बीड — राज्यातील नगरपालिकांच्या निवडणूक तयारीने वेग घेतला आहे.अध्यक्षपदाची सोडत सुरु असून बीड नगरपालिकेचे नगराध्यक्षपद अनुसूचित जातीच्या महिलेसाठी राखीव झाले आहे. आणखी इतर प्रवर्गाचे आरक्षण सुरु असून सुरुवातीला अनुसूचित जातींसाठी अधिसूचित नगरपालिकांची यादी जाहीर करण्यात आली आहे.
बीडला अनुसूचित महिला आरक्षण जाहीर झाले आहे.तर ओबीसी प्रवर्गात माजलगाव ओबीसी महिला आणि अंबाजोगाई ओबीसी आरक्षण असणार आहे. धारूर, परळी नगरपालिका खुल्या प्रवर्गासाठी असून यात गेवराई, परळीमध्ये खुल्या प्रवर्गातील महिला आरक्षण असणार आहे.
राज्यातील आगामी स्थानिक स्वराज्य संस्थांच्या निवडणुकीच्या पार्श्वभूमीवर आज 6ऑक्टोबर रोजी आरक्षणाची सोडत काढण्यात आली. आपल्या शहराचे नगराध्यक्षपद कोणत्या प्रवर्गाकडे जाईल याची लोकप्रतिनिधींमध्ये प्रचंड उत्सुकता होती. ही उत्सुकता अखेर संपली आहे. राज्यातील 16 नगरपरिषदांमध्ये अनुसूचित जातीच्या महिलांना आरक्षण जाहीर झाले आहे. तर 34 नगर परिषदांमधील नगराध्यक्षपद हे ओबीसी महिला प्रवर्गासाठी आरक्षित झाले आहे. यामध्ये इगतपुरी, भोकरदन, जुन्नर, दौंड, माजलगाव, कर्जत, रोहा या नगपरिषदांचाही समावेश आहे. नगराध्यक्षपदाच्या या सोडतीमुळे स्थानिक पातळीवरील राजकीय समीकरणे कमालीची बदलू शकतात. त्यामुळे आता या आरक्षणाचा फायदा कोणत्या पक्षाला होणार,राजकीय वर्तुळातून चर्चा सुरु झाली आहे.
असे आहे नगराध्यक्ष पदाचे आरक्षण
अनुसूचित जाती महिला : बीड
ओबीसी महिला : माजलगाव
ओबीसी : अंबाजोगाई
सर्वसाधारण महिला : परळी,गेवराई
सर्वसाधारण :धारूर
