बीड — कर्तव्यदक्षतेचा आव आणून किती जरी भूशारक्या मारल्या तरी “अर्थ” चक्रीतील फायद्याची टपकणारी लाळ उघडकीस येऊ लागली आहे. लाखोंच्या मिळणाऱ्या नजराण्यामूळे बीड शहर ठाणे प्रमुखाच्या नियतीचे बिंग फुटले आहे.
बीड शहर पूर्वीपासून संवेदनशील मानलं जातं त्यामुळे कायदा व्यवस्थेकडे पोलीस यंत्रणेला काळजीपूर्वक लक्ष द्यावे लागते. सध्या पोलीस अधीक्षक अविनाश बारगळ यांनी अवैध धंदे बंद करण्यात यावेत असे निर्देश सर्व पोलीस ठाण्यांच्या प्रमुखांना दिलेले आहेत.मात्र या आदेशाला केराची टोपली दाखवण्याचे काम बीड शहर पोलीस ठाण्याचे स्वतःला कर्तव्यदक्ष समजणारे प्रमुख शितल कुमार बल्लाळ यांनी केले आहे. बीड शहरात बस स्थानकासमोर अवैध धंद्यांची जत्रा भरलेली असतानाच शहरात दहा ते बारा ठिकाणी ऑनलाइन “बिंगो ” चक्री जुगार जोरात सुरू आहे.यातून लाखोंचा नजराना ठाणे प्रमुखांना मिळत आहे. पूर्वी बीड ग्रामीण पोलीस ठाण्यात चांगलं काम केल्यामूळे कर्तव्यदक्ष अधिकारी म्हणून बल्लाळांनी आपली प्रतिमा उंचावली. मात्र सध्या याउलट स्थिती त्यांनी निर्माण केली आहे. कर्तव्यदक्षतेच्या प्रतिमेचा वापर करून अवैध धंद्यांना मोठ्या प्रमाणात त्यांनी आश्रय देऊन स्वतःची तुंबडी भरण्याचं काम सुरू केलं आहे. त्यामुळे त्यांच्या मनाला शीतलता मिळत असली तरी गोरगरिबांच्या संसाराची राख रांगोळी होऊ लागली आहे. सध्या निवडणूकीच वातावरण असल्यामुळे गुन्हेगारीला वाव मिळणं बीडच्या कायदा सुव्यवस्थेच्या दृष्टीने धोक्याच ठरू शकत त्यामुळे पोलीस अधीक्षकांनी तात्काळ कारवाई करून बल्लाळांच्या मुजोरपणाला आळा घालावा अशी मागणी जनतेतून होऊ लागली आहे.
