वाल्मिक कराड म्हणतोय. तर पोलिस अधिकारी शीतल बल्लाळ त्याला तसा शब्द देत आहेत. या प्रकरणी पोलिस अधीक्षक नवनीत कॉवत यांनी कसून चौकशी करणार असल्याचं म्हटलं आहे. ‘एबीपी माझा’ने हे वृत्त दिलं आहे.

दुसरीकडे पोलिस अधिकारी बल्लाळ यांनी हा आवाज माझा नसल्याचं म्हटलं असून उलट चुकीची ऑडिओ क्लिप प्रसारित केल्याप्रकरणी गुन्हा दाखल करणार असल्याचं म्हटलं आहे. बनावट नोटांच्या प्रकरणात श्याम आठवले दोषी असल्याचं आढळून येत असल्याने असल्याने त्यातून वाचण्यासाठी

हा उपद्व्याप सुरु असल्याचं या पोलिसांचं म्हणणं आहे. तर सनी आठवले खुनाच्या गुन्ह्यातील संशयित आरोपी असल्याचंही बल्लाळ म्हणाले.
कथित ऑडिओ क्लिप ही तीन महिन्यांपूर्वीची असल्याचं एसपी कॉवत यांनी म्हटलं आहे. या क्लिपची चौकशी करण्याचे आदेश कॉवत यांनी दिलेले आहेत. यामध्ये बल्लाळ दोषी आढळून आले तर मोठी कारवाई होण्याची शक्यता आहे.
श्याम आठवलेची फेसबुक पोस्ट जशास तशी

”बीडमध्ये नेमकं चाललय काय? का मला गुंतविले जातंय? खोटे गुन्हे दाखल केले जात आहेत? देशद्रोहासारखा खोटा गुन्हा दाखल करून आयुष्य उध्वस्त केले जाते? देशद्रोहाचा गुन्हा डोक्यावर घेत जगण्यापेक्षा मेलेले बरे, शहर पोलीस स्टेशनचे पोलीस निरीक्षक शितलकुमार बल्लाळ हे वाल्मीक अण्णा कराड यांचे मित्र असून मी ना. धनंजय मुंडे यांच्यासोबत दीपज्योत ग्रुपच्या माध्यमातून जोडलो गेले होतो परंतु काही कारणास्तव मी त्यांच्यापासून दूर आल्यानंतर बीडचे आमदार संदीप क्षीरसागर यांच्या सोबत तीन ते चार वेळेस आढळून आल्यामुळे वाल्मीक अण्णा कराड यांना माझा राग आल्याने सनी आठवलेला कोणत्याही गुन्ह्यामध्ये गुंतविण्याचे आदेश पोलीस निरीक्षक शितल कुमार बल्लाळ यांना दिले होते. त्यावर शहर पोलीस स्टेशनचे पोलीस निरीक्षक शितल कुमार बल्लाळ यांनी लागलीच कलम 107 मध्ये मला पोलीस स्टेशनला बोलावले होते. मी पोलीस निरीक्षक बल्लाळ यांच्या बोलविण्यावरून पोलीस स्टेशनला गेलो नाही म्हणून तो राग मनामधे धरत व अण्णाच्या सांगण्यावरून बनावट नोटा छापाईच्या प्रकरणांमध्ये माझा कसलाही संबंध नसताना संशयित आरोपी म्हणून त्यामध्ये मला जोडण्यात आले आहे.

दीपज्योत ग्रुपच्या माध्यमातून असंख्य मित्र जोडलेले आहेत बनावट नोटा छपाई प्रकरणी मनीष क्षिरसागर हा माझा मित्र आहे परंतु तो काय करतो याची पूर्वकल्पना मला नाही.

