बीड — माजलगाव मतदार संघात विशिष्ट घराण्याची मक्तेदारी व त्यातून निर्माण झालेली सरंजामशाही यामुळे विकासाला खीळ बसली गेली. यातून गोरगरीब जनता पिळवटून निघाली मात्र स्व. गोपीनाथ मुंडे साहेबांच्या घराण्याशी एकनिष्ठ व त्यांच्याच तालमीतले संस्कार घेऊन वाढलेला बाबरी मुंडे या तरुणाने निवडणुकीसाठी शड्डू ठोकल्याने मतदार संघात आता तरी परिवर्तन होऊन नवी पहाट निर्माण होईल अशी आशा जनतेत निर्माण झाली आहे.

एकाच घराण्याच्या पायाशी माजलगाव ची सत्ता लोळण घेत आली आहे. त्यामुळे जनतेच्या विकासापेक्षा स्व विकासाला महत्व दिले गेले. यातून निर्माण झालेल्या सरंजामशाहीमुळे जनता भरडली गेली. पण प्रत्येक निवडणुकीत तोला मोलाचा प्रतिस्पर्धी न मिळाल्यामुळे मतदार संघात परिवर्तन कधी झालेच नाही. त्यामुळे विकासाकडे मतदार संघाची वाटचाल हे दूरा स्वप्न होऊन बसले शेतकरी ,मजूर, गोरगरिबांचे प्रश्न जैसे थे च राहिले गेले. प्रत्येक निवडणुकीत परिवर्तनाची धरलेली आशा फोल ठरत गेली व पदरात निराशाच पडत गेली. हा मतदारसंघाचा इतिहास आहे.
या निवडणुकीत मात्र परिवर्तनाची नवी पहाट उगवेल अशी आशा जनतेच्या मनात निर्माण झाली आहे. स्वर्गीय गोपीनाथ मुंडे यांच्या घराशी एकनिष्ठ राहिलेले व त्यांच्याच संस्काराच्या तालमीत वाढलेला “बाबरी मुंडे”हा उमदा चेहरा या निवडणुकीत हाबुक ठोकून मैदानात उतरणार आहे. भाजपने उमेदवारी दिली तर दुधात साखर दुर्दैवाने नाहीच उमेदवारी मिळाली तर वेळप्रसंगी जनहितासाठी बंडखोरी देखील करायची पण परिवर्तनच घडवून आणायचं असा चंग या तरुणांने बांधला आहे. वडवणीची नगरपंचायत ताब्यात आल्यानंतर या तरुणाने विकासासाठी केलेले प्रयत्न शहराचाच नव्हे तर तालुक्याचा चेहरा मोहरा बदलणारे ठरले. गोरगरिबांनी आवाज दिला की तितक्याच तत्परतेने “ओ” देत आधारही द्यायचा. हा मुंडे साहेबांनी दिलेला मंत्र अमलात आणला. संकटाच्या काळात मदत करणारा हक्काचा चेहरा म्हणून बाबरी मुंडे कडे पाहणारा मोठा वर्ग मतदार संघात निर्माण झाला. लगतच्या धारूरसह माजलगाव तालुक्यातील प्रत्येकालाच निस्वार्थपणे घराचे दरवाजे कायम मदतीसाठी उघडे ठेवले. याबरोबरच सांस्कृतिक चळवळ देखील मोठ्या प्रमाणावर बाबरी मुंडे यांनी राबवली त्यातून तरुणाची नव्या विचाराची फळी निर्माण केली. या सगळ्या वाटचालीमुळे सगळ्यांच्या परिचयाचा असणारा चेहरा म्हणून बाबरी मुंडे कडे पाहिले जाते. बाबरी मुंडे यांना उमेदवारी मिळाली तर नक्कीच परिवर्तनाची नवी पहाट माजलगाव मतदार संघामध्ये उजाडणार आहे. आणखी राजकीय पक्षांचे उमेदवार जाहीर व्हायचे बाकी आहेत पण तत्पूर्वीच जनतेतून त्यांच्या नावाला पसंती मिळत आहे. कदाचित त्यांची उमेदवारी जनतेवर लादली गेलेली सरंजामशाही मोडीत काढणारी ठरेल असा आशावाद निर्माण करणारी ठरू लागली आहे.

