ढोकी — प्राण्यानंतर आता माणसाला बर्ड फ्लूची लागण झाल्याची भिती व्यक्त करण्यात आली आहे. धाराशिव जिल्ह्यात बर्ड फ्लूचा संशयित रुग्ण सापडला आहे.ढोकी गावात माणसाला बर्ड फ्लू झाल्याची भिती व्यक्त करण्यात आली आहे.
लागण झालेला संशयित व्यक्ती हा मास विक्रेता असल्याची माहिती समोर आली आहे. मागील काही दिवसांपासून हा व्यक्ती तापाने फणफणला होता. ताप कमी होत नसल्याने आरोग्य विभागाने त्याचा स्वॅब घेतला. स्वॅब तपासणीसाठी पुण्याच्या नॅशनल इन्स्टिट्यूट व्हायरॉलॉजी प्रयोगशाळेकडे पाठविण्यात आला आहे.
या व्यक्तीला बर्ड फ्लूची लागण झाल्याचा संशय व्यक्त करण्यात येत आहे. या व्यक्तीवर उपचार सुरू आहे. सध्या पशुसंवर्धन विभागाकडून बर्ड फ्लू मुळे ढोकी गावत कोंबड्यांचे सर्वेक्षण सुरू आहे. सर्वेक्षण सुरू असतानाच ढोकी गावातील एक मांस विक्रेत्याला बर्ड फ्लूची लागण झाल्याचा संशय व्यक्त करण्यात आला आहे.
ढोकी गावातील पोलिस ठाणे परिसरात 21 फेब्रुवारीला पहिल्यांदा काही कावळे मृतावस्थेत पडलेले आढळून आले त्याना बर्ड फ्लूची लागण झाल्याचे उघडकीस आले. 24 फेब्रुवारीला प्रयोगशाळेकडून मिळालेल्या अहवालातून कावळ्यांना बर्ड फ्ल्यूची लागण झाल्याचे स्पष्ट झाले. ढोकी गावच्या 10 किमी परिघातील परिसर अलर्ट झोन घोषित करण्यात आला आहे. या परिसरात 52 कावळे आत्तापर्यंत मृत्युमुखी पडले आहेत.
पोलीस स्टेशन परिसरात कावळे मृत्युमुखी पडत असल्याने पोलीस स्टेशनचा परिसर बंद करण्यात आला आहे. पोलीस स्टेशनच्या बाहेर पशुसंवर्धन विभागाने परिसर निर्जंतूकीकरण केला असून परिसरात वावरण्यास मनाई करण्यात आली आहे. तर, ढोकी शहर परिसरातील चिकन व मटन विक्रीचे दुकाने बंद आहे करण्यात आली आहेत