वाल्मीक कराड यांच्या सांगण्यावरून पोलीस निरीक्षक शितल कुमार बल्लाळ हे काम करत आहेत. माझ्यावर बनावट नोटा छापाई प्रकरणी खोटा गुन्हा दाखल झाल्यानंतर मी वाल्मीकांना कराड यांना फोनद्वारे संपर्क साधला व मी आमदाराचे काम करत आहे माझं चुकलं मला माफ करा असे बोलल्यानंतर लागलीच वाल्मीक अण्णा कराड यांनी पोलीस निरीक्षक शितल कुमार बल्लाळ यांना फोन करून “त्या सनीला नका गुंतवू संशयितमध्ये झाली त्याची चूक झाली ते माफी मागायला लागलंय जावुद्या द्या विषय सोडून” अरे अण्णा सनी बद्दल शिफारस करू नका संदीप क्षिरसागर शिफारस करत आहे. अशा आशयाची रेकॉर्डिंग मी माझ्या फेसबुक अकाउंट वरून आपणास शेअर करत आहे.

या अगोदर पोलीस उपनिरीक्षक केज राजेश पाटील, चंद्रभान गीते यांनी अक्षय आठवले यास मादळमोही या ठिकाणाहून अटक केले होते परंतु एफ.आय.आर मध्ये केज तालुक्यातील बरड फाटा येथे अटक केल्याचे दाखवले आहे याबाबत पुराव्यानिशी मा. विशेष पोलीस महानिरीक्षक छत्रपती संभाजी नगर यांच्याकडे तक्रार सादर केले असून त्यामध्ये पाडळशिंगी टोलनाक्यावरील सीसीटीव्ही फुटेज जोडण्यात आलेले आहेत सदर प्रकरणी वाल्मीकांना कराड यांनीच या खोट्या गुन्ह्यांमध्ये माझे नाव जाणीवपूर्वक टाकले होते.

अशा पद्धतीने वाल्मीक अण्णा कराड यांनी असंख्य युवकांवर खोटे गुन्हे दाखल करून त्यांची सहानुभूती मिळविण्यासाठी संबंधित पोलीस स्टेशनला फोन करणे गुन्हा वापस घेणे बाबत सांगणे आणि मग गुन्हा दाखल झाल्यानंतर तो युवक पुन्हा त्यांचं काम करायला लागतो अशा पद्धतीने त्यांनी माझाही मिस युज करायचा प्रयत्न केला होता परंतु ते मला आवडले नसल्याने मी नामदार धनंजय मुंडे यांच्यापासून दूर आलो होतो.

आमदार संदीप क्षीरसागर, आमदार सुरेश आण्णा धस, सामाजिक कार्यकर्त्या अंजलीताई दमानिया, सोशल मीडियावरील माझा मित्रपरिवार, इलेक्ट्रॉनिक मीडिया, प्रिंट मीडिया, युट्युब चॅनेल्स, या क्लिपच्या माध्यमातून मला न्याय मिळवून द्याल ही अपेक्षा बाळगतो मी गुन्हेगारी सोडून सामाजिक क्षेत्रात काम करत आहे हेच यांना खुपत आहे.

आणि आठवले गॅंग हा शब्द वापरू नये ही कळकळीची विनंती आम्ही गुन्हेगारी सोडून सामाजिक क्षेत्रामध्ये काम करत आहोत परंतु राजकीय आसरा घेत पोलीस प्रशासनातील काही अधिकारी-कर्मचारी जातीय द्वेष सामोरे ठेवून आम्हाला बदनाम करण्याचा प्रयत्न करत आहेत.

काही दिवसापूर्वी पोलीस निरीक्षक बल्लाळ यांनी माझ्या घरी येऊन तुमच्या आशिष अक्षय आणि सनी यांना मकोका लावणार आणि देशद्रोहासारख्या गुन्ह्यामध्ये आत मध्ये टाकणार आणि त्याची शिफारस मीच करणार अशा पद्धतीची धमकी दिली होती यासाठी पोलीस अधीक्षक नवनीत कावत यांच्याकडे रीतसर तक्रार माझ्या आईने दिलेली आहे. ती ही आपणास शेअर करतो.

