बीड — केज तालुक्यातील लाडेवडगाव येथील वृद्ध महिला पत्र्याच्या शेडमध्ये झोपलेली असताना तिच्या अंगावरील दागिने चोरून नेल्याची घटना 18 जून 2025 रोजी घडली होती. दरम्यान स्थानिक गुन्हे शाखेच्या पोलिसांनी या प्रकरणातील आरोपीला जेरबंद करण्यात यश मिळवले आहे.
मालनबाई तुकाराम लाड, वय 80. रा लाडेवडगांव ता. केज या पत्राचे शेडमध्ये रात्री एकट्याच झोपलेल्या असताना अनोळखी चार चोरट्यांनी त्याच्या पत्र्याच्या शेडमध्ये प्रवेश केला. त्याच्या अंगावरील सोन्याचे दागीने कानातील फुले चोरुन घेवुन गेले होते. याप्रकरणी युसुफ वडगांव पोलीस ठाण्यात कलम 309 (6) भा.न्या. संहीताप्रमाणे दिनांक 18 जून 2025 रोजी गुन्हा दाखल करण्यात आला होता.याप्रकरणी गुन्ह्याच्या अनुषंगाने स्थानिक गुन्हे शाखेचे पोउपनि महेश विघ्ने यांचे पथक सदरील गुन्हयाचा समांतर तपास करीत होते. सदरील गुन्हा हा श्याम अजिनाथ शिंदे रा मांडवा ता वाशी जि.धाराशिव याने त्याचे साथीदाराचे मदतीने केल्याचे गुप्तबातमीदार व तांत्रिक विश्लेषण व्दारे प्राथमिक तपासात निष्पन्न झाले. स्थानिक गुन्हे शाखेचे पथक आरोपीचे मागावर होते. दरम्यान 20 डिसेंबर रोजी गुप्त बातमीदारमार्फत माहीती मिळाली की, आरोपी श्याम अजिनाथ शिंदे हा केज येथील बसस्टॅन्ड वर येणार आहे. माहीती मिळताच स्थानिक गुन्हे शाखेच्या पथकाने तात्काळ केज येथे जावुन बसस्थानक परीसरात सापळा लावला. आरोपी श्याम अजिनाथ शिंदे हा बसमधुन खाली उतरत असताना पथकाने गराडा घालुन त्याला पकडले, त्यास गुन्हयासंदर्भाने विचारपुस करता त्याने सदरील गुन्हा त्याचे साथीदार विशाल अजिनाथ शिंदे, रा मांडवा ता. वाशी, अमोल नाना शिंदे, रमेश नाना काळे दोन्ही रा कन्हेरवाडी, पारधी वस्ती वाशी, जि. धाराशिव यांनी मिळून केल्याचे सांगीतले. त्याच्या ताब्यातुन चोरीस गेलेले 09 ग्रॅम वजनाचे सोन्याचे दागीणे हस्तगत करण्यात पोलीसांना यश आले असुन आरोपी सध्या कोठडीत आहे.हि कामगिरी पोलीस अधीक्षक नवनीत काँवत, अप्पर पोलीस अधीक्षक श्रीमती चेतना तिडके, स्थानिक गुन्हे शाखेचे पीआय शिवाजी बंटेवाड, यांच्या मार्गदर्शनाखाली युसुफ वडगाव पोलीस ठाण्याचे सपोनि मच्छिद्र शेंडगे पोलीस उपनिरीक्षक महेश विघ्ने, पोलीस हवालदार जफर पठाण, महेश जोगदंड, दिपक खांडेकर, भागवत शेलार, पोलीस अंमलदार बप्पासाहेब घोडके, चालक पोलीस हवालदार गणेश मराडे यांनी केली.

बीड — गोदावरी पात्रात म्हाळस पिंपळगाव येथे अवैध वाळू उपसा होत असल्याची माहिती मिळताच गेवराई पोलिसांनी मारलेल्या छाप्यात चार ट्रॅक्टर सह 14 लाखाचा मुद्देमाल जप्त केला आहे.