बीड — विधानसभा निवडणुकीची  घोषणा झाल्यानंतर पंकजा मुंडे समोर राज्याच्या राजकारणात महत्व अबाधित ठेवण्यासाठी आपल्या राजकीय चतुराईचा, खेळीचा ठसा उमटण्याच मोठ आव्हान निर्माण झालं आहे. राजकीय सारीपाटावर आपले प्यादे सुरक्षित ठिकाणी ठेवून ताकत निर्माण करावी लागणार आहे. मात्र या आव्हानाला समर्थपणे तोंड दिलं गेलं नाही तर ओहोटीला जास्त वेळ लागणार नसल्याचं चित्र सध्या तरी निर्माण झाला आहे.

स्व.गोपीनाथ मुंडे यांनी राज्याच राजकारण स्वतःभोवती केंद्रित केलं होतं. एक इशारा दिला तर अनेक आमदार आपला राजीनामा देण्यास कधीही तयार असत. त्यांना निवडून आणताना मुंडे साहेबांचे कष्टही तितकेच मोलाचे राहत असत. केवळ एवढ्या एकाच गोष्टीमुळे पक्षीय राजकारणात शेवटच्या काळामध्ये त्यांना त्रास झाला असला तरी त्यांच्याकडे फारशी वाकडी नजर पक्षातील  विरोधकांना कधीच करता आली नाही. तेवढी जरब त्यांनी निर्माण केली होती. त्यावेळेस विरोध केला तरी तो नैतिकतेला धरून केलेला असायचा. स्व पक्षातील असून किंवा विरोधक हे शिष्टाचार पाळणारे होते.जनमानसावरही साहेबांची पकड कायम होती. हीच गोष्ट पंकजा मुंडे यांना देखील या निवडणुकीत लक्षात घेणे गरजेचे आहे. पक्षांतर्गत कुरघोडीच्या राजकारणात पंकजा मुंडेंना देखील मोठा त्रास सहन करावा लागला. कदाचित महिला असल्यामुळे किंवा जनमानसात न मिसळल्यामुळे म्हणा किंवा जनतेला ते आपल्याला कधीच सोडणार नाहीत ते आपल्या मागेच राहणार या अति आत्मविश्वासामुळे दोन वेळेला पराभवाला सामोरे जावे लागले. विधानसभा निवडणुकीत परळी मतदारसंघातून बंधू धनंजय मुंडे कडून पराभव स्वीकारावा लागला. त्या पराभवातूनही त्यांनी कुठलाच बोध घेतला नाही. जनतेला ग्राह्य धरण्याच्या त्यांच्या वृत्तीमुळे लोकसभेला देखील पराभवाला सामोरे जावे लागले. मराठा आंदोलन या पराभवाला कारणीभूत काही प्रमाणात असले तरी पंकजा मुंडे यांची वृत्तीच पराभवाला कारणीभूत ठरल्याचं स्पष्ट चित्र पाहायला मिळतं.

