बीड — अनेक शेतकऱ्यांना पोलीस संरक्षणात मावेजा न देता गंडा घालणाऱ्या पवनचक्की कंपनीलाच चोरट्यांनी चुना लावला आहे. नेकनूर ठाणे हद्दीतील पालसिंगण शिवारात चोरट्यांनी ग्रीन पॉवर कंपनीच्या तीन टॉवरवरील क्रास आर्म कट करुन तब्बल 2 हजार 132 फुट अॅल्युमिनियम तारेची चोरी केली. या तारेची किमंत 2 लाख 50 हजार रुपये इतकी आहे. याप्रकरणी नेकनूर पोलीस ठाण्यात गुन्हा दाखल करण्यात आला आहे.
पवनचक्की कंपनीने तार ओढताना अनेक शेतकऱ्यांना मावेजा न देता गंडा घालण्याचा काम केलं. त्याच ओटू कंपनीच्या तीन टावर वरील 2 हजार फुटाहून अधिकची तार चोरट्यांनी लंपास केल्याची घटना घडली आहे. याप्रकरणी कंपनीचे प्रशांत माने (रा.बीड) यांनी याबाबत फिर्याद नोंदविली. त्यानुसार, ते ग्रीन पॉवर एक्सआय (ओटू पॉवर) येथे कार्यरत आहेत.दि. 11 मे रोजी सायंकाळी ते चौसाळा ते पालसिंगण या परिसरात पेट्रोलिंग करत होते. या दरम्यान पालसिंगण शिवारातील टॉवर क्र.38,39 व 40 क्रमाकांच्या टावरवरील 2 हजार 32 फुट अॅल्युमिनियम कंडक्टर तार चोरी झाल्याचे निदर्शनास आले. या प्रकरणी नेकनूर पोलीस ठाण्यात अज्ञाताविरुध्द बुधवारी 21 मे रोजी गुन्हा दाखल करण्यात आला. याप्रकरणी पोलीस अधिक तपास करत आहेत.
पवनचक्की कंपनीने शेतकऱ्यांना गंडा घातला; चोरट्यांनी पालशिंगण शिवारात ॲल्युमिनियम तारेवर दरोडा टाकला
