बीड — सरपंच संतोष देशमुख हत्या प्रकरणावरून आज निघालेल्या आक्रोश मोर्चात जितेंद्र आव्हाड देखील सहभागी झाले होते. दरम्यान धनंजय मुंडे यांच्या नावाचा उल्लेख असलेला एक व्हाट्सअप चा स्क्रीन शॉट समाज माध्यमांवर फिरत आहे. यावर अजित वर गटातील नेत्यांनी जितेंद्र आव्हाड यांच्यावर जोरदार टिका केली आहे.

https://x.com/Awhadspeaks/status/1872966371652583486

जितेंद्र आव्हाड यांचा फोटो असलेला एक व्हाट्सअपचा स्क्रीन शॉट फिरत आहे. यामध्ये त्यांनी बीड जिल्ह्यात जाण्यापूर्वी एका अनोळखी व्यक्तीशी संवाद साधला आहे. त्या व्यक्ती त्या या स्क्रीन शॉटमध्ये धक्कादायक शब्दांचा उल्लेख करत धनंजय मुंडे तसेच इतर नेत्यांवर नेत्यांचा उल्लेख केला आहे. यावरूनच आता अजित पवार गटातील अमोल मिटकरी, सुरज चव्हाण तसेच इतर नेत्यांनी जितेंद्र आव्हाड यांच्यावर जोरदार टीका करत हे स्क्रीन शॉट अपलोड केला आहे.

दरम्यान, जितेंद्र आव्हाड यांनी या स्क्रीनशॉट फेक असल्याचा म्हटले आहे. तसेच माझ्या आजच्या बीड मधील भाषणांनी धनंजय मुंडेंचे कार्यकर्ते फार बिथरले आहेत. त्यांना सत्य पचना म्हणून माझ्या नावाचे फेक स्क्रीन शॉट बनवले आहेत. तरी माझी सायबर पोलिसांकडे तक्रार आहे की हा स्क्रीन शॉट कोणी बनवलाय त्याची पाळले मुळे शोधून काढा अशी विनंती जितेंद्र आव्हाड यांनी केले.

बीडचे रहिवाशी शिवराज बांगर यांच्यासोबतचे न केलेले चॅट माॅर्फ करून वायरल करण्यात आले. त्यात महत्वाची भूमिका राष्ट्रवादी काँग्रेस-अजित पवार गटाच्या ॲड. रूपाली ठोंबरे यांची आहे. हास्यास्पद आहे की, एक ज्येष्ठ वकील असूनदेखील सत्य – असत्य न तपासता त्यांनी हा माॅर्फ केलेला चॅट वायरल केला. ३ वाजून ०७ मिनिटांनी भाषण संपले आणि ३ वाजून २६ मिनिटांनी हा चॅट या भूमीवर अवतरला. मला समजतच नाही की, जर गुन्हा केलाच नाही तर एवढे अस्वस्थ का होतात? कर नाही तर डर कशाला? असो, बीड शहरातील शिवाजी नगर पोलीस स्टेशनमध्ये वरिष्ठ पोलीस निरीक्षक श्री. खेडकर यांना भेटून मी, संदीप क्षीरसागर, राजेश देशमुख, सातपुते आणि शिवराज बांगर यांनी गुन्हा नोंदविलेला आहे. ज्या शिवराज बांगरचा चॅट दाखविला गेलेला आहे. तो फेक असून पोलिसांनी या विरोधात कारवाई करावी अशी मागणी करण्यात आली आहे.

बीड — बुधवार दिनांक २५ डिसेंबर २०२४ रोजी सायंकाळी साडेपाच वाजण्याच्या सुमारास अंबिका चौकामध्ये सा.शिवसुर्य तथा मराठी महाराष्ट्राचे संपादक संग्राम धन्वे यांना दोन अनोळखी तरुणांनी शिवीगाळ करत मारहाण केली. संपादक संग्राम धन्वे यांच्या फिर्यादीवरून बीड शहरातील शिवाजी नगर पोलिस ठाण्यात दोघांविरोधात पत्रकार संरक्षण कायद्यानुसार गुन्हा दाखल करण्यात आला आहे.

