आबाऽऽबाऽऽ! एम पी डी ए तुन बाहेर येताच गुटख्याची पाळे”मुळे”बीड जिल्ह्यात रुजली? वाशीत कारवाई बीडमध्ये दिलजमाई
बीड — गुटखा माफिया आबा मुळे एमपीडीए सारख्या कारवाईतून बाहेर पडताच आपलं बस्तान बसविण्यासाठी धाराशिवमधून आपली मूळं बीड जिल्ह्यात पसरली असल्याचे सांगितले जाते. स्थानिक गुन्हे शाखेसह नेकनूर बीड ग्रामीण, पेठ बीड यांना मोठी बिदागी देऊन पिक अप च्या माध्यमातून मोठ्या प्रमाणावर गुटखा जिल्ह्यात सप्लाय केला जात आहे.
पोलीस अधीक्षक नवनीत कांवत यांच्यामुळे गुटखा माफीयांना हातपाय पसरायला बीड जिल्ह्यात जड जात आहे. पण “घर का भेदी लंका ढाय” अन् एस पी चा आदेश करणार काय? अशी स्थिती निर्माण झाली आहे. गुटख्यातील माफियागिरीला आळा घालण्यासाठी आबा मुळे वर एम पी डी ए अंतर्गत कारवाई देखील केली.पण यातून बाहेर पडताच आबा मुळेने गुटखा तस्करीचे केंद्र म्हणून धाराशिव जिल्ह्याचा वापर करायला सुरुवात केल्याच्या चर्चा आहेत.दरम्यान इथूनच मग आपली पाळे मूळे बीड जिल्ह्यात देखील पसरली आहेत. वाशी तालुक्यातून मोठ्या प्रमाणावर गुटखा तस्करी करणं सोपं जात असल्यामुळे तिथून सगळी सूत्र हलवली जात आहेत. गुटखा तस्करीला कुठेही अडथळा येऊ नये यासाठी स्थानिक गुन्हे शाखेसह पेठ बीड, बीड ग्रामीण, नेकनूर,केज पोलीस ठाणे यांच्या प्रमुखांना बांधील बिदागी मोठ्या प्रमाणावर वाटप देखील केली जाते. परिणामी गुटखा तस्करीसाठी धाराशिव व बीड जिल्ह्याला जोडणाऱ्या प्रत्येक रस्त्यावर सुरक्षित वातावरण निर्मिती केली गेली आहे. बीड जिल्ह्याच प्रवेशद्वार समजल्या जाणाऱ्या मांजरा नदी किनारी महामार्ग पोलीस ढगारे आणि वाशी पोलिसांनी संयुक्त कारवाई करून 13 लाखाचा मुद्देमाल जप्त केला. या कारवाईत 6 लाख 60 हजार रुपयांचा माल तसेच पिक अप देखील हाती सापडला. हा प्रतिबंधित गुटख्याचा माल बीड जिल्ह्यात सप्लाय साठी आणण्यात येत होता. बीड जिल्ह्यात गुटखा माफियाला आपली पाळमूळ खोलवर रुजवण्यात कोण सहकार्य करत आहे? सहकार्य करणारांची चौकशी पोलीस अधीक्षक करणार का? आपल्याच घरात लपून बसलेल्या बिभीषणाला पोलीस अधीक्षक आळा घालणार का? असे अनेक प्रश्न विचारले जाऊ लागले आहेत.