सध्या पोलीस निरीक्षक शितल कुमार बल्लाळ हे वाल्मीक अण्णा कराड यांचे काम करतात आणि गेल्या अनेक दिवसापासून शहर पोलीस स्टेशन येथील लॉकअप मध्ये त्यांना व्हीआयपी ट्रीटमेंट पुरवतात एस पी साहेब आपण याकडे ही लक्ष द्यावे आणि पोलीस निरीक्षक बल्लाळ यांच्या मोबाईलचा डाटा सीडीआर तपासावा जेणेकरून आपणास लक्षात येऊन जाईल की वाल्मीक अण्णा कराड व पोलीस निरीक्षक शितल कुमार बल्लाळ यांचे मैत्रीचे संबंध आहेत म्हणून तर प्रत्येक वेळी शितल कुमार बल्लाळ हे वाल्मीकांना कराड सोबत असतात मग ते माध्यम कोणतेही असो आणि पोलीस निरीक्षक बल्लाळ यांचेही कारनामे एस पी साहेबांनी पहावे गोंदी येथील झालेला प्रकार माजलगाव येथील झालेला प्रकार खोटे गुन्हे दाखल करणाऱ्या पोलीस निरीक्षक शितल कुमार बल्लाळ यांच्यावर बडतर्फीची कारवाई होणे अपेक्षित आहे.

जय संविधान…

धन्यवाद भाऊ

बीड — सरपंच संतोष देशमुख यांच्या हत्याकांडातील आरोपी कृष्णा आंधळे पाहिजे आहे अशी प्रसिद्धी पत्रक बीडच्या पोलीस ग्रुप वरती स्थानिक गुन्हे शाखेचे पोलीस निरीक्षक उस्मान शेख यांनी प्रसिद्धी पत्रकाद्वारे माहिती दिली आहे.

9 डिसेंबरला मस्साजोगचे सरपंच संतोष देशमुख यांची हत्या झाल्यापासून कृष्णा आंधळे पोलिसांना सापडलेला नाही. या प्रकरणातले इतर आरोपी पोलिसांना सापडले, कृष्णा आंधळेला पोलीस शोधू शकलेले नाही.संतोष देशमुख यांच्या हत्येनंतर राज्यभरात हे प्रकरण तापलं, मात्र तरीही पोलिसांना अनेक दिवस या आरोपींना पकडता आलं नव्हतं. 31 डिसेंबरला स्वत: वाल्मिक कराड पोलिसांसमोर शरण आला. तो शरण आल्यानंतर इतर आरोपीपी अत्यंत नाट्यमयरित्या पोलिसांनी पकडले. मात्र, याच आरोपींच्या सोबत हा कृष्णा आंधळे होता अशी माहिती आहे. तरीही तो पोलिसांना सापडलेला नाही. विशेष म्हणजे तो आधीच एका प्रकरणात फरार होता अशीही माहिती समोर आलेली आहे. त्यानंतर पोलिसांनी आता हे प्रसिद्धीपत्रक जाहीर केलं आहे.

बीड — मस्साजोगचे सरपंच संतोष देशमुख हत्येप्रकरणी मकोका अंतर्गत गुन्हा दाखल झाल्यानंतर पोलीस कोठडीत असलेल्या वाल्मीक कराड याला आज व्हीसीद्वारे बीड कोर्टासमोर हजर करण्यात आलं.कोर्टाने या प्रकरणात कराडला 14 दिवसांची न्यायालयीन कोठडी सुनावली आहे. काही दिवसांपूर्वीच खंडणीच्या गुन्ह्यातही कराड याला न्यायालयीन कोठडी सुनावली होती. त्यानंतर आता मकोकामध्येही त्याला न्यायालयीन कोठडी सुनावण्यात आली.

