वाल्मीक कराडला जेलमध्ये व्हीआयपी ट्रीटमेंट; गंभीर आरोपाने खळबळ

बीड — संतोष देशमुख हत्या प्रकरणातील आरोपी वाल्मिक कराडला तुरूंगात व्हीआयपी ट्रेंटमेंट दिली जाते, असा आरोप धनंजय मुंडे यांनी केला आहे. तसेच १४ जानेवारीला वाल्मिक कराड कारागृहाच्या मेनगेटमध्ये आला असताना वैजनाथ मुंडे, रमेश खाडे, यांनी ज्यांची ड्युटी नाही अशा कर्मचाऱ्यांना कारागृहात आरोपीसोबत घेतले.

असा आरोप देखील त्यांनी केला आहे. त्यावरून आता बीडचे प्रकरण आणखी तापायला सुरूवात झाली आहे.

ज्ञानेश्वर डोईफोडे, कृष्णा ढाकणे, विश्वनात गीते, सुधारकर मुंडे, गोविंद खाडे, राहुल राठोड यांनी आरोपीची बॅग आणि इतर साहित्य कारागृहात नेले. १५ जानेवारीला सकाळी ८ ते ९ दरम्यान कारागृहातल्या किचनमधून आरोपी कराडला स्पेशल चहा देण्यात आला असा आरोप देखील त्यांनी केला आहे. १५ जानेवारीलाच सकाळी १० वाजता पोलीस वाल्मिक कराडला घेऊन जात असताना कारागृहातील कर्मचारी ज्ञानेशेवर डोईफोडे, कृष्णा ढाकणे, विश्ननाथ गीते, सुधाकर मुंडे, गोविंद खाडे आणि राहुल राठोड यांनी कर्तव्यावर असतानाही आरोपीला साहित्य दिले.

तर २२ जानेवारीला वाल्मिक कराड कारागृहाच्या मेनगेटमध्ये आल्यानंतर कर्मचारी अशोक सानप यांनी अंगझडती घेतली नाही. अशोक सानप हेच वाल्मिकचे साहित्य कारागृहात घेऊन गेले. २२ जानेवारीला रात्री ११ वाजता ४० मिनिटांनी वाल्मिकला दवाखान्यात पाठवताना कृष्णा ढाकणे, राहुल राठोड, यांनी वाल्मिकचं साहित्य त्याच्या नातेवाईकांकडे दिले असल्याचाही आरोप देशमुख कुटुंबियांनी केला आहे.

१५ फेब्रुवारीला कराडला सुभेदार चिंचाणे यांनी स्पेशल चहा बनवून दिला. कारागृहातील कर्मचारी ढाकणे हे कारागृहातील बंदी बालाजी धस यांच्यामार्फत कराडला चहा नाश्ता आणि सर्व निरोप देत आहेत. १५ फेब्रुवारीला कराडला वकील असल्याचा बहाणा करून त्याचे सहकारी आणि मित्र भेटले. असा आरोप देखील देशमुख कुटुंबियांनी केला आहे