बीड — शहरातील झमझम कॉलनी मध्ये प्रतिबंधित गुटखा साठवून ठेवल्याची गुप्त माहिती स्थानिक गुन्हे शाखेला मिळाली. या माहिती आधारे पोलिसांनी पत्र्याच्या शेडवर मारलेल्या छाप्यात अडीच लाख रुपयांचा गुटखा जप्त करण्यात आला.
पोलीस अधीक्षक नवनीत कांवत यांनी अवैध धंद्या विरोधात कारवाई करण्यासाठी आदेशित केले आहे. याचाच एक भाग म्हणून सध्या कारवाया करणे सुरू आहे. स्थानिक गुन्हे शाखेला पत्र्याच्या शेडमध्ये अवैध गुटखा साठवून ठेवल्याची गूप्त माहिती मिळाली होती. या माहिती आधारे पोलिसांनी दुपारी पाच वाजेच्या सुमारास पत्र्याच्या शेड वर छापा मारला. यावेळी पत्र्याच्या शेडमध्ये 2 लाख41 हजार 875 रुपयांचा गोवा गुटखा जप्त करण्यात आला.
सय्यद अजमदउल्ला याने सय्यद रजाउल्लाह याच्या सांगण्यावरून पत्र्याच्या शेडमध्ये पांढ-या रंगाच्या 15 गोण्यामध्ये गोवा गुटखा विक्रीसाठी ठेवला होता. दरम्यान याप्रकरणी दोघाविरोधात शहर पोलीस ठाण्यात गुन्हा दाखल करण्याची प्रक्रिया सुरू आहे. ही कारवाई पोलीस अधीक्षक नवनीत कावत, अप्पर पोलीस अधीक्षक सचिन पांडकर यांच्या मार्गदर्शनाखाली स्थानिक गुन्हे शाखेचे पोलीस निरीक्षक शिवाजी बंटेवाड, गोविंद राख, बागवान, राहुल शिंदे, अंकुश वरपे,आनंद मस्के, स्वाती मुंडे, बबन सलगर, अलीम शेख, सुनिल राठोड यांनी केली.