एकंदरच मुंडे साहेबांच्या निधनानंतर जनता पाठीशी उभी असली तरी त्याचा पाहिजे तितका फायदा पंकजा मुंडे यांना घेता आला नाही किंवा झाला नाही. उलट त्यांच्या राजकारणाला दिवसेंदिवस उतरती कळा लागली. हक्काचा मतदार संघ ही दुरावला गेला‌. पण शिल्लक असलेल्या पुण्याईवर त्या पुन्हा आमदार झाल्या. पण हे असंच कुठपर्यंत? होऊ घातलेल्या विधानसभा निवडणुकीत पंकजा मुंडेंना तिकीट वाटपात आपल्या मर्जीतल्या नेत्यांना उमेदवारी मिळावी यासाठी जीव तोडून प्रयत्न करावे लागणार आहेत. ज्यांना मिळणार नाही त्यांना बंडखोरी करायला लावून का होईना पण निवडून आणण्यासाठी रसद पुरवावी लागणार आहे. राज्याच्या राजकारणात आपल्या कार्यकर्तृत्वाचा ठसा उमटवण्यासाठी 10 – 20 आमदार तरी निवडून आणावे लागणार आहेत. मग ते आपल्या पक्षातील असो बंडखोर असो की अन्य पक्षातील! जर असं करता आलं तरच येणाऱ्या काळात पक्षीय राजकारणात दखल घेतली जाईल. नाहीतर नुसतीच मेळाव्यामधून गर्दी किती जरी झाली. त्याचा फारसा फायदा पंकजा मुंडेंना होणार नाही. सध्याची राजकीय परिस्थिती पाहता पंकजा मुंडेंचे पक्षातील विरोधक हे पाशवी महत्त्वकांक्षेचे आहेत. नैतिकता यांच्या शब्दकोषातही नाही. अनितीच राजकारण करणारे पंकजा मुंडेच्या पाठीमागे असलेलं एक गठ्ठा मतदान आपल्या पदरात पाडून घेण्यासाठी पक्षश्रेष्ठीकडून “मुंडे” ब्रँडचा फक्त वापरच केला जाईल. ते मतदान एकदा पदरात पडलं की किमान तीन-चार वर्ष तरी मुंडे ब्रँडला फारशी किंमत नाही दिली तरी चालतं हे आज पर्यंतच अवलंबल्या गेलेली नीती आहे. आशा पक्षांतर्गत विरोधकांच्या कुरघोडींना सुरुंग लावण्याची वेळ या निवडणुकीत आली आहे.जर आपल्या हक्काचे काही आमदार निवडून आणण्यात यश आले तर पुन्हा राज्याच्या राजकारणात पंकजा मुंडे केंद्रस्थानी राहतील अन्यथा या संधीचं सोनं करता आलं नाही तर मात्र आणखी उतरती कळा लागायला वेळ लागणार नाही. बीडच्या जनतेला हे परवडणारं देखील नाही.

कुर्ला – माजी नगरसेविका प्रविणा मोरजकर यांनी मराठा समाजातील ११ हून अधिक लोकांवर वेगवेगळ्या प्रसंगी खोटे ॲट्रॉसिटीचे गुन्हे दाखल केल्याचा धक्कादायक खुलासा संभाजी ब्रिगेड संघटनेने उद्धव ठाकरेंना पत्र लिहून केला होता. यानंतर प्रविणा मोरजकरांनी दाखल केलेले खोटे ॲट्रॉसिटीचे पुरावे देखील समोर आले होते. कुर्ल्यातील नेहरू नगर पोलीस स्टेशन मध्ये दोन मराठा समाजातील लोकांवर टाकलेल्या खोट्या ॲट्रॉसिटीचे गुन्हे एफ.आय.आर. स्वरूपात समोर आल्यानंतर मोरजकरांचे मराठा समाजाला दिलेले आव्हान संपुष्टात आले. या पार्श्वभूमीवर माजी नगरसेविका प्रविणा मोरजकरांच्या विरोधात स्थानिक मराठा समाजाने आणि अनेक मराठा संघटनांनी एकत्र येत कुर्ल्यातील मोक्याच्या परिसरात मोरजकर मराठा विरोधी असल्याचे बॅनर झळकवले. ज्यामुळे मोरजकरांच्या विरोधात असलेला प्रचंड रोष आणि माध्यमांतून जाहीर करण्यात आलेल्या त्यांच्या उमेदवारीवर मराठा समाज धगधगताना दिसला.