पवनचक्की खंडणी प्रकरणातील गुन्ह्यानंतर सरपंच संतोष देशमुख यांच्या हत्या प्रकरणातही सहभाग आढळल्याने वाल्मीक कराडवर हत्येसह मकोकाचा गुन्हा दाखल करण्यात आला होता. हत्येचा गुन्हा दाखल झाल्यानंतर कोर्टासमोर हजर केलं असता कराड याला सुरुवातीला ७ दिवसांची पोलीस कोठडी सुनावण्यात आली होती. आज पोलीस कोठडी संपत असल्याने त्याला पुन्हा व्हीसीद्वारे कोर्टासमोर हजर करण्यात आलं. प्राथमिक तपास पूर्ण झाला असल्याने पोलीस यंत्रणेकडून कराडच्या कोठडीची मागणी न करण्यात आल्याने त्याची न्यायालयीन कोठडीत रवानगी करण्यात आली आहे
केज तालुक्यातील मस्साजोगचे सरपंच संतोष देशमुख यांची ९ डिसेंबर रोजी अपहरण करून हत्या झाली होती. यात सुदर्शन घुले, विष्णू चाटेसह आठ जण अगोदर आरोपी होते. त्या सर्वांवर मकोका लावला होता. परंतु, खंडणीच्या गुन्ह्यातील आरोपी वाल्मीक कराड याचादेखील यात सहभाग असल्याचा आरोप करत देशमुख कुटुंबाने आंदोलन केले होते. त्यानंतर कट रचल्याचा ठपका ठेवत कराडवरदेखील मकोका लावण्यात आला. एकूण नऊ आरोपींवर मकोका लागला असून, कृष्णा आंधळे अद्यापही फरार आहे. मकोका लावताना सीआयडीने सुदर्शन घुले याला गँगचा प्रमुख केले आहे. कराड हा सदस्य आहे. सीआयडीने कराड, चाटे, घुले यांच्यासह इतर आरोपींचे कॉल डिटेल्स काढले आहेत. यात संतोष देशमुख यांच्या हत्येच्या दिवशी कराड आणि चाटे यांच्यात कॉल झाले आहेत. तसेच चाटे आणि घुले यांच्यातही संवाद झाला. हाच धागा पकडून कराडला मकोकामध्ये घेतल्याची माहिती आहे.

बीड — मस्साजोगचे सरपंच संतोष देशमुख यांच्या हत्येप्रकरणी वाल्मीक कराडवर मकोकाअंतर्गत कारवाई करण्यात आली आहे. कराड सध्या पोलीस कोठडीत असून त्यांच्या अडचणीत वाढ होणार आहे. आवादा कंपनीच्या अधिकाऱ्याकडे दोन कोटी रुपयांची खंडणी ज्या दिवशी मागितली गेली, त्यादिवशीचे सीसीटीव्ही फुटेज समोर आले आहेत. या फुटेजमध्ये वाल्मिक कराड, सुदर्शन घुले आणि प्रतीक घुले हे केज शहरातील आरोपी विष्णू चाटेच्या कार्यालयात एकत्र येताना दिसत आहेत. खंडणी प्रकरणी हा मोठा पुरावा असून आता काय कारवाई केली जाते, हे पाहावे लागणार आहे.

वाल्मीक कराड आणि विष्णू चाटे या दोघांनी 29 नोव्हेंबरला आवादा कंपनीला खंडणी मागितली होती. ही खंडणी ज्या दिवशी मागण्यात आली होती, त्या दिवशीचे सीसीटीव्ही फुटेज समोर आले आहेत. 29 नोव्हेंबरला वाल्मीक कराड हा विष्णू चाटे याच्या कार्यालयात आलेला दिसत आहे. यावेळी कराडसोबत सुदर्शन घुले, प्रतीक घुले हे छत्रपती शिवाजी महाराज चौकातील विष्णू चाटे याच्या कार्यालयात आले होते. अवादा कंपनीच्या खंडणी प्रकरणातील हा सर्वात मोठा पुरावा असल्याचे आता मानले जात आहे.
दरम्यान, संतोष देशमुख हत्या प्रकरणात संशयास्पद भूमिकेत राहिलेले आणि निलंबित झालेले पीएसआय राजेश पाटील हे देखील वाल्मीक कराडसोबत विष्णू चाटे याच्या कार्यालयात येताना दिसत आहेत. त्यामुळे आता आवादा कंपनीकडून ज्या दिवशी खंडणी मागण्यात आली होती, त्यादिवशी पीएसआय राजेश पाटील हे वाल्मीक कराडला का भेटले असावेत, असा प्रश्न आता उपस्थित केला जात आहे. कारण याआधी आवादा कंपनीमधील वॉचमेनला मारहाण झाली होती, त्याच्या एक दिवसानंतर राजेश पाटील एका हॉटेलमध्ये वाल्मीक कराडसोबत दिसले होते. यानंतर आता पुन्हा एकदा राजेश पाटील हे वाल्मीक कराडसोबत दिसून आल्यामुळे त्यांच्या अडचणीत वाढ झाली आहे. त्यामुळे आता निलंबित पीएसआय राजेश पाटील याची देखील सीआयडी आणि एसआयटीकडून चौकशी होण्याची शक्यता आहे.

