10 कोटी 29 लाख रूपये दंडाची रक्कम वसूल
छ. संभाजीनगर — महावितरण छत्रपती संभाजीनगर प्रादेशिक कार्यालयाच्या मंडल कार्यालय अंतर्गत माहे एप्रिल 2025 ते 30 सप्टेबर 2025 या सहा महिन्यांच्या कालावधीत वीज चोरांविरूध्द धडक मोहीम राबविण्यात आली. यामध्ये 2,593 वीज मिटरची तपासणी व इतर अनियमिततेची पाहणी करण्यात आली. यात 1,186 मिटरमध्ये वीज चोरी आढळून आली. यात 11304547 युनिट वीज चोरी प्रकरणी 10 कोटी 78 लाख 87 हजार रूपयांच्या अनुमानित वीज बिल दंडाच्या रक्कमेची आकारणी करण्यात आली आहे. या प्रकरणात 10 कोटी 29 लाख 40 हजार रूपये वसूल करण्यात आले आहेत.संबंधित 191 वीजचोरांवर गुन्हे दाखल करण्यात आले आहेत.
वीज चोरीची रक्कम कोटी रूपयांमध्ये पुढील प्रमाणे
वीज चोरी पथक ग्राहक वीज चोरीची रक्कम
छत्रपती संभाजीनगर शहर 280. 337.02
छत्रपती संभाजीनगर ग्रामीण 136 137.36
जालना 157 106.55
छत्रपती संभाजीनगर
परिमंडल. 573 620.93
बीड — 77 21.41
धाराशिव — 140 95.17
लातूर — 177. 170.20
लातूर परिमंडल. 394. 286.78
नांदेड 170. 122.94
परभणी. 49. 88.23
नांदेड परिमंडल. 219. 211.17
मराठवाडा एकूण. 1186 1078.87
मराठवाडयातील छत्रपती संभाजीनगर शहर व ग्रामीण, जालना, परभणी, नांदेड, लातूर,धाराशिव व बीड जिल्हयात एप्रिल 2025 ते 30 सप्टेबर 2025 या कालावधीत भरारी पथक आणि दक्षता व सुरक्षा अंमलबजावणी विभागामार्फत वीज चोरांविरूध्द धडक मोहीम राबविण्यात आली. विघुत कायदा 2003 नुसार कलम 126 अंतर्गत शेजा—याकडून अनधिकृत वीज घेणे, मंजूर भारापेक्षा अधिक क्षमतेच्या भाराचा वापर करणे, मंजूर वर्गवारीतून दुस—या वर्गवारीसाठी अनधिकृत विजेचा वापर करणे याचा समावेश होतो. तसेच कलम 135 मध्ये मिटरची छेडछाड करणे, आकडा टाकून विजेचा वापर करणे, सव्हिेसवायर टॅप करणे व कलम 138 मध्ये महावितरणचे मिटर, वायरसह इतर वस्तु चोरी करणे इत्यादी बाबींचा समावेश होतो.
वीज चोरी पकडण्याची मोहीम यापुढेही चालू राहणार आहे. अनधिकृत विजेचा वापर करू नये. आगामी काळात वीज चोराच्या विरोधात मोठ्या प्रमाणात वीज चोरी शोध मोहीम राबविण्याचे निर्देश देण्यात आलेले आहेत. अनधिकृतपणे विजेचा वापर करतांना आढळून आल्यास विघुत कायदयानुसार कडक कारवाई करण्याचे आदेश संबंधितांना देण्यात आले आहेत. वीज ग्राहकांनी अधिकृत वीज जोडणी घेवूनच विजेचा वापर करण्याचे आवाहन महावितरणचे प्रादेशिक कार्यालयाचे सह व्यवस्थापकीय संचालक आदित्य जीवने यांनी दिले आहेत
