आष्टी — तालुक्यातील धामणगाव शिवारातील शेतामध्ये सुरू असलेल्या जुगार अड्ड्यावर पोलिसांनी police raid छापा मारून बारा जुगारी ताब्यात घेतले तर तब्बल नऊ लाख रुपयांचा मुद्देमाल अंभोरा पोलीसांनी जप्त केला आहे.
याबाबत अधिक माहिती अशी की अंभोरा पोलीस ठाण्याच्या हद्दीमध्ये असलेल्या धामणगाव येथील शेतामध्ये जुगार अड्डा सुरू असल्याची माहिती पोलिसांना सोमवारी मिळाली. माहिती मिळताच पोलिसांनी जुगार अड्ड्यावर छापा police raid मारला. यावेळी पोलिसांनी 12 जणांना ताब्यात घेतले. यावेळी जुगाऱ्या कडून रोख रक्कम, दुचाकी,मोबाईल व जुगारीचे साहित्य असा एकूण 8 लाख 80 हजारांचा मुद्देमाल जप्त केला. आरोपींविरुद्ध महाराष्ट्र जुगार प्रतिबंधक कायद्यान्वये gambling prevention act अंभोरा पोलीस ठाण्यात गुन्हा दाखल करण्यात आला आहे.ही कारवाई पोलिस अधीक्षक नवनीत कांवत, अप्पर पोलिस अधीक्षक सचिन पांडकर, उपविभागीय पोलिस अधिकारी बाळकृष्ण हनपुडे, यांच्या मार्गदर्शनाखाली अंभोरा पोलिसांनी केली. या प्रकरणाचा पुढील तपास एपीआय सोपान येवले करीत आहे.

गेवराई — ओबीसी OBC नेते लक्ष्मण हाके व आ. विजयसिंह पंडीत समर्थकांमध्ये झालेल्या गोंधळामुळे कायदा सुव्यवस्थेचा law and order प्रश्न निर्माण झाला. हाके यांनी शहरात येऊ नये यासाठी पोलिसांनी नोटीस बजावून देखील जाणीवपूर्वक राडा घालण्याचा प्रयत्न केला गेला. दरम्यान या प्रकरणी लक्ष्मण हाके सह 14 जनाविरोधात पोलिसांनी गुन्हा दाखल केला आहे.
आ.विजयसिंह पंडित व आ.प्रकाश सोळंके यांच्याविरोधात मराठा आरक्षणाच्या (Maratha reservation) प्रश्नावरून केलेल्या कथित वादग्रस्त वक्तव्यामुळे शहरात तणाव निर्माण झाला. या वक्तव्यानंतर संतप्त कार्यकर्त्यांनी प्रा. हाके यांच्या प्रतिकात्मक पुतळ्याला जाळून संताप व्यक्त केला.या संदर्भात मी गेवराईला gevrai येणारच अस आव्हान लक्ष्मण हाके यांनी दिलं. पोलिसांनी तात्काळ गेवराई शहरात हाके यांनी येऊ नये यासाठी प्रतिबंधक नोटीस Prohibited notice बजावली. मात्र लक्ष्मण हाके यांनी पोलिसांच्या police आदेशाला न जुमानता आपल्या कार्यकर्त्यासह शहरात आले छत्रपती शिवाजी महाराज चौकात थांबून माध्यमांचे संवाद साधला. यावेळी त्याच्या विरोधात घोषणा करण्यात आल्या. चप्पल फेक दगडफेक यासारखे अनुचित प्रकार घडले गेले. हा प्रकार घडत असताना पोलिसांनी हाके यांना पुढील प्रवासासाठी निघून जाण्याची सूचना केली मात्र त्याकडेही त्यांनी दुर्लक्ष केले. दरम्यान या घटनेनंतर पोलिसांनी स्वतः फिर्यादी होऊन 14 जणांविरुद्ध भारतीय न्याय दंड संहिता बीएनएस 2023 कलम 189(2), 190, 191(2), 191(3), 285, 223 आणि 352 अंतर्गत गुन्हा दाखल केला. यामध्ये लक्ष्मण हाके सुनील ढाकणे, बजरंग सानप बळीराम खटके पवन कारवार सिद्धू पघळ, मुक्ताराम आव्हाड शिवाजी गवारे दत्ता दाभाडे अशोक बोरकर वसीम फारुकी शाहरुख पठाण संतोष सुतार आणि मोईन ख्वाजा शेख यांचा समावेश आहे. जिल्ह्यातील कायदा सुव्यवस्थेत बाधा आणणाऱ्या लोकांची गळ केली जाणार नाही. कायदा हातात घेणारा वर कठोर कारवाई करण्यात येईल असा इशारा पोलीस अधीक्षक नवनीत कावत SP Navneet Kanvat यांनी दिला आहे.

