बीड — उमाकिरण संकुलात असलेल्या प्रोफेशनल क्लासेसमध्ये शिक्षण घेणाऱ्या अल्पवयीन विद्यार्थिनीचा छळ केल्याच्या प्रकरणात पोस्को गुन्हा दाखल झाल्यानंतर दोन दिवसांपासून फरार असलेले प्रा. विजय पवार व खाटोकर यांना अखेर अटक करण्यात आली आहे. स्थानिक गुन्हे शाखेच्या पथकाने शनिवारी पहाटे मांजरसुंभा परिसरातून सापळा रचत बेड्या ठोकल्या आहेत.
बीड शहरातील नामांकित उमाकिरण शैक्षणिक संकुलातील प्रोफेशनल क्लासेस मध्ये 17 वर्षाची मुलगी शिक्षण घेत होती. 30 जुलै 2024 ते 25 मे 2025 या कालावधीत विजय पवार व प्रशांत खाटोकर यांनी विद्यार्थीनीला केबिनमध्ये बोलावून घेत तिचा लैंगिक छळ केला होता. तिला नग्न करत आपल्या मोबाईल मध्ये फोटोही काढल्याचा धक्कादायक प्रकार समोर आला होता. याप्रकरणी 26 जून रोजी रात्री शिवाजीनगर पोलीस स्टेशनला गुन्हा दाखल झाला. प्रकरण समोर आल्यानंतर सर्वच स्तरातून संतापाची लाट उसळली होती. दरम्यान विजय पवार व प्रशांत खटोकर हे दोघेही फरार झाले होते. उमाकिरण संकुला बाहेर आंदोलन करून शैक्षणिक बंद शनिवारी पाळण्यात आला. आरोपींच्या अटकेसाठी सोमवारी जिल्हा बंदचे आवाहन करण्यात आलेले आहे. आरोपींना पकडण्यासाठी पोलिसांची पथक स्थापन करून रवाना करण्यात आली होती. त्यांच्या शोधासाठी स्थानिक गुन्हे शाखेसह तीन पथक रवाना झाली होती. अखेर या काळीमा फासणाऱ्या दोन्ही शिक्षकांना पळून जाताना पकडण्यात पोलिसांना यश आले आहे. ही कारवाई पोलीस अधीक्षक नवनीत कॉवत, अप्पर पोलीस अधीक्षक सचिन पांडकर यांच्या मार्गदर्शनाखाली स्थानिक गुन्हे शाखेचे पोलीस निरीक्षक शिवाजी बांटेवाड व त्यांच्या पथकाने केली.
शिक्षण क्षेत्राला काळीमा फासणारे नासके किडे विजय पवार,प्रशांत खटोकर अखेर पकडले