गोदावरी नदीपात्रातून मोठ्या प्रमाणावर वाळू उपसा केला जात आहे. म्हाळस पिंपळगांव येथे वाळू उपसा केला जात असल्याची माहिती गेवराई पोलिसांना मिळाली. गेवराई पोलिसांनी या ठिकाणी छापा मारताच चार ते पाच ट्रॅक्टर चालक ट्रॅक्टरला पाठीमागील बाजूस केन्या लावून अवैध वाळू उपसा केला जात असल्याचे निदर्शनास आले. पोलिसांची गाडी येत असल्याचे पाहताच तीन ट्रॅक्टर चालक यावेळी फरार झाले.तर आकाश भास्कर भिताडे वय 23 वर्षे, रा. गंगावाडी, ता. गेवराई जि. बीड या ट्रॅक्टर चालकास पकडण्यात पोलिसांना यश आले. पोलिसांनी मारलेल्या या छाप्यात स्वराज कंपनीच्या चार ट्रॅक्टर केन्यासह असा 14 लाख रुपयांचा मुद्देमाल पोलिसांनी जप्त केला. दरम्यान ही कारवाई पोलीस अधीक्षक नवीत काँवत, अपर पोलीस अधीक्षक सचिन पांडकर, उप विभागीय पोलीस अधीकारी अनिल कटके पोलीस निरीक्षक किशोर पवार यांच्या मार्गदर्शना खाली सपोनि, सतीष कोटकर, पोउपनि प्रदीप आढाव, ग्रेडपोउपनि श्रीमंत उबाळे, जितेंद्र ओव्हाळ, गोरक्ष डोके यांनी केली.याप्रकरणी गुन्हा दाखल करण्यात आला असून पुढील तपास पोउपनि प्रदिप सांळुके हे करीत आहेत.

बीड — अंबाजोगाई तालुक्यातील जवळगाव शिवारातील गायरान जमिनीत सापडलेल्या अनोळखी प्रेताचे गूढ उकलण्यात स्थानिक गुन्हे शाखेला दोन दिवसात यश आले.कौटुंबिक वाद आणि मृताच्या त्रासाला कंटाळून त्याच्याच वडिलांच्या सख्ख्या साडूने भाडोत्री मारेकऱ्यांच्या मदतीने हा खून केल्याचा प्रकार समोर आला आहे.या प्रकरणी पोलिसांनी चार जणांना बेड्या ठोकल्या आहेत.
बर्दापूर पोलीस ठाण्यांतर्गत जवळगाव शिवारात 18 डिसेंबर रोजी अज्ञात पुरुषाचा मृतदेह आढळून आला होता या व्यक्तीचा मृत्यू मारहाणीमुळे झाल्याचे पोस्टमार्टम रिपोर्ट वरून समोर आले. त्यानंतर अज्ञात लोकाविरुद्ध खुनाचा गुन्हा दाखल करून स्थानिक गुन्हे शाखेने तपासाची चक्रे फिरवली. एलसीबीने सीसीटीव्ही फुटेज, तांत्रिक विश्लेषण आणि खबऱ्यांकडून मिळालेल्या माहितीच्या आधारे मृत व्यक्तीची ओळख स्वप्निल ऊर्फ चिंगू अशोक ओव्हाळ वय 30 वर्ष,रा.रेणापूर, जि. लातूर अशी पटवली. तपासादरम्यान पोलिसांना संशय आल्याने त्यांनी स्वप्निलचा नातेवाईक गोरोबा मधुकर डावरे याला ताब्यात घेतले. त्याची सखोल चौकशी केली असता, खुनाचे धक्कादायक कारण समोर आले.स्वप्निल हा गोरोबा डावरे याच्या साडूचा मुलगा होता. साडू आणि साळपिण्याचे निधन झाल्यामुळे गोरोबाच स्वप्निलचा पालक म्हणून सांभाळ करत होता. स्वप्निलचे लग्नही गोरोबानेच लावून दिले होते. मात्र, स्वप्निलला दारूचे व्यसन होते. तो दारू पिऊन पत्नीला आणि गोरोबाला सतत त्रास द्यायचा. एकदा तर त्याने गोरोबाच्या अंगावर धावून जाण्याचा प्रकार केला होता.याच रागातून गोरोबाने स्वप्निलचा काटा काढण्याचे ठरवले.गोरोबाने लातूर आणि नांदेड येथील तीन साथीदारांच्या मदतीने स्वप्निलला रेणापूरहून जवळगाव येथे आणले. तिथे त्याला बेदम मारहाण करून गळा आवळून त्याची हत्या केली आणि मृतदेह शेतात फेकून दिला. या प्रकरणात पोलिसांनी गोरोबा मधुकर डावरे वय 45 वर्ष, रा. जवळगाव, ता. अंबाजोगाई, संतोष लिंबाजी मांदळे वय 34 वर्ष, रा. लातूर, किशोर गोरोबा सोनवणे वय 29 वर्ष, रा. लातूर, अमोल विनायक चव्हाण वय 26 वर्ष, रा. नांदेड या आरोपींना अटक केली आहे. दरम्यान ही कारवाई पोलिस अधीक्षक नवनीत काँवत, अपर पोलिस अधीक्षक चेतना तिडके, पोलिस निरीक्षक शिवाजी बंटेवाड यांचे मार्गदर्शना खाली स पो नि ज्ञानेश्वर कांबळे, पोलीस उपनिरीक्षक सुशांत सुतळे, पोलीस हवालदार मारुती कांबळे, रामचंद्र केकान, विष्णू सानप, गोविंद भताने पोलीस अंमलदार सचिन आंढळे, विकी सुरवसे, चालक अतुल हराळे यांनी केली.