नवी दिल्ली — सणासुदीच्या दिवसात मोदी सरकारने सर्व सामान्यांना मोठा दिलासा दिला आहे. केंद्रीय वित्त मंत्री निर्मला सीतारमण यांनी मंत्रिगटाच्या बैठकीत भारत सरकारच्या जीएसटीचा १२ टक्के आणि २८ टक्क्यांचा स्लॅब रद्द करण्याचा प्रस्ताव स्वीकारण्यात आला आहे.
सध्या जीएसटीचे चार स्लॅब आहेत. त्यापैकी दोन स्लॅब हे बंद करण्यात येणार आहेत. ५ टक्के, १२ टक्के, १८ टक्के आणि २८ टक्के या चार असे जीएसटीचे चार स्लॅब आहेत. यातील, २ टक्के आणि २८ टक्क्यांचा स्लॅब रद्द करुन केंद्र सरकारकडून सर्वसामान्यांना महागाईपासून दिलासा देण्याचा प्रयत्न करण्यात येत आहे.
यामुळे कोणत्या गोष्टी स्वस्त होणार?
कपडे आणि रेडिमेड कपडे, चप्पल, बूट, प्रिंटिंग आणि स्टेशनरी वस्तू, प्रक्रिया केलेले अन्न पदार्थ, होम अप्लायन्सेस वरील कर कमी होईल.
तसेच, दुचाकी वाहनं, चार चाकी कार, सीमेंट आणि बिल्डींग मटेरियल, फ्रीज, वॉशिंग मशीन, एअर कंडीशनर, टीव्ही याचा समावेश होतो. पॅकेजमधील अन्नपदार्थ, बेवरेजेस, पेंटस आणि वॉर्निश यावरील कर कमी होतील.
यासोबतच, आरोग्य आणि जीवन विमा यावरील जीएसटी माफ करण्याच्या प्रस्तावावर मंत्रिगटाच्या बैठकीत चर्चा झाली. यामध्ये वैयक्तिक आरोग्य विमा आणि जीवन विम्यावरील प्रीमियमवर जीएसटी माफ करण्याचाबाबत चर्चा झाली. जर हा प्रस्ताव मान्य झाला तर आरोग्य आणि जीवन विमा पॉलिसीवर थेट परिणाम होईल. सध्या यावर १८ टक्के जीएसटी आकारला जातो. त्यामुळे यावर निर्णय झाल्यास आरोग्य आणि जीवन विमा यावरील जीएसटी माफ होऊ शकतो.