संभाजी ब्रिगेड संघटना ही ठाकरेंच्या शिवसेनेसह युतीत आहे, परंतु मराठा समाजाला त्रास देणाऱ्या व्यक्तीला उमेदवारी मिळाली तर मराठा समाजाच्या न्याय हक्कासाठी रस्त्यावर उतरण्याचा आणि माजी नगरसेविका प्रविणा मोरजकर यांच्या विरोधात काम करण्याचा सज्जड इशारा संभाजी ब्रिगेड संघटनेने दिला आहे. स्थानिक मराठा समाजासह इतर मराठा संघटनांनी बॅनरबाजीकरून आपला विरोध या आधीचं मोठ्या प्रमाणात दर्शवला आहे, मात्र जर मोरजकर यांना उमेदवारी जाहीर करण्यात आली तर या सर्व मराठा संघटना आणि संपूर्ण मराठा समाज मोरजकर विरोधात आंदोलनात शामिल होतील आणि यावेळी बॅनरबाजीतूनच नाही तर रस्त्यावर उतरून जाहीर निषेध करतील. असे कुर्ल्यातील वातावरण आहे.

ठाकरेंची शिवसेना ही कुर्ल्यामध्ये अत्यंत प्रभावशाली दिसून येत आहे परंतु कुर्ल्यातील स्थानिक मराठा समाज, संभाजी ब्रिगेड व इतर मराठा संघटनेने माजी नगरसेविका प्रविणा मोरजकर विरोधात दिलेली हाक ही ठाकरेंच्या शिवसेनेला बॅक फूटला टाकणारी आहे. मराठा समाजाने प्रविणा मोरजकर विरोधात दिलेला आंदोलनाचा इशारा हा आगामी कुर्ल्यातील निवडणुकीचे वारे बदलू शकतो.

नवी दिल्ली — निवडणूक आयोगाने आज 15ऑक्टोबर रोजी महाराष्ट्र आणि झारखंड येथील विधानसभा निवडणूकीचा कार्यक्रम जाहीर केला आहे. अनेक दिवसांपासून या निवडणूकांच्या तारखांची सर्व राजकीय पक्षांकडून वाट पाहिली जात होती.

दरम्यान महाराष्ट्रात विधानसभा निवडणूक एकाच टप्प्यात होणार असून 20 नोव्हेंबर रोजी मतदान होणार आहे. केंद्रीय निवडणूक आयोगाकडून आज पत्रकार परिषद घेत याबद्दलची घोषणा करण्यात आले आहे.

यादरम्यान निवडणूक आयोगाच्या पत्रकार परिषदेत राष्ट्रवादी काँग्रेस शरदचंद्र पवार पक्षाच्या तुतारी चिन्हाबद्दल देखील प्रश्न विचारण्यात आला. तुतारी आणि पिपाणी चिन्हामुळे लोकसभा निवडणुकीत मोठा गोंधळ झाला होता. त्यामुळे विधानसभा निवडणुकीत पिपाणी चिन्ह फ्रीज करणार का? कारण तशी अशी शरद पवार यांच्या पक्षाकडून करण्यात आली होती‌.
यावर उत्तर देताना मुख्य निवडणूक आयुक्त राजीव कुमार यांनी सांगितले की, शरद पवार यांच्या राष्ट्रवादीने 2 मागण्या केल्या होत्या, तुतारी वाजवणारा माणूस हे चिन्ह लहान आहे ते मोठं करण्याची पहिली मागणी त्यांनी केली होती. दुसरी मागणी त्यांनी पिपाणी हे चिन्ह फ्रीज करण्याची केली होती. पहिली मागणी आम्ही मान्य केली आहे. आम्ही त्यांना लिखित स्वरूपात विचारल होतं की तुमचं चिन्ह कसं असाव ते सांगा.. त्यांनी दिलेल्या आकारातील पाहिला आकार आम्ही मान्य केला आहे. पिपाणी हे चिन्ह पूर्ण वेगळं आहे… त्याला आम्ही हात लावला नाही असेही त्यांनी स्पष्ट केलं.