याबाबत अधिक माहिती अशी आहे की दि.२५ डिसेंबर २०२४ रोजी बीड शहरातील अंबिका चौक येथे वाहतूक शाखेच्या वतीने ध्वनिप्रदूषण कमी करण्याच्या कारणाने दुचाकी रॉयल इनफील्ड. एम.एच. १४ बी. डब्ल्यु ६३०३ या (बुलेट) च्या कर्कश आवाजाने सायलेंसर काढून घेण्याची कारवाई सुरू असताना पत्रकार संग्राम धन्वे हे अंबिका चौकतून जात होते पोलिसांची कारवाई सुरू असल्याचे निदर्शनास आले.
ती कारवाई सुरू असल्याचे पाहून संग्राम धन्वे यांनी सदरील कारवाईचे बातमीकामी व्हिडिओ चित्रीकरण केले. त्यानंतर सदरील दुचाकीवरील दोन तरुण धाऊन आंगावर आले आमच्या गाडीची व्हिडीओ का काढतो म्हणत धक्काबुक्की करत मारहाण केली. त्यावेळी वाहतूक शाखेचे पोलिस उपनिरिक्षक सानप व वाहतूक शाखेचे कर्मचारी वाघमारे हे उपस्थित होते. त्या अधिकाऱ्यांनी संग्राम धन्वे यांना सुरक्षा दिली असे संग्राम यांनी सांगीतले.मात्र गर्दीचा फायदा घेत त्यांनी पत्रकार धन्वे यांना मारहाण केली. तर दूचाकी स्वार जाता जाता असेही म्हणाले की पोलीस असल्यामुळे तू वाचला तू बाहेर ये तुला जिवंत सोडणार नाही अशी धमकी देत सदरील तरुण दुचाकीवर बसून निघून गेले.
त्यामुळें संग्राम धन्वे यांच्या फिर्यादीवरून महाराष्ट्र राज्यातील प्रसार माध्यमातील व्यक्ती आपली कर्तव्ये पार पाडत असताना त्यांच्यावर होणाऱ्या हिंसक कृत्यांना प्रतिबंध करण्यासाठी आणि प्रसारमाध्यमातील व्यक्ती किंवा प्रसारमाध्यम संस्था यांच्या मालमत्तेचे नुकसान किंवा हानी होण्यास प्रतिबंध करण्यासाठी अधिनियम १७ नुसार तसेच भारतीय न्यायिक संहिता (BNS), 2023 115(2) भारतीय न्यायिक संहिता (BNS), 2023 352,भारतीय न्यायिक संहिता (BNS), 2023 351(2),भारतीय न्यायिक संहिता (BNS), 2023 351(3), भारतीय न्याय साहित्य (BNS), 2023 ३(५) या कलमानुसार दोघांवर गुन्हा दाखल करण्यात आला असून गुन्ह्याचा तपास पोलिस अधीक्षक बोल्डे यांच्याकडे आहे. दरम्यान याप्रकरणी आरोपींना अटक करावी अशी मागणी पत्रकारांकडून केली जात आहे.

बीड — नवनीत कांवत यांनी पोलीस अधीक्षक पदाचा पदभार घेतल्यानंतर पोलीस ॲक्शन मोड मध्ये आला आहे. 28 पोलीस ठाण्याच्या हद्दीमध्ये 63 अवैध धंद्यावर कारवाई करून लाखो रुपयांचा मुद्देमाल पोलिसांनी जप्त केला.

अवैध धंदे करणारा विरोधात एस पी नवनीत कावत यांनी दिलेल्या आदेशामुळे पोलिसांनी मोहीम उघडली आहे. पोलीस दलाच्या बैठकीत कामात कुचराई करणाऱ्या ची गय केली जाणार नसल्याचा इशारा कावत यांनी दिला होता. सोमवारी पोलिसांनी केलेल्या 27 कारवाईत 34 जणांवर जुगार खेळणे व खेळविणारा वर गुन्हे दाखल करून 87 हजार 440 रुपयाचा मुद्देमाल जप्त केला. अवैध दारू विक्री अड्ड्यावर 36 ठिकाणी छापे मारून 36 जनावर गुन्हे दाखल करत दोन लाख 50 हजार 55 रुपयांचा मुद्देमाल जप्त केला. जिल्ह्यात 63 कारवाई करत पोलिसांनी आपली जरब निर्माण करण्यास सुरुवात केली आहे.

बेळगाव — ऊस तोडणीसाठी गेलेल्या अस्वलआंबा येथील एका कामगाराचा मुकादमानेच दगडाने ठेचून खून केल्याची खळबळ जनक  घटना 22 डिसेंबर रोजी रात्री बेळगाव जिल्ह्यातील घटप्रभा येथील एका दवाखान्या समोर घडली आहे.

याप्रकरणी ऊसतोड कामगाराच्या टोळीचा मुकादम श्रीकृष्ण ढाकणे रा. अस्वलआंबा ता. परळी याच्या विरोधात कर्नाटकातील घटप्रभा पोलिस स्टेशनमध्ये 23 डिसेंबर रोजी गुन्हा दाखल करण्यात आला आहे. आरोपी मुकादमास पोलीसांनी अटक केली आहे.
याबाबत मिळालेल्या माहितीनुसार, विकास बालासाहेब जोगदंड वय 28 वर्ष, रा. अस्वल अंबा, ता. परळी, जि. बीड हा दोन महिन्यांपूर्वी कर्नाटकातील बेळगाव जिल्ह्यात उसतोडीसाठी मुकादम श्रीकृष्ण विठ्ठल ढाकणे वय 47 वर्ष, रा. अस्वलंबा, ता. परळी, जि. बीड याच्या टोळीत गेला होता. 22 डिसेंबर रोजी मुकादम ढाकणे हा आजारी असल्याने त्यास विकासने उपचारासाठी बेळगावजवळ घटप्रभा येथे घटप्रभा- हुक्केरी दरम्यान असणाऱ्या एका दवाखान्यात आणले. रात्री ढाकणे यास रुग्णालयात दाखल करून विकास रुग्णालयाच्या बाहेर असलेल्या निवारा गृहात झोपला. काही वेळाने ढाकणे अचानक रुग्णालयाच्या बाहेर आला. काही कळायच्या आत त्याने झोपलेल्या विकासच्या डोक्यात भलामोठा दगड घातला. हे पाहून रुग्णालयाच्या सुरक्षा रक्षकाने ताबडतोब ढाकणे याला पकडले. तोपर्यंत विकासचा मृत्यू झाला होता. ढाकणेला सुरक्षा रक्षकाने घटप्रभा पोलिसांच्या ताब्यात दिले. याप्रकरणी पोलिस निरीक्षक एच. डी. मुल्ला यांच्या मार्गदर्शनाखाली उपनिरीक्षक एस. आर. कणवी अधिक तपास करीत आहेत. खूनाचे कारण अद्याप अस्पष्ट आहे. अस्वलआंबा या गावी 24 डिसेंबर रोजी सकाळी आठ वाजता मृत विकासच्या पार्थिव देहावर अंत्यसंस्कार करण्यात आले.

