बीड — ऑनलाइन पैसे टाकतो असं सांगून मोटार सायकलवर बसवून घेऊन जात त्याची लूट करणाऱ्या चौघांना स्थानिक गुन्हे शाखेच्या पोलिसांनी जेरबंद केले आहे.
या प्रकरणात पोलिसांनी दिलेल्या माहितीवरून शेख इम्रान दस्तगीर, वय 28 वर्ष, रा होळ याला त्याच्या मित्रांने ऑनलाइन पैसे पाठव म्हणून सांगितले होते. परंतु ऑनलाईन पैसे नसल्यामुळे तो आडस फाटा येथील एका बियर बार समोर थांबून विचारपूस करत होता.यावेळी तीन तरुण मोटार सायकल वरून या ठिकाणी आले. शेख इम्रान यास ऑनलाइन पैसे टाकतो असं सांगून मोटार सायकल वर बसवले.आडस रोडला घेवुन जावुन त्याच्याकडील पैसे व मोबाईल हिसकावुन घेवुन पळुन गेले. या प्रकरणी अंबाजोगाई शहर पोलीस ठाण्यात 309(4), 3(5) बी.एन.. एस प्रमाणे दि. 7 फेब्रुवारी रोजी गुन्हा नोंद करण्यात आला होता. पोलीस गून्हयातील आरोपींचा शोध घेत होते. दरम्यान गुप्त बातमीदाराकडून स्थानिक गुन्हे शाखेला गुन्हा हा सुमित अरुण गायकवाड व त्याचे साथीदारासह केला असुन ते सध्या अंबाजोगाई येथे असल्याची माहीती मिळाली.पथकाने अंबाजोगाई शहर परीसरातुन गुन्हयातील आरोपी सुमित अरुण गायकवाड, वय 20 वर्ष, रा पंचशिल नगर अंबाजोगाई, विनय गोविंद जगधने, वय 19 वर्ष, रा संभाजीनगर अंबाजोगाई, विश्वजीत विश्वास गंडले, वय 19 वर्ष, रा लाल नगर अंबाजोगाई व शिवम जनक कसबे, वय 19 वर्ष, रा आर्मी कॉलनी अंबाजोगाई यांना ताब्यात घेवुन त्यांच्या कडून बळजबरीने चोरुन नेलेला मोबाईल व गुन्हयात वापरलेली दुचाकी मोटार सायकल जप्त करुन पोलीस ठाणे अंबाजोगाई शहर यांच्या ताब्यात देण्यात आले असुन पुढील तपास अंबाजोगाई शहर पोलीस करीत आहेत.हि कामगिरी पोलीस अधीक्षक नवनीत काँवत, अप्पर पोलीस अधीक्षक श्रीमती चेतना तिडके, स्थानिक गुन्हे शाखेचे शिवाजी बंटेवाड यांच्या मार्गदर्शनाखाली पोलीस उपनिरीक्षक सुशांत सुतळे, पोलीस हवालदार मारोती कांबळे, रामचंद्र केकाण, गोविंद भताने, सचिन आंधळे, विकी सुरवसे व चालक अतुल हराळे या स्थानिक गुन्हे शाखेच्या पथकाने केली.
जबरी चोरी करणारे 4 आरोपी गुन्हे शाखेने पकडले