गेवराई — किराण्याची उधारी मागितल्याच्या कारणावरून दुकानदाराला धारदार शास्त्राने मारहाण केल्याची घटना बंगालीपिंपळा गावात घडली. याप्रकरणी चार जणांविरुद्ध गुन्हा दाखल करण्यात आला आहे. जखमी दुकानदार याच्यावर बीडच्या शासकीय रुग्णालयात उपचार करण्यात येत आहेत.
बंगाली पिंपळा दादासाहेब बबनराव तळतकर हे रविवारी सकाळी साडेआठ सुमारास आपल्या किराणा दुकानात असताना सिद्धार्थ बंडु माने हा तेथे आला. त्याने पाण्याची बाटली मागितली असता दुकानदार तळतकर यांनी ‘तुझ्या चुलत्याकडे माझी 900 रुपयांची उधारी आहे, ती आधी जमा कर.’ असे म्हणताच सिद्धार्थ माने संतापला.त्याने दुकानदार तळतकर यांना शिवीगाळ करून दुकानाबाहेर खेचले व चापट मारली. इतक्यात त्याचा चुलता सुधीर माने हा हातात धारदार `कत्ती घेऊन आला. दादासाहेब तळतकर यांच्या मानेवर व कानामागे कत्तीने वार करून गंभीर दुखापत केली.या वेळी तळतकर यांचा भाऊ गणेश तळतकर याने मध्यस्थी करण्याचा प्रयत्न केला असता त्याच्याही उजवा हातावर कत्तीचा वार करून जखमी केले. भगवान माने याने लाकडी काठीने तळतकरच्या पाठीवर मारहाण केली, तर मधुकर (बंडु) माने हा लोखंडी कोयता घेऊन आला आणि शिवीगाळ करू लागला.गावातील काही नागरिकांनी मध्यस्थी करून दुकानदार तळतकर व त्याचा भाऊ यांना सोडवले. जखमींना तातडीने बीड येथील जिल्हा रुग्णालयात दाखल करण्यात आले. या प्रकरणी सिद्धार्थ बंडु माने, सुधीर भगवान माने, भगवान बापुराव माने आणि मधुकर उर्फ बंडू माने सर्व रा. बंगाली पिंपळा यांच्याविरुद्ध चकलांबा पोलिस ठाण्यात गुन्हा दाखल करण्यात आला असून, पुढील तपास पोलीस करत आहेत.

परळी — तालुक्यातील नंदागौळ येथील रहिवासी असलेल्या एका 25 वर्षीय तरुणाने आत्महत्या केल्याची घटना समोर आली आहे. केज येथील एका शैक्षणिक संस्थेत अनुकंप तत्त्वावर हा तरुण पूर्वी कार्यरत होता. याच संस्थेतील संस्थाचालकांनी त्रास दिल्याच्या कारणावरून संबंधित तरुणानं हे टोकाचं पाऊल उचललं अशी चर्चा नागरिकांमधून होत आहे.

मिळालेल्या माहितीनुसार, परळी तालुक्यातील नंदागौळ येथील रहिवासी श्रीनाथ गोविंद कराड 25 वर्ष याने त्याच्या राहत्या घरी गळफास घेऊन आत्महत्या केली. तो परळी तालुक्यातील वसंत नगर येथील प्राथमिक आश्रमशाळेत अनुकंपा तत्त्वावर सेवक म्हणून एक महिन्यापूर्वीच सेवेत रुजू झाला होता. यापूर्वी तो केज येथील एका निवासी शाळेत चतुर्थश्रेणी कर्मचारी म्हणून काम करत होता. त्या ठिकाणी 12 वर्ष झाले. तरी त्याला संस्थाचालकांनी कायमस्वरूपी करून घेतलं नव्हतं. यामुळे तो आर्थिक आणि मानसिक संकटात असल्याचं देखील बोललं जात आहे. केज येथील याच संस्थेत त्याच्या वडिलांनीही शिक्षक म्हणून अनेक वर्ष सेवा दिल्याचं सांगण्यात येत आहे. दरम्यान, एक

महिन्यापूर्वी तो परळी तालुक्यातील वसंत नगर येथील प्राथमिक आश्रम शाळेत सेवक म्हणून लागला होता. दरम्यान, श्रीनाथ याने नंदागौळ येथे आपल्या राहत्या घरी आत्महत्या केली. या घटनेमुळे

परिसरात हळहळ व्यक्त केली जात आहे. याप्रकरणी परळी ग्रामीण पोलीस ठाण्यामध्ये संस्थाचालक संजय राठोड व उद्धव कराड यांच्या विरोधात गुन्हा दाखल करण्यात आला आहे.
या घटनेचा पुढील तपास परळी ग्रामीण पोलीस करीत असल्याचं सांगण्यात आलं आहे.