रायपूर — महाराष्ट्रात जशी लाडकी बहीण योजना आहेत, तशीच योजना छत्तीसगडमध्येही आहे. या योजनेमार्फत सरकार दर महिन्याला सनी लिओनीच्या नावाने पैसे देत असल्याचा प्रकार समोर आला. महतारी वंदन योजनेसाठी सनी लिओनीच्या नावाने अर्ज भरण्यात आला होता आणि त्या खात्यावर पैसेही सरकारकडून जमा केले गेले. पडताळणीत हा प्रकार समोर आल्यानंतर पोलिसांनी कारवाई करत आरोपीला अटक केली.

अभिनेत्री सनी लिओनीच्या नावाने अर्ज भरून पैसे लाटणाऱ्याला पोलिसांनी अटक केली. महतारी वंदन योजनेतंर्गत अर्ज दाखल करून आरोपी प्रत्येक महिन्याला हजार रुपये घेत होता. ही बाब जेव्हा प्रशासनाच्या निदर्शनास आले, तेव्हा याची चौकशी करण्यात आली.बस्तरच्या जिल्हाधिकाऱ्यांनी तहसीलदार आणि महिला आणि बाल विकास विभागाच्या अधिकाऱ्यांच्या टीमला तालुर गावात पाठवले. अधिकाऱ्यांच्या चौकशी हा सगळा प्रकार उघडकीस आला.अंगणवाडी कार्यकर्ता वेदमती जोशी यांच्याकडून अकाऊंट नोंदणी करण्यात आली होती. पण या नोंदणीकृत खात्यातून महतारी वंदन योजनेत गावात राहणाऱ्या विरेंद्र जोशीनं स्वत:च्या आधार कार्डची आणि बँक खात्याची माहिती दिली होती. अभिनेत्री सनी लिओनीच्या नावानं तो राज्य सरकारच्या महतारी योजनेचा लाभ घेत होता. या माध्यमातून गरजू महिलांना दर महिना १ हजार रुपयांची आर्थिक मदत दिली जाते.बस्तरच्या जिल्हाधिकाऱ्यांनी घडलेल्या प्रकरणाची सविस्तर माहिती दिली. ‘अंगणवाडी कार्यकर्त्या वेदमती जोशी यांच्या आयडीवरुन त्यांच्याच गावातील विरेंद्र जोशी नावाच्या व्यक्तीनं सनी लिओनीच्या नावानं खातं उघडलं. त्या खात्यावर जमा होत असलेली रक्कम विरेंद्र जोशी स्वत:च्या खात्यात वळवायचा. सरकारची फसवणूक करत तो महतारी वंदन योजनेचा लाभ घेत होता. त्याला अटक करण्यात आलेली आहे. या प्रकरणात अन्य काही जणांची नावंही समोर आलेली आहेत,’ अशी माहिती जिल्हाधिकाऱ्यांनी दिली.महतारी वंदन छत्तीसगड सरकारची महत्त्वाकांक्षा योजना आहे. आता याच योजनेत घोटाळा झाल्याचा प्रकार उघडकीस आला आहे. या योजनेच्या माध्यमातून सरकार विवाहित किंवा विधवा महिलांना महिन्याला १०० रुपये देतं. ही रक्कम त्यांच्या बँक खात्यांमध्ये जमा होते. त्यासाठी आधार कार्ड आणि बँक पासबुकची माहिती घेतली जाते. या दोन्हींची पडताळणी होते. त्यानंतर अंगणवाडी सुपरव्हायझरकडून त्याला मंजुरी दिली जाते.सरकारच्या महत्त्वाकांक्षी योजनेसाठी एक व्यक्ती सनी लिओनी नावानं नोंदणी करते. सरकार दरबारी दिलेल्या माहितीत आपल्या पतीचं नाव जॉनी सिन्स लिहिते आणि तरीही पडताळणीत तिचा अर्ज बाद होत नाही. उलट तिला महिन्याकाठी १ हजार रुपये मिळतात, हा धक्कादायक प्रकार सध्या राज्यात चर्चेचा विषय ठरत आहे.