बीड — अंबाजोगाई तालुक्यातील घाटनांदुर येथे अण्णाभाऊ साठे चौकाजवळील घरावर स्थानिक गुन्हे शाखेने मारलेल्या छाप्यात बारा किलो गांजा जप्त करण्यात आला.
पोलिस अधीक्षक यांना मिळालेल्या गुप्त माहिती वरून घाटनांदूर (ता.अंबाजोगाई) येथे मोठ्या प्रमाणात गांजाची साठवणूक करून चोरून विक्री करत असल्याची माहिती मिळाल्याने पोलिस अधीक्षकांच्या आदेशावरून स्थानिक गुन्हे शाखेचे पोलिस निरीक्षक शिवाजी बंटेवाड सहायक पोलीस निरीक्षक रंगनाथ जगताप यांच्या पथकाने व अंबाजोगाई ग्रामीण पोलीस ठाणे पोलिस निरिक्षक मुरलीधर खोकले यांनी संयुक्तपणे मंगळवारी (दि.7 ) रात्री निहाल रामभाऊ गंगणे याच्या घरावर छापा मारून 2 लाख 43 हजार 720 रुपये किंमतीचा 12 किलो गांजा जप्त केला असून अंबाजोगाई ग्रामीण पोलीस ठाण्यात स्थानिक गुन्हे शाखेचे रामचंद्र परशुराम केकान यांच्या फिर्यादीवरून गुन्हा दाखल करण्यात आला आहे.
एलसीबी पथकाने घाटनांदुर मध्ये मारलेल्या छाप्यात 12 किलो गांजा जप्त
