मोदी राहुल गांधींचं आव्हान स्वीकारणार का? ‘देशद्रोही कोण, परकीय शक्तींशी संबंध कुणाचे?’ थेट चर्चेसाठी आव्हान!

rahul gandhi mohan bhagwat parikshak या विषयावर देशात मोठी चर्चा सुरू झाली आहे. काँग्रेस नेते राहुल गांधी यांनी पंतप्रधान नरेंद्र मोदी यांना जाहीर चर्चेचे आव्हान दिले असून या चर्चेसाठी मोहन भागवत यांना परीक्षक म्हणून नेमले तरी हरकत नाही असे त्यांनी म्हटले आहे. यामुळे राजकीय वातावरण चांगलेच तापले आहे.

नवी दिल्ली — देशातील राजकीय वातावरण तापलेलं असतानाच आता काँग्रेस नेते आणि लोकसभेतील विरोधी पक्षनेते राहुल गांधी यांनी पंतप्रधान नरेंद्र मोदी यांना थेट जाहीर चर्चेचं आव्हान दिलं आहे. ‘देशद्रोही कोण आणि परकीय शक्तींशी संबंध कुणाचे?’ या मुद्द्यावर समोरासमोर चर्चा करण्याची तयारी राहुल गांधी यांनी दर्शवली आहे. कोणत्याही व्यासपीठावर, कोणत्याही ठिकाणी आणि माध्यमांसह देशातील तरुणांच्या उपस्थितीत ही चर्चा व्हावी, असं आव्हान त्यांनी दिलं आहे. त्यामुळे आता सर्वांचं लक्ष पंतप्रधान नरेंद्र मोदी यांच्या भूमिकेकडे लागलं असून, मोदी राहुल गांधींचं हे आव्हान स्वीकारणार का, हा राजकीय वर्तुळातील चर्चेचा विषय बनला आहे.

राहुल गांधी यांनी सोशल मीडियावरील पोस्टमधून मोदींना पुन्हा एकदा चर्चेसाठी पुढे येण्याचं आवाहन केलं. मोदीजी, तुम्हाला दिलेल्या आव्हानाला २४ तास उलटले आहेत. तुम्ही विरोधकांना देशविरोधी ठरवता, मग चला, कोणत्याही व्यासपीठावर माझ्याशी जाहीर चर्चा करा, असं त्यांनी म्हटलं आहे. या चर्चेत देशविरोधी कोण आहे आणि परकीय शक्तींशी नेमके कोणाचे संबंध आहेत, हे स्पष्ट होऊ द्या, अशी भूमिका त्यांनी मांडली.

rahul gandhi mohan bhagwat parikshak: मोहन भागवत परीक्षक असले तरी हरकत नाही!

या चर्चेसाठी दोन्ही नेते एका टेबलावर समोरासमोर बसतील. माध्यमांचे प्रतिनिधी आणि देशातील तरुण उपस्थित राहतील. चर्चेचा परीक्षक म्हणून पंतप्रधानांना हवा तो व्यक्ती नेमण्याचीही तयारी असल्याचं राहुल गांधी यांनी म्हटलं आहे. अगदी सरसंघचालक मोहन भागवत यांना परीक्षक म्हणून बसवलं तरी आपली हरकत नसल्याचं त्यांनी स्पष्ट केलं.

rahul gandhi mohan bhagwat parikshak: अमेरिका करार, अदानी, एपस्टीन प्रकरणावर सवाल

राहुल गांधी यांनी चर्चेसाठी अनेक मुद्देही पुढे केले आहेत. अमेरिकेसोबतचा करार इतक्या घाईने का करण्यात आला? हा निर्णय मंत्रिमंडळाला विश्वासात न घेता का घेतला? अदानी प्रकरणातील तपासाचं काय झालं? एपस्टीन प्रकरण आणि परकीय हितसंबंधांचा देशाच्या अर्थव्यवस्थेवर काय परिणाम होत आहे? अशा प्रश्नांवर खुली चर्चा करण्याची तयारी त्यांनी दर्शवली आहे.

rahul gandhi mohan bhagwat parikshak: मोदींवर परकीय मदतीचा गंभीर आरोप

यापूर्वी सोमवारी राहुल गांधी यांनी पंतप्रधान मोदी यांच्यावर परकीय मदतीच्या मुद्द्यावरून गंभीर आरोप केले होते. मोदी परकीय मदतीने पंतप्रधान झाले असून त्यांची अर्थव्यवस्था परकीय हितसंबंधांच्या नियंत्रणाखाली असल्याचा दावा त्यांनी केला होता. या मुद्द्यावर कोणत्याही व्यासपीठावर चर्चा करण्यास तयार असल्याचं सांगत त्यांनी मोदींना चर्चेसाठी ललकारलं होतं.

४५ मानहानीचे खटले दाखल असल्याचा उल्लेख

आपल्याविरोधात सुमारे ४५ मानहानीचे खटले दाखल असल्याचं सांगत राहुल गांधी यांनी परकीय शक्तींशी संबंध असल्याच्या आरोपांवरही चर्चा करण्याचं आव्हान दिलं. या मुद्द्यावर मानहानीचा खटला दाखल करायचा असेल तर तोही दाखल करा; मात्र चर्चेपासून दूर राहू नका, असं त्यांनी म्हटलं आहे.

एसआयआरमधील कथित अनियमितता, मुख्य निवडणूक आयुक्तांच्या राजीनाम्याची मागणी आणि विरोधकांच्या आंदोलनाच्या पार्श्वभूमीवर राहुल गांधी यांनी आता थेट मोदींनाच चर्चेच्या मैदानात येण्याचं आव्हान दिलं आहे. आरोप-प्रत्यारोपांच्या राजकारणात या आव्हानामुळे नवा मुद्दा उपस्थित झाला आहे. मात्र, पंतप्रधान नरेंद्र मोदी या आव्हानाला प्रतिसाद देणार का? समोरासमोर चर्चेसाठी तयारी दाखवणार का? की हे आव्हान राजकीय आरोप-प्रत्यारोपांपुरतंच मर्यादित राहणार? याकडे देशाचं लक्ष लागलं आहे.

राहुल गांधी यांनी मोदींवर केलेल्या या थेट आव्हानानंतर भाजपकडून अद्याप कोणतीही अधिकृत प्रतिक्रिया आलेली नाही. मात्र सोशल मीडियावर rahul gandhi mohan bhagwat parikshak हा विषय प्रचंड चर्चेत आहे. तरुणांनी देखील या चर्चेचे स्वागत केले असून सत्य समोर यावे अशी मागणी होत आहे. पंतप्रधान मोदी या आव्हानाला उत्तर देतात का आणि ही ऐतिहासिक चर्चा प्रत्यक्षात होते का याकडे संपूर्ण देशाचे लक्ष लागले आहे. येत्या काही दिवसात या राजकीय घडामोडीला मोठे वळण मिळण्याची शक्यता आहे.

अधिकृत माहितीसाठी वाचा: राहुल गांधी यांचे विकिपीडिया प्रोफाईल

हे देखील वाचा: PM किसान योजनेबाबत मोठा निर्णय