बीड — जिल्ह्यात लाचखोरीच्या घटनांमध्ये वाढ झाली त्याच प्रमाणात लाच लुचपत प्रतिबंधक विभागाच्या कारवाया देखील वाढलेल्या आहेत. लाचखोरीचं शेण खान्याचा आणखी एक धक्कादायक प्रकरण समोर आले आहे. तलवाडा येथील ग्रामसेवक सोपान मुसळे याला 5 हजार रुपयांची लाच स्वीकारताना लाच लुचपत प्रतिबंधक विभागाने (Anti Corruption Bureau) च्या पथकाने रंगेहात पकडले
काय आहे संपूर्ण प्रकरण?
मिळालेल्या माहितीनुसार, तक्रारदाराकडून पीटीआर (PTR) देण्यासाठी आरोपी ग्रामसेवकाने सुरुवातीला 10 हजार रुपयांची लाच मागितली होती. तडजोडीच्या चर्चेनंतर हा व्यवहार 5 हजार रुपयांवर ठरला. यानंतर तक्रारदाराने जालना ( Jalna )येथील एसीबी कार्यालयात तक्रार दाखल केली.
तक्रारीची पडताळणी केल्यानंतर सोमवारी गेवराई ( Gevrai )येथे सापळा रचण्यात आला. यावेळी आरोपी मुसळे याने तक्रारदाराकडून 5 हजार रुपयांची लाच स्वीकारताच एसीबीच्या पथकाने त्याला रंगेहात पकडले.
कारवाई कोणाच्या मार्गदर्शनाखाली?
ही संपूर्ण कारवाई एसीबीचे उपअधीक्षक बाळासाहेब जाधवर यांच्या मार्गदर्शनाखाली पार पडली. सध्या आरोपीविरुद्ध गेवराई पोलीस ठाण्यात ( Gevrai Police Station )येथे गुन्हा दाखल करण्याची प्रक्रिया सुरू असून पुढील तपास सुरू आहे.
