बीड- येथील पोलिसांनी सामाजिक कार्यकर्त्या पुण्यातील तृप्ती देसाईंना चौकशीसाठी बोलवले आहे. बीड जिल्ह्यातील 26 पोलिस हे वाल्मीक कराड यांच्या मर्जीतले असल्याचा गंभीर आरोप देसाईंनी केला होता.मात्र, त्याचे पुरावे दिले नाही असा त्यांच्यावर आरोप आहे . त्यामुळे त्यांना 17 तारखेला बीड जिल्हा पोलिस अधीक्षक कार्यालयात हजर राहण्याचे आदेश दिले आहेत.
आरोप केले त्याचे पुरावे घेवून हजर राहण्यासाठी तृप्ती देसाईंना बीड पोलिसांनी नोटीस बजावली आहे. यात बीड पोलिसांनी म्हटले आहे की, तक्रार प्राप्त झाली मात्र पुरावे मिळाले नाहीत. हे आरोप सिद्ध करण्यासाठी तुमच्याकडील असलेले पुरावे घेऊन या 17 मार्चला सकाळी साडेअकरा वाजता एसपी ऑफीसला हजर राहण्याचे आदेश दिले आहेत.
सरपंच संतोष देशमुख यांच्या हत्या प्रकरणात वाल्मीक कराडचे अनेक प्रकरण बाहेर आले. यावेळी तृप्ती देसाई यांनी बीड जिल्ह्यातील 26 पोलिस अधिकारी आणि कर्मचाऱ्यांची नावे एका सोशल मीडियावर पोस्ट करत शेअर केली होती. या यादीमध्ये हवालदारापासून एपीआय, डीवायएसपी, अतिरीक्त पोलिस अधिकाऱ्यांचा समावेश आहे. नाव असलेले अधिकारी किंवा कर्मचारी वाल्मीक कराडचे निकटवर्तीय किंवा मर्जीतील असल्याचा दावाही तृप्ती देसाई यांनी केला होता. इतकच नाहीतर गृहमंत्र्यांनी आणि बीड जिल्ह्याच्या पालक मंत्र्यांनी या सर्व पोलिस अधिकारी आणि कर्मचाऱ्यांची चौकशी करून त्यांची बदली बीड जिल्ह्याबाहेर करावी अशी मागणी केली होती.
कोण-कोणते पोलिस अधिकारी/कर्मचारी कराडच्या मर्जीतले?
बाळराजे दराडे, बीड ग्रामीण-API
रंगनाथ जगताप, अंबाजोगाई ग्रामीण – API
भागवत शेलार, केज बीट – LCB
संजय राठोड, अंबाजोगाई – additional Police
त्रिंबक चोपने, केज – Police
बन्सोड ,केज – API
कागने सतिश, अंबाजोगाई – Police
दहिफळे, शिरसाळा-API
सचिन सानप, परळी बिट – LCB
राजाभाऊ ओताडे, बीड – LCB
बांगर बाबासाहेब, केज – POLICE
विष्णु फड, परळी शहर – Police
प्रविण बांगर, गेवराई – PI
अमोल गायकवाड, युसुफवडगाव ड्रायवर Police
राजकुमार मुंडे, अंबाजोगाई DYSP ऑफिस – police
शेख जमिर, धारूर- Police
चोवले, बर्दापूर – Police
रवि केंद्रे,अंबाजोगाई – police
बापु राऊत,अंबाजोगाई – Police
केंद्रे भास्कर,परळी – Police
दिलीप गित्ते, केज DYSP ऑफिस – Police
डापकर – DYSP ऑफिस केज – Police
भताने गोविंद, परळी – police .
विलास खरात, वडवणी – Police.
बाला डाकने, नेकनूर – Police
घुगे, पिंपळनेर – API
