दीपाताई क्षीरसागरांची अनुपस्थिती खटकली
बीड — जनता दूध खुळी म्हणून नगरपालिका आपलीच जहागिरी असं समजून योगेश क्षीरसागर यांनी राष्ट्रवादीला हेकडी दाखवत स्व. काकूंचे विचार मातीत घालताना धर्मांध पक्षाचं बोट धरलं.शेवटी प्रचारात सोबत केलेल्या जयदत्त क्षीरसागरांनी आजच्या सभेला गैरहजर राहत मास्टर स्ट्रोक मारत डाव खेळला.जनतेला योग्य तो संदेश दिला. दीपाताई क्षीरसागरांची अनुपस्थिती अनेकांना खटकून गेली. आमच्या बातमीने सुरू झालेल्या चर्चेवर शिक्का मोर्तब झालं.जनतेत मिसळून काम केलं असतं तर मुख्यमंत्र्यांना बोलवायची वेळ आली नसती.प्रचारात फाटलेली झाकायसाठी मुख्यमंत्र्यांना बोलवावं लागलं नसतं असा सूर जनतेतून उमटू लागला आहे.
नगरपालिकेची 35 वर्ष हातात राहिलेली सत्ता त्यामुळे जहागिरी समजणं साहजिक गोष्ट पण गृहीतच धरून चालायचं अन हेका कायम ठेवायचा हे जनतेला पटणार नसतं. राज्य राजे महाराजांचा नसून लोकशाहीचा आहे इथे जनताच माय बाप आहे याचा विचार करून जनतेत फिरावं लागतं. याचा विसर पडलेले योगेश क्षीरसागर यांनी विधानसभेत साम दाम दंड भेदाचा वापर केला तरी जनतेने पदरात अपयश टाकलं. यातूनही शिकण्यासारखं खूप होतं पण पालथ्या घड्यावर पाणी पडलं. शेतकरी बीडची जनता अतिवृष्टीत संकटात सापडली होती त्यावेळी त्यांच्यात मिसळून काम करायला पाहिजे होतं जनतेला धीर द्यायला पाहिजे होता. योगेश क्षीरसागर त्यावेळेला आपल्याच तालात होते. संकट संपल्यानंतर मात्र अधिकाऱ्यांना घरी बोलावत आपण कसे आदेश देतो. हे माध्यमामधून दाखवत गेले. हे देखील जनतेला रुचलं नव्हतं.न.प. निवडणुक येताच बीडच्या राष्ट्रवादीचे उमेदवार मीच उभे करणार मीच इथला शहेनशहा असं म्हणत हेकडे दाखवली. राष्ट्रवादीच्या पक्ष श्रेष्ठींनी ही हेकडी चालू दिली नाही. शेवटी धर्मांध पक्षाचं बोट धरत घराण्याच्या विचारधारेला देखील लाथाडलं. दोन दिवस योगेश क्षीरसागर पक्षात आले म्हणून भाजप कार्यकर्ते उर फुटेपर्यंत नाचले. जसजसे अर्ज भरण्याचे दिवस जवळ येऊ लागले त्यावेळी आपला जन्म फक्त सतरंज्या उचलण्यासाठीच आहे हे वास्तव भाजप कार्यकर्ते समजून चुकले. भाजप कार्यकर्त्यांमधली नाराजी व धर्मनिरपेक्ष विचारधारेला मानणारे कार्यकर्ते या घटनेतून मानसिक दृष्ट्या दुरावले. याचा फटका निवडणुकीत बसल्याचं चित्र पाहायला मिळालं. वरवरच्या प्रचारातच “फील गुड” च वातावरण तयार झालं. काकांनी (जयदत्त क्षीरसागर) यांनी प्रचार यंत्रणेत बळ आणण्याचा प्रयत्न केला. त्यामुळे आपल्याला पॉझिटिव्ह वातावरण आहे असा भ्रम निर्माण व्हायला काहीशी मदत झाली. पण प्रचाराच्या शेवटच्या दिवशी मुख्यमंत्र्यांच्या सभेतील गैरहजेरीने पाहिजे तो संदेश जनतेला दिला. शेवटी शरद पवारांच्या तालमीत वाढलेले ते कसलेले मुरब्बी राजकारणी आहेत. याचा प्रत्यय बीडच्या जनतेला आला नव्या चर्चेला पुन्हा उधाण आलं.
सामाजिक, नाट्य, शैक्षणिक चळवळीत मोठा चेहरा राहिलेल्या व बुद्धिवादी वर्गासह तळागाळातील जनतेसोबत दांडगा जनसंपर्क असलेल्या दीपाताई क्षीरसागर यांची प्रचारातली अनुपस्थिती अनेकांच्या हृदयाचा ठाव घेऊन योगेश क्षीरसागर यांचा साळसूदपणाचा पणाचा नकली चेहरा उघड करणारी ठरली. या संदर्भात “सह्याद्री माझा” ने जनतेचे डोळे उघडावेत यासाठी बातमीतून प्रकाश टाकला होता. याचा फटका देखील मोठ्या प्रमाणावर योगेश क्षीरसागर यांना बसणार असल्याचे चित्र पूर्वीपासूनच दिसलं. परिणामी मुख्यमंत्र्यांच्या सभेत तरी त्याच्या नावाचा वापर योगेश क्षीरसागर यांना करावा लागला. पण त्यांची ही मुख्यमंत्र्यांच्या सभेतली अनुपस्थिती जनतेला खूप काही सांगून गेली. इतकं सगळं फाटलेलं असताना विगरलेल्या कापडाला ठिगळ लावण्याचा असफल प्रयत्न योगेश क्षीरसागर यांनी केला. गेलेली इज्जत वाचवण्याचा केविलवाणा प्रयत्न करताना मुख्यमंत्र्यांना सभेसाठी बोलवावं लागलं.
उद्या गल्लीतल्या नाल्या तुंबल्या, अस्वच्छता निर्माण झाली, पथदिवे बंद पडले, गल्लीत पाणी आले नाही तर जनतेने मुख्यमंत्र्यांच्या दारात जायचे काय? शेवटी त्यांना नगरसेवकालाच गाठावे लागणार आपली कैफियत मांडावी लागणार याचा सारासार विचार करणारी बीडची जनता असल्यामुळे योग्य तो निर्णय ते घेणारच आहेत. गृहीतकाच्या राजकारणाला व बीड न.प.ला जहागिरी समजणाऱ्या, धर्मनिरपेक्ष विचारधारा पायदळी तुडवणाऱ्या, धर्मांध पक्षाचा बोट धरणाऱ्या योगेश क्षीरसागरांना धडा शिकवायचाच असा उघड उघड जनता बोलून दाखवू लागली आहे.
मग राष्ट्रवादीला हेकडी दाखवण्या इतका, काकूंच्या विचाराला मूठ माती देण्या इतका योगेश क्षीरसागर मोठा ब्रँड आहे का? याचा विचार जनतेसह योगेश क्षीरसागरांनी करण्याची आवश्यकता निर्माण झाली आहे.
1 NO लिखाण वास्तव मांडले आहे. सह्याद्री माझा ने