बीड — नेकनूर पोलीस ठाण्याचे सहाय्यक पोलीस निरीक्षक चंद्रकांत गोसावी यांच्या मातोश्री श्रीमती शोभा गोसावी (वय 65 वर्ष ) यांचं पश्चिम बंगालमधील कलकत्ता येथे उपचारादरम्यान निधन झालं.
श्रीमती शोभा गोविंद गोसावी अतिशय धार्मिक स्वभावाच्या होत्या. हरिनाम सप्ताह असो की कुठलाही धार्मिक कार्यक्रमात त्यांची उपस्थिती आवर्जून असायचीच. चारीधाम यात्रेसाठी पश्चिम बंगालमधील गंगासागरला त्या गेल्या होत्या.या ठिकाणी सोमवारी त्यांचा अपघात झाला होता. त्यांच्यावर कलकत्ता येथील रुग्णालयात उपचार सुरू होते. दरम्यान उपचार सुरू असतानाच सायंकाळी सात वाजता त्यांची प्राणज्योत मालवली. त्यांच्या पार्थिवावर गुरुवार दि. 15 जानेवारी रोजी सकाळी 11 वाजता त्यांच्या अहिल्यानगर जिल्ह्यातील पाथर्डी तालुक्यात असलेल्या विठ्ठल वाडी येथील गोसावी मळ्यात अंत्यसंस्कार करण्यात येणार आहेत. त्यांच्या पश्चात मुलगा, मुलगी, सून, जावाई, नातवंड असा परिवार आहे.
“सह्याद्री माझा” परिवार गोसावी कुटुंबीयांच्या दुःखात सहभागी आहे.
एपीआय चंद्रकांत गोसावी यांना मातृ शोक !