बीड — आठवले गॅंग सोबत सावलीसारखा राहणारा मनीष क्षिरसागर यांच्या घरामध्ये तीन महिन्यापूर्वी बनावट चलनी नोटांचा कारखाना मिळून आला होता. यामध्ये बीड शहर पोलिसांनी उत्कृष्ट कामगिरी बजावत यातील प्रिंटर, बनावट चलनी नोटा, आणि सहभागी प्रमुख आरोपी तात्काळ अटक केले होते. परंतु यातील प्रमुख आरोपी मनिष क्षीरसागर हा पोलिसांना तेव्हापासून गुंगारा देत होता. परंतु बार्शी नाक्यावरील डोंगरे कुटुंबावरील खुनी हल्ल्यामध्ये पुन्हा मनीष क्षीरसागर याचा सहभाग निश्चित झाला आणि स्थानिक गुन्हे शाखेने त्याला पुणे येथून उचलले.परंतु पुणे येथे अशा प्रकारच्या बनावट चलनी नोटांमध्ये सहभागी असलेल्या मनीष क्षीरसागर याच्यासोबत अक्षय आठवले आणि ओंकार सवाई हे सुद्धा सोबत मिळून आले होते. तेव्हाच बीड शहर पोलिसांनी बनावट चलनी नोटांच्या गुन्हे तपासा संदर्भात सावध होऊन त्या दिशेने तपास करण्यात सुरुवात केली होती.
यावरून आयत्या तावडीत सापडलेल्या मणिष क्षीरसागर याचा कोर्टामार्फत बीड शहर पोलिसांनी जेलमधून त्यांचा ताबा घेतला. पोलिसांच्या तावडीत सापडल्यावर मनीष क्षीरसागर याने पोलिसांना सर्व माहिती दिली. अक्षय आठवले यांनी बनावट चलनी नोटा चलनात आणण्यासाठी पुणे येथे असलेल्या प्रविण गायकवाड यास पिस्टल पुरवले होते. तसेच पळून जाताना मनीष क्षीरसागर याला सोबत घेऊन जाऊन औरंगाबाद येथे लपवले होते. तसेच सनी आठवले यांनी सुद्धा यातील आरोपींना शरण देऊन अक्षय आठवले मार्फत संरक्षण पुरवले होते. या काका पोलिसांना गुन्ह्यात वापरलेला मनीष क्षीरसागर याचा मोबाईल मिळाला आहे. या माध्यमातून आणखी पुरावे या गॅंगच्या विरुद्ध पोलिसांना मिळणार आहे.
या संपूर्ण प्रकरणांमध्ये पोलीस अधीक्षक  नवनीत कांवत, अप्पर पोलीस अधीक्षक  सचिन पांडकर, उपविभागीय पोलीस अधिकारी विश्वंबर गोलड्ये यांच्या मार्गदर्शनाखाली पोलीस निरीक्षक शितलकुमार बल्लाळ , सहायक पोलिस निरीक्षक बाबा राठोड, पोलीस अंमलदार बाळासाहेब शिरसाट, जयसिंग वायकर, मनोज परजणे, सुषेंन पवार, सचिन अलगट, यांनी महत्त्वाची भूमिका पार पाडली आहे.