बीड — कुर्ला येथील यशवंत विद्यालयातील परीक्षा केंद्रावर दहावीच्या विद्यार्थ्यांची बैठक व्यवस्था चक्क शाळेच्या छतावर मंडप टाकून केल्याचा धक्कादायक प्रकार दहावी पेपरच्या सुरुवातीस समोर आला होता. याप्रकरणी शिक्षण विभागाने गंभीर दखल घेऊन केंद्र संचालकास निलंबित केले आहे.
बीडमध्ये कॉपीमुक्त अभियान सुरू आहे. कॉपी प्रकरणावरून शिक्षण विभागाने 17 शिक्षकांना आतापर्यंत निलंबित केले आहे. यामुळे धाबे दणाणले असतानाच कुर्ल्यातील यशवंत विद्यालयात घडलेल्या प्रकार राज्यभर चर्चेचा विषय ठरला. परीक्षा देणाऱ्या विद्यार्थ्यांना मंडप टाकून इमारतीच्या छतावर बसवण्यात आले होतेया प्रकरणात शिक्षण विभागाने मोठी कारवाई केली आहे. विभागाने कडक पाऊल उचलत थेट परीक्षा केंद्र संचालक अभिषेक राऊत यांना निलंबित केले आहे. दुसरीकडे, संस्थेने देखील अभिषेक राऊत यांच्यावर निलंबनाची कारवाई केली आहे.
दहावीच्या बोर्डाच्या परीक्षेत विद्यार्थ्यांच्या सुरक्षेचा आणि नियमांचा विचार न करता चक्क शाळेच्या छतावर मंडप टाकून विद्यार्थ्यांना परीक्षेला बसवण्याचा धक्कादायक प्रकार बीडमध्ये समोर आला होता. या गंभीर प्रकरणाची दखल घेत शिक्षण विभागाने मोठी कारवाई केली आहे. कुर्ला येथील यशवंत विद्यालय केंद्राचे संचालक अभिषेक राऊत यांना अखेर निलंबित करण्यात आले आहे. या कारवाईमुळे जिल्ह्यातील परीक्षा केंद्रांवर मनमानी करणाऱ्या संस्थाचालकांचे धाबे दणाणले आहेत